మొహాన్ని ఆరోగ్యంగా, మెరుస్తూ ఉంచుకోవడానికి చర్మసంరక్షణ చాలా ముఖ్యం. సరైన విధానాన్ని అనుసరించడం వల్ల ఎక్కువ కాలం పాటు ఆరోగ్యవంతమైన చర్మ సౌందర్యంతో ఉండొచ్చు. దీని కోసం మీరేమీ భారీ విధానాలను అనుసరించాల్సిన అవసరం లేదు. కేవలం, రోజూ క్లెన్సింగ్, మాయిశ్చరైజింగ్, టోనింగ్ అంటే సీటీఎం(CMT) విధానాన్ని పాటించాలి. దీనిలో మొదటి దశ క్లెన్సింగ్, అంటే మొహాన్ని బాగా కడుక్కోవడం. ఇది చాలా ముఖ్యమైన దశ. మొహం మీద ఉన్న ధూళి, మురికి, అదనపు నూనెను తొలగించడానికి మొహం కడుక్కోవడం చాలా అవసరం. కానీ చాలా మంది మొహం కడుక్కునేటప్పుడు కొన్ని తప్పులు చేస్తారు. అవి వారికి మేలు కన్నాఎక్కువ నష్టాన్ని కలిగిస్తాయి. ఈ తప్పుల వల్ల మొహం మీద వృద్ధాప్యం సంకేతాలు త్వరగా కనిపిస్తాయి. చర్మంపై వృద్ధాప్య లక్షణాలు మాత్రమే కాకుండా మందంగానూ, ముదురుగానూ కనిపిస్తుంది.

ఇలా జరగనడానికి గల కారణాలను, సాధారణంగా చాలా మంది మొహం కడుక్కోవడంలో చేసే తప్పులను తెలుసుకోసండి. చర్మాన్ని కాపాడుకోండి.

మొహం కడుక్కోవడానికి సరైన ఫేస్ వాష్ జెల్ ఉపయోగించకపోవడం

ఈ తప్పు చాలా మంది చేస్తుంటారు. ఆలోచించకుండానే ఏదైనా ద్రావణాన్ని తీసుకొని మొహం కడుక్కోవడానికి ఉపయోగిస్తారు. దీర్ఘకాలంలో ఈ అలవాటు చేయడం వల్ల ఇది మీ మొహానికి చాలా హాని కలిగిస్తుంది. అందుకోసం మీ చర్మ రకం, చర్మ పరిస్థితిని దృష్టిలో ఉంచుకొని ఎల్లప్పుడూ సరిపడ ఫేస్ వాష్ జెల్ మాత్రమే ఎంచుకోవాలి. అంతేకాకుండా మొహం కడుక్కునేందుకు ఎలాంటి ఫేస్ వాష్ జెల్ అవసరమవుతాయో తెలుసుకోవాలి. మీకు మొటిమలు లేదా రంగు మచ్చలు వంటి సమస్యలు ఉంటే, డెర్మటాలజిస్ట్ సలహా మేరకు మీకు సరైన క్లెన్సర్‌ను ఎంచుకోండి.

తప్పుగా మొహం కడుగుతున్నారా?

మొహం కడుక్కునేందుకు వినియోగించే ద్రావణమే కాదు, దాంతో పాటు క్లీన్ చేసుకునే పద్దతి కూడా కరెక్ట్ అయి ఉండాలి. మీరు చాలా కాలంగా తప్పుగా మొహం కడుగుతున్నట్లయితే, అది మీ చర్మానికి హాని కలిగిస్తుంది. మొహం కడుక్కోవడానికి ముందు మేకప్‌ను బాగా తొలగించండి. ఆ తర్వాత నీటితో మొహాన్ని శుభ్రం చేసుకోండి. ఇప్పుడు కొద్దిగా ఫేస్ వాష్ జెల్ తీసుకుని చాలా తేలికగా మొహానికి మసాజ్ చేసి ఒకటి లేదా రెండు నిమిషాల తర్వాత కడుక్కోండి. అంతకంటే ఎక్కువసేపు మొహాన్ని రుద్దడం వల్ల చర్మంపై సహజ నూనెలు తగ్గిపోతాయి. ఫలితంగా చర్మం చాలా మందంగా, పొడిగా మారిపోతుంది.

నీరు కూడా ముఖ్యం

ఫేస్ వాష్ జెల్ వేసుకున్న తర్వాత మొహం కడుక్కోవడానికి ఏ నీటిని వినియోగిస్తున్నారు అనేది చాలా ముఖ్యం. ముఖ్యంగా నీటి ఉష్ణోగ్రత చాలా కీలకం. మొహం కడుక్కోవడానికి ఎప్పుడూ వేడి నీటిని ఉపయోగించకండి. ఇది చర్మాన్ని చాలా పొడిగా చేస్తుంది. దీనివల్ల వృద్ధాప్య సంకేతాలు త్వరగా కనిపిస్తాయి. అంతేకాకుండా, మీకు కఠినమైన నీరు అందుబాటులో ఉంటే, మొహం కడుక్కోవడానికి మినరల్ వాటర్ ఉపయోగించండి. దీనివల్ల మీ చర్మం మీద మొటిమలు రావడం తగ్గుతుంది.

చాలా ఎక్కువగా ఎక్స్‌ఫోలియేట్ చేస్తున్నారా?

మొహంపై డెడ్ స్కిన్ ఉంటే దానిని తొలగించడానికి ఎక్స్‌ఫోలియేట్ చేయడం చాలా అవసరం. అయితే, దీని అర్థం మీరు దాదాపు ప్రతిరోజూ ఎక్స్‌ఫోలియేట్ చేయాలి అని కాదు. ఇది మీ మొహానికి చాలా హాని కలిగిస్తుంది. వారానికి రెండు నుండి మూడు సార్లు ఎక్స్‌ఫోలియేట్ చేయడం సరిపోతుంది. ఇది మీ చర్మం మీద ఆధారపడి ఉంటుంది. అంతేకాకుండా, ఫేస్ వాష్ జెల్ ఎంచుకునేటప్పుడు అది చాలా మృదువైనదిగా ఉండాలి. ఇంకా అందులో ఎక్కువ ఎక్స్‌ఫోలియేటింగ్ ఏజెంట్లు ఉండకూడదనే విషయం గుర్తుంచుకోండి.

మొహం కడుక్కొన్న తర్వాత మాయిశ్చరైజర్ వేసుకోకపోవడం

మొహం కడుక్కొన్న తర్వాత మీరు వెంటనే మాయిశ్చరైజర్ రాసుకోవాలి. మీ అలవాటు కారణంగా మీ మొహం మీద వృద్ధాప్య ఛాయలు త్వరగా కనిపిస్తాయి. మీ చర్మం కొవ్వుగా ఉన్నప్పటికీ, మీ చర్మ రకానికి తగిన మాయిశ్చరైజర్ ను రాసుకోవాల్సిందే. మొహం కడుక్కొన్న రెండు నిమిషాల లోపల మాయిశ్చరైజర్ వేసుకుంటే, అది మీ చర్మాన్ని పొడిగా మారకుండా కాపాడుతుంది. ఈ చిన్న అలవాటుతో మీ చర్మం ఆరోగ్యంగానూ, ప్రకాశవంతంగా ఉంటుంది.