అరకు అందాలను చూడాలనుకుంటున్నారా..? అయితే తక్కువ బడ్జెట్ లోనే టూర్ ప్యాకేజీ వచ్చేసింది. ఈ మేరకు తెలంగాణ టూరిజం శాఖ ప్యాకేజీ వివరాలను ప్రకటించింది. ఈ ప్యాకేజీని హైదరాబాద్ నుంచి ఆపరేట్ చేస్తున్నట్లు తెలిపింది.

“HYDERABAD-VIZAG-ARAKU” పేరుతో తెలంగాణ టూరిజం వెబ్ సైట్ లో ఈ ప్యాకేజీ అందుబాటులో ఉంటుంది. హైదరాబాద్ నుంచి రోడ్డు మార్గం ద్వారా వెళ్లాల్సి ఉంటుంది. 26 ఫిబ్రవరి, 2025వ తేదీన ట్రిప్ అందుబాటులో ఉంది. ఈ తేదీ మిస్ అయితే… మరో తేదీలో కూడా బుకింగ్ చేసుకోవచ్చు. తెలంగాణ టూరిజం వెబ్ సైట్ లోకి వెళ్లి అప్డేట్స్ తెలుసుకోవచ్చు.

హైదరాబాద్ – అరకు ట్రిప్, వివరాలు:

• హైదరాబాద్ నుంచి అరకు ట్రిప్ ను తెలంగాణ టూరిజం శాఖ ఆపరేట్ చేస్తోంది.
• ఈ ట్రిప్ మొత్తం నాలుగు రోజులపాటు ఈ ట్రిప్ ఉంటుంది.
• అన్నవరం, సింహాచలం, వైజాగ్, ఆర్కే బీచ్, కైలాసగిరి, అరకులోని బొర్రా గుహలు, అనంతగిరి చూడొచ్చు.
• మొదటి రోజు హైదరాబాద్ లోని పర్యాటక భవన్ నుంచి ప్రయాణం మొదలవుతుంది.
• 2వ రోజు ఉదయం 6 గంటలకు విశాఖపట్నం చేరుకుంటారు. హోటల్ లోకి చెకిన్ అవుతారు. సింహాచలం, కైలాసగిరి, రుషికొండను చూస్తారు. అంతేకాకుండా…. సబ్ మైరైన్ మ్యూజియంను సందర్శిస్తారు.సాయంత్రం వైజాగ్ బీచ్ ను సందర్శిస్తారు. రాత్రి వైజాగ్ లోనే బస చేస్తారు.
• 3వ రోజు ఉదయం 6 గంటలకు అరకు చేరుకుంటారు. ఈ జర్నీ చాలా బాగుంటుంది. అరకులో ఉంటే ట్రైబల్ మ్యూజియం, అనంతగిరి, కాఫీ ప్లానిటేషన్, బొర్రా కేవ్స్, థిమ్సా డ్యాన్స్ ను చూస్తారు. రాత్రి అరకులోనే ఉంటారు.
• 4వ రోజు అన్నవరం చేరుకుంటారు. దర్శనం తర్వాత హైదరాబాద్ రిటర్న్ జర్నీ ఉంటుంది. ఐదో రోజు ఉదయం 7 గంటల వరకు హైదరాబాద్ చేరుకోవటంతో టూర్ ప్యాకేజీ ముగుస్తుంది. నాన్ ఏసీ బస్సులో జర్నీ ఉంటుంది.
• హైదరాబాద్ – అరకు ట్రిప్ ధరలు చూస్తే… పెద్దవారికి రూ. రూ. 6,999గా ఉంది. పిల్లలకు 5.599గా నిర్ణయించారు.
• ఈ లింక్ పై క్లిక్ చేస్తే హైదరాబాద్ – అరకు టూర్ ప్యాకేజీ వివరాలు తెలుసుకోవటంతో పాటు బుకింగ్ చేసుకోవచ్చు.