కార్తీక దీపం 2 నేటి (మార్చి 18) ఎపిసోడ్‍లో ఏం జరిగిందంటే.. పెళ్లి చూపుల్లో జ్యోత్స్న కూర్చుకుంటుంది. అమ్మాయిని ఏమైనా అడగాలంటే అడగండి అని గౌతమ్ తల్లిదండ్రులతో దశరథ్ అంటాడు. ఇద్దరూ ఫ్రెండ్స్ కాబట్టి వీడి గురించి ఎక్కువే తెలిసి ఉంటుందని జ్యోత్స్నతో గౌతమ్ తల్లి అంటుంది.

పెళ్లికి ఓకే చెప్పిన జ్యోత్స్న

మాకు ఎలాంటి ప్రాబ్లం లేదు..నీకు ఈ పెళ్లి ఓకే కదా అని జ్యోత్స్నను గౌతమ్ తండ్రి అడుగుతాడు. పెళ్లికి ఓకే అని జ్యోత్స్న చెబుతుంది. దీంతో పారిజాతం, శివన్నారాయణ, దశరథ్, సుమిత్ర సంతోషిస్తారు. అమ్మాయికి, అబ్బాయికి ఓకే.. మమ్మల్ని ఏమైనా అడగాల్సి ఉంటే చెప్పండని గౌతమ్ తల్లి అంటుంది.

యావదాస్తికి వారసురాలు

నా యావదాస్తికి వారసురాలు నా మనవరాలు అని శివన్నారాయణ చెబుతాడు. జ్యోత్స్న అని చెప్పవచ్చు కదా అని మనసులో అనుకుంటుంది జ్యోత్స్న. కట్నకానుకలు అడగపోయినా ఇస్తామని దశరథ్ అంటాడు. అయితే, ఇంక ముహూర్తాలు పెట్టుకోవచ్చని గౌతమ్ తల్లి అంటుంది. నిశ్చితార్థానికి మంచి ముహూర్తం పెట్టాలని పంతులుకు చెబుతాడు శివన్నారాయణ. ఏమైనా మాట్లాడుకోవచ్చని గౌతమ్, జ్యోత్స్నకు తల్లిదండ్రులు చెబుతారు.

జ్యోత్స్నకు ప్రపోజ్ చేసిన గౌతమ్

గౌతమ్, జ్యోత్స్న ఏకాంతంగా మాట్లాడుకుంటారు. మళ్లీ నీ లైఫ్‍లోకి వెల్‍కమ్ పలుకుతావని ఊహించలేదని గౌతమ్ అంటాడు. ఇంకా మీ బావే గుర్తొస్తున్నాడా అని అడుగుతాడు. గతం మర్చిపోవాలని, ఎందుకు ఆగిపోవాలని జ్యోత్స్న లాజిక్‍లు చెబుతుంది. ఈ మాటలను మనసు మీద రాసుకోవాలని గౌతమ్ అంటాడు. అంత ప్రేమ ఉందా అని జ్యోత్స్న అంటుంది. గులాబీ పువ్వు చేతిలో పట్టుకొని మోకాళ్లపై కూర్చొని జ్యోత్స్నకు ప్రపోజ్ చేస్తాడు గౌతమ్. ఐ లవ్ యూ జ్యోత్స్న, నా జీవితంలోకి ఆహ్వానిస్తానని చెబుతాడు.

ఆస్తి కోసం..

నీ ప్రేమ ఇప్పటికీ అలాగే ఉందని జ్యోత్స్న అంటే.. ఎప్పటికీ ఇలాగే ఉంటుందని గౌతమ్ చెబుతాడు. “ఇప్పుడే కదా మీ తాత చెప్పాడు. ఈ యావదాస్తికి ఏకైక వారసురాలివి నువ్వేనని. మామూలుగా అయితే కనీసం రూ.100కోట్లు నీ నుంచి వస్తాయనుకున్నా. ఆస్తి మొత్తం వస్తుందని ఇప్పుడు అర్థమైంది. నీతో పెళ్లి అయితే నా ఎంజాయ్‍మెంట్ లైఫ్‍లాంగ్ నాకు ఉంటుంది” అని మనసులో అనుకుంటాడు గౌతమ్. ఇంతలో గౌతమ్, జ్యోను పారిజాతం పిలుస్తుంది. ఏదైనా ఉంటే ఫోన్‍లో మాట్లాడుకుందామని జ్యో అంటుంది. ఇప్పటికే ఓ అమ్మాయిని ప్రెగ్నెంట్ చేసి.. మరో అమ్మాయితో తిరుగుతున్న గౌతమ్.. జ్యోత్స్నను పెళ్లి చేసుకునేందుకు రెడీ అవుతాడు.

నిశ్చితార్థానికి ముహూర్తం ఖరారు

ఇద్దరి జాతకాల ప్రకారం నిశ్చితార్థానికి నాలుగు రోజుల్లో ఓ మంచి ముహూర్తం ఉందని పంతులు చెబుతాడు. వారం తర్వాత ఇంకో ముహూర్తం ఉందని, ఏది ఖాయం చేయాలని అడుగుతాడు. ముందటిదే ఖాయం చేసుకుందామని శివన్నారాయణ అంటాడు. గౌతమ్ తల్లిదండ్రులను అడుగుతాడు. ముహూర్తం బాగుంటే ఇప్పుడు పెళ్లి చేసినా సరే అంటూ వారు చెబుతారు. ఆ నాలుగు రోజుల ముహూర్తం ఖాయం చేయాలని పంతులుతో దశరథ్ చెబుతాడు. ఆ తర్వాత గౌతమ్ ఫ్యామిలీ అక్కడి నుంచి వెళ్లిపోతుంది.

ఇక నీ కూతురు పెళ్లి అయిపోయినట్టే అని సుమిత్రతో చెప్పి సంతోషిస్తాడు శివన్నారాయణ. థ్యాంక్స్ జ్యోత్స్న అని చెబుతాడు. నీ నోట్లో నుంచి మళ్లీ ఓకే అని వచ్చే వరకు నువ్వు ఏమంటావో అని భయపడుతూనే ఉన్నాం.. మా పరువు మర్యాదలు కాపాడి ఈ ఇంటి వారసురాలు అనిపించున్నావని శివన్నారాయణ అంటాడు.

కార్తీక్ ఇంటికి జ్యోత్స్న

“నా స్థాయేంటో, నేనేంటో నాకు తెలుసు.. తెలియని మనిషి ఒకడున్నాడు.. ఆ మనిషికి కనిపించి తాను ఏం కోల్పోతున్నాడో చెప్పి రావాలి” అని మనసులో అనుకుంటుంది జ్యోత్స్న. కార్తీక్ ఇంటికి వెళుతుంది. సుమిత్ర అమ్మాయి పెళ్లి చూపులు ఏమయ్యాయోనని కాంచనతో అనసూయ అంటుంటే.. అందరి దృష్టి నాపైనే ఉన్నట్టుందంటూ జ్యోత్స్న ఎంట్రీ ఇస్తుంది. అలంకరణ తీయకుండా రావడంతో పెళ్లి చూపులు కాదనుకున్నావా అని జ్యోత్స్నను అనసూయ అడుగుతుంది. కాంచన, కార్తీక్, దీప కూడా ఇలాగే మాట్లాడతారు. మారవా.. నీ ఇష్టానికి నువ్వు బతికేస్తే సరిపోతుందా అని దీప అంటుంది.

నేను పెళ్లికి ఒప్పుకున్నా..

అందరూ ఆపుతారా.. స్వీట్ బాక్సుతో వచ్చానంటే కూడా అర్థం కావడం లేదా అని జ్యోత్స్న అంటుంది. నాకు పెళ్లిచూపులు జరిగాయి.. నేను పెళ్లి ఒప్పుకున్నా.. ఇప్పుడు ఓకేనా అని చెప్పేస్తుంది. దీంతో కాంచన, అనసూయ సంతోషిస్తారు. నిశ్చితార్థానికి ముహూర్తాలు కూడా పెట్టారని జ్యోత్స్న అంటుంది. ఈ మాట ఫోన్‍లో కూడా చెప్పొచ్చు కదా అని కార్తీక్ అంటాడు. నమ్ముతారో లేదా అని పెళ్లి చూపుల బట్టల్లోనే వచ్చానని జ్యోత్స్న బదులిస్తుంది. పెళ్లి కొడుకును కూడా తీసుకురావాల్సిందని వెటకారంగా అంటాడు కార్తీక్. నీకు పోటీ కాదు కానీ.. నాకు సరిపోతాడని జ్యోత్స్న చెబుతుంది.

నువ్వు పెళ్లికి ఒప్పుకున్నావ్ కదా.. అది చాలు మాకు అని కాంచన అంటే.. అందరికీ బావే కావాలంటే కుదరదు కదా అని జ్యోత్స్న అంటుంది. నేను ఇష్టపడిన కొడుకు నాకు దొరకలేదు.. అందుకే నన్ను ఇష్టపడిన మనిషిని పెళ్లి చేసుకుంటున్నానని జ్యోత్స్న అంటుంది. శుభవార్త చెప్పావమ్మా అని అనసూయ అంటుంది.

నిశ్చితార్థానికి రావాలి

నిశ్చితార్థానికి తప్పకుండా రావాలని కాంచనతో జ్యోత్స్న అంటుంది. మా అమ్మ సుమిత్ర కాల్ చేస్తే అత్త సరిగా మాట్లాడలేదని చెబుతుంది. నువ్వు పెళ్లి చేసుకుంటానంటూ సెలెబ్రేట్ చేసుకుంటామనేలా కార్తీక్ అంటాడు. తాను తెచ్చిన స్వీట్లను కాంచన, అనసూయ, దీపకు ఇస్తుంది జ్యోత్స్న.

అయిపోయిన స్వీట్స్.. ఇన్‍డైరెక్ట్ మాటలు

కార్తీక్‍ను కూడా స్వీట్ తీసుకోమని చెబుతుంది జ్యోత్స్న. అయితే బాక్సులో స్వీట్స్ అయిపోయి ఉంటాయి. స్వీట్స్ అయిపోయాయే.. తొందరలో ఏదో ఒక డబ్బా పట్టుకొచ్చానని అంటుంది. ఎన్ని ఉన్నాయో చూసుకోలేదని చెబుతుంది. “ఈ స్వీట్ నీకు ఇవ్వాలనుకున్నా. కానీ మిస్ అయ్యావ్ బావ. చాలా మిస్ అయ్యావ్. మనసులో బాధ ఉంటుందిలే” అని జ్యోత్స్న అంటుంది. నన్ను మిస్ అవుతున్నావంటూ ఇన్‍డైరెక్టుగా కార్తీక్‍కు చెబుతుంది.

దీప స్వీట్ పంచుకున్న కార్తీక్.. జ్యోత్స్నకు కౌంటర్లు

తాను మిస్ కాలేదని కార్తీక్ అంటాడు. నాకు దక్కాల్సింది నాకు దక్కిందని దీపను చూస్తు అంటాడు. ఈ సగం నాది అంటూ దీప చేతిలోని స్వీట్‍ను కాస్త తీసుకొని తింటాడు. పంచుకునే మనిషి పక్కనే ఉన్నప్పుడు ఇవన్నీ ఖాళీ డబ్బాలే అంటూ జ్యోత్స్నకు కౌంటర్లు ఇస్తాడు కార్తీక్.

దీప వల్లే..

మనకు కూడా నిశ్చితార్థం జరిగేది అని, కానీ ఓ మహాతల్లి కారణంగా చెడిపోయిందని దీపను చూస్తూ జ్యోత్స్న అంటుంది. దీప వల్లే తమ పెళ్లి కాలేదని అంటుంది. అది నా అదృష్టమని కార్తీక్ అంటాడు. వీళ్లిద్దరికీ రాసిపెట్టి లేదని కాలం చేసిన హెచ్చరిక అని కార్తీక్ అంటాడు. ఈరోజుతో గతాన్ని మరిచిపోతున్నానని చెప్పేందుకు వచ్చానని జ్యోత్స్న అంటే.. మంచిదని దీప చెబుతుంది. అందరూ సంతోషంగా, ప్రశాంతంగా ఉంటారని చెబుతుంది.

ఎవరెలాంటి వారో నాకు తెలుసు

అత్తా.. కోడలిని అవుతామనుకున్నా.. మేనకోడలిగా మిగిరిపోయానంటూ కాంచన కాళ్లపై పడి ఆశీర్వాదం తీసుకుంటుంది జ్యోత్స్న. పెళ్లి చేసుకొని ఏ అమెరికానో వెళ్లిపోయి.. హాయిగా ఉండాలని కాంచన దీవిస్తుంది. ఇండియాలో ఉండే హాయిగా ఉండనా అని జ్యోత్స్న అంటుంది. మేం హాయిగా ఉండలేమని కార్తీక్ అంటే.. నేను మరీ అంత చెడ్డదాన్ని కాదని జ్యోత్స్న అంటుంది. ఎవరు ఎలాంటి వాళ్లో మాకు తెలుసని దీప

అంటే.. ఆధారాలు, సాక్ష్యాలు ఉన్నాయా, నిరూపించు అని జ్యోత్స్న అడుగుతుంది. ఆధారాలు ఎందుకు అని కాంచన అంటే.. రెస్టారెంట్‍లో జరిగిన దాని గురించి అని కవర్ చేస్తాడు కార్తీక్.

నిశ్చితార్థానికి రండి

నీ మీద ఉన్న కోపంతోనే వదినతో సరిగా మాట్లాడలేదని కాంచన అంటుంది. నీ పెళ్లి కుదిరిందని చెప్పాక కోపం పోయిందని చెబుతుంది. మన రెండు కుటుంబాలు ఈ పెళ్లితో కలవాలని జ్యోత్స్న అంటుంది. నిశ్చితార్థానికి రావాలని పిలుస్తుంది. ఎందుకు తిట్లు తినడానికా అని కార్తీక్ అంటాడు. తాత శివన్నారాయణకు నన్ను, దీపను చూస్తే శివతాండవం చేస్తాడని చెబుతాడు. ఎవరి కారణంగానో మన కుటుంబాలు ఎందుకు దూరంగా ఉండాలి బావ అని దీపను ఉద్దేశించి జ్యోత్స్న అంటుంది. మళ్లీ కలవాలని చెబుతుంది.

నా కోరిక అదే దీప అంటే.. నీది కోరిక, నాది సంకల్పం అని జ్యోత్స్న అంటుంది. పడుకొని నువ్వు కలలు కంటే.. మేం లేచి నిజం చేస్తామని పంచ్ వేస్తాడు కార్తీక్. నువ్వు ఇచ్చిన సలహా వల్లే పెళ్లికి ఒప్పుకున్నానని జ్యోత్స్న అంటుంది. మీరంతా రావాలని ఆహ్వానిస్తుంది. మారిపోయిన తన మంచితనాన్ని అందరూ అర్థం చేసుకోవాలని, అందరం కలిసి ఉండాలన్నదే నా కోరిక అంటుంది. వెళ్లిపోతూ ఆగి.. బావ అంటుంది జ్యోత్స్న. స్వీట్ బాక్స్ కోసమా అంటూ వెటకరిస్తాడు కార్తీక్. థ్యాంక్స్ చెప్పాలనిపించిందని జ్యోత్స్న అంటుంది. బాయ్ చెప్పి అక్కడి నుంచి వెళ్లిపోతుంది. కార్తీక్, జ్యోత్స్నను ఇక జ్యోత్స్న ఇబ్బంది పెట్టదని కాంచనతో అనసూయ చెబుతూ సంతోషిస్తుంది.

దీని వెనుక ఏదైనా ప్లాన్ ఉందా..

“పెళ్లిచూపులు ఓకే.. అసలు జ్యోత్స్న ఈపెళ్లి చేసుకుంటుందా.. దీని వెనుక ఏదైనా ప్లాన్ ఉందా” అని మనసులో అనుకుంటాడు కార్తీక్. జ్యోత్స్నను కార్తీక్ బాబు నమ్మడం లేదని, మెడలో మూడుముళ్లు పడితే కానీ నమ్మరని దీప ఆలోచిస్తుంది.

