దానిమ్మ పండు రసాన్ని రోజూ తాగడం వల్ల శరీరానికి బోలెడు ప్రయోజనాలు అందుతాయట. రోగనిరోధక శక్తిని పెంచడంతో పాటు గుండె ఆరోగ్యం వరకు ఎన్నో రకాలుగా మంచి కలుగజేస్తుందని అధ్యయనాలు చెబుతున్నాయి. అంతేకాకుండా శరీరంలో పాడైన కణాలను వృద్ధి చేయడానికి, మిగిలిన భాగాలను రిపేర్ చేయడానికి అవసరమైనన్ని పోషకాలు దానిమ్మలో ఉన్నాయి. దానిమ్మ రోజూ తినడం వల్ల, జ్యూస్ తాగడం వల్ల జీర్ణక్రియకు తోడ్పడుతుంది, చర్మ కాంతిని మెరుగుపరుస్తుంది, మనశ్శాంతిని ఇస్తుంది. ఇందులో యాంటీఆక్సిడెంట్స్ పుష్కలంగా ఉండటం వల్ల మొత్తం ఆరోగ్యాన్ని కాపాడుతుంది. ఇంకా వీటిల్లో ఉండే గుణాలు ఎలా ఉన్నాయంటే..

విటమిన్ సి

దానిమ్మ జ్యూస్‌లో విటమిన్ సి పుష్కలంగా ఉంటుంది. ఇది శరీర రోగనిరోధక శక్తిని పెంచి, ఇన్‌ఫెక్షన్లతో పోరాడే శక్తిని అందజేస్తుంది. అంటు వ్యాధులు సోకకుండా నివారించి, ఆరోగ్యాన్ని పెంపొందిస్తుంది.

కేలరీలు తక్కువ

దానిమ్మల్లో కేలