Netflix Crime Thriller Web series: క్రైమ్ థ్రిల్లర్ వెబ్ సిరీస్ లకు కేరాఫ్ అయిన నెట్‌ఫ్లిక్స్ లోకి అలాంటిదే మరో సిరీస్ రాబోతోంది. ఈ సిరీస్ పేరు ఖాకీ: ది బెంగాల్ ఛాప్టర్. ఈ సిరీస్ ట్రైలర్ బుధవారం (మార్చి 5) ప్రేక్షకుల ముందుకు వచ్చింది. ఫుల్ గన్స్, వయోలెన్స్ తో సాగిపోయిన ఈ ట్రైలర్.. సిరీస్ ఎలా ఉండనుందో చెప్పకనే చెప్పింది.

ఖాకీ: ది బెంగాల్ ఛాప్టర్ ట్రైలర్

నెట్‌ఫ్లిక్స్ లోకి రాబోతున్న కొత్త వెబ్ సిరీస్ ఖాకీ: ది బెంగాల్. జీత్ మద్నానీ, ప్రొసేన్‌జీత్ ఛటర్జీ, శాశ్వత ఛటర్జీ, పరంబ్రత ఛటర్జీలాంటి వాళ్లు నటించిన ఈ సిరీస్ ట్రైలర్ ను రిలీజ్ చేశారు. నీరజ్ పాండే క్రియేట్ చేసిన ఈ సిరీస్ లో రక్తం ఏరులై పారనున్నట్లు ట్రైలర్ చూస్తే తెలుస్తోంది. 2002లనాటి కోల్‌కతా, బెంగాల్ నేపథ్యంలో సాగే స్టోరీ ఇది.

సర్కారు అండతో చెలరేగిపోయి రాష్ట్రంలో అరాచకం సృష్టించే క్రిమినల్ ఓవైపు.. అతని ఆట కట్టించడానికి రంగంలోకి దిగే ఓ పవర్‌ఫుల్ పోలీస్ ఆఫీసర్ మరోవైపు.. ఈ వెబ్ సిరీస్ ట్రైలర్ అలా సాగిపోయింది. ఐపీఎస్ ఆఫీసర్ అర్జున్ మైత్రా అటు క్రిమినల్స్ ను, ఇటు అధికారంలో ఉన్న వాళ్ల సవాలును ఎలా అధిగమిస్తాడన్నదే ఈ ఖాకీ: ది బెంగాల్ ఛాప్టర్ స్టోరీ.

ఖాకీ: ది బెంగాల్ ఛాప్టర్ గురించి..

ఈ ఖాకీ: ది బెంగాల్ ఛాప్టర్ ట్రైలర్ ను నెట్‌ఫ్లిక్స్ రిలీజ్ చేసంది. “పోలీసులు, గ్యాంగ్‌స్టర్స్, సర్కార్.. ఈ చక్రవ్యూహంలో అందరికంటే తెలివైన వాళ్లు ఎవరు? ఖాకీ: ది బెంగాల్ ఛాప్టర్ మార్చి 20న నెట్‌ఫ్లిక్స్ లో చూడండి” అనే క్యాప్షన్ తో ట్రైలర్ ను తీసుకొచ్చింది.

ఖాకీ: ది బెంగాల్ ఛాప్టర్ వెబ్ సిరీస్ ను దేబాత్మ మండల్, తుషార్ కాంతి రే డైరెక్ట్ చేశారు. షో రన్నర్ అయిన నీరజ్ పాండే ఈ సిరీస్ స్క్రిప్ట్ ను డైరెక్టర్ దేబాత్మ మండల్ తో కలిసి రాశాడు.

ఇప్పటికే నెట్‌ఫ్లిక్స్ లో ఖాకీ: ది బీహార్ ఛాప్టర్ వెబ్ సిరీస్ స్ట్రీమింగ్ అవుతోంది. ఈ సిరీస్ నవంబర్, 2022లో రిలీజైంది. ఈ ఖాకీ సిరీస్ లో వస్తున్న రెండో సీజన్ ఖాకీ: ది బెంగాల్ ఛాప్టర్.