సుమిత్రను పిలుద్దామన్న దశరథ్

నిశ్చితార్థానికి పిలవాల్సిన వాళ్ల గురించి శివన్నారాయణ, దశరథ్ మాట్లాడుకుంటూ ఉంటారు. మన శత్రువు సత్యరాజ్‍ను కూడా పిలువని శివన్నారాయణ అంటాడు. నిశ్చితార్థం బాగా కావాల్సిన వాళ్ల సమక్షంలో జరుపుకుందామని అనుకున్నాం కదా.. ఈ లిస్టులో ఉన్న వాళ్లు సరిపోతారని చెబుతాడు. అంతేగా అని అంటాడు. నాన్న.. ఇంకా పిలవాల్సిన వాళ్లను మరిచిపోయావా అని దశరథ్ అడుగుతాడు. లేదే అని శివన్నారాయణ బదులిస్తాడు. ఈ లిస్టులో ఫస్ట్ ఉండాల్సిన పేరు మిస్ అయిందని దశరథ్ అంటాడు. ఎవరిది అని శివన్నారాయణ అడిగితే.. నా చెల్లెలి (సుమిత్ర)ది అని దశరథ్ అంటాడు.

కోపంతో ఊగిపోయిన శివన్నారాయణ

శత్రువు పేరు కూడా గుర్తుంది.. మరి కన్నకూతురిని ఎందుకు మరిచిపోయావు నాన్న దశరథ్ అడుగుతాడు. మన ఇంటి శుభకార్యానికి.. మన ఇంటి మహాలక్ష్మికి ఆహ్వానం లేదా నాన్న అని చెబుతాడు. ఆ మహాలక్ష్మి ఇంటికే జ్యోత్స్న కోడలిగా వెళ్లాల్సిందిరా.. కానీ విధి రాత వేరే ఉందని అంటాడు. వాళ్ల మూలంగానే తలెత్తుకొని తిరగలేకున్నామని చెబుతాడు. తాతపై గెలవాలని కాదు.. చంపాలని శత్రువులతో చేతులు కలిపాడని కోపంతో ఊగిపోతాడు శివన్నారాయణ. నేను స్థాపించిన సామ్రాజ్యాన్ని కూలదోస్తున్నాడని, మోసం చేయడమే గెలుపనుకుంటున్నాడని ఆగ్రహంగా అంటాడు.

మన ముందే ఈ ఇంటి వారసురానికి కొట్టినా దీపను వాడు నెత్తిన పెట్టుకుంటున్నాడని కార్తీక్ గురించి కోపంగా మాట్లాడతాడు. వాళ్లు రావడం వల్ల నష్టమే దశరథ్ అని అంటాడు. అందరికీ అన్ని తెలుసు కదా, ఈ తరంలో ఇదే మొదటి, ఆఖరి పెళ్లి, ఆడపడుకు ఉండాలని సుమిత్ర చెబుతుంది. ఉండాలని అనుకుంటున్నారా.. పిలుచుకుంటారని చెబుతున్నారా అని శివన్నారాయణ అంటుంది. నీ ఇష్టానికి వ్యతిరేకంగా చేయబోమని, కానీ రక్తం పంచుకొని పుట్టి కలిసి పెరిగిన వారమని దశరథ బాధతో అంటాడు.

నా మేనల్లుడి పెళ్లి అనుకోకుండా జరిగింది కాబట్టి వెళ్లలేదని, నా కూతురి పెళ్లి అనుకొనే చేస్తున్నాం కదా అని చెబుతాడు. ఇంత మందిలో మరో ఇద్దరిని చేర్చేందుకు ప్లేస్ ఉందని అంటాడు. ఇక్కడ ఉండొచ్చు రా.. కానీ ఇక్కడ లేదంటూ గుండెను చూపిస్తూ శివన్నారాయణ అంటాడు. నేను చెప్పిన వారే రావాలి వస్తారు, నాకు ఒక్కడే కొడుకు.. ఒక్కరే మనవరాలు అని గట్టిగా చెబుతాడు. దశరథ్, సుమిత్ర బాధపడతారు. దీంతో కార్తీక దీపం 2 నేటి (మార్చి 18) ఎపిసోడ్ ముగిసింది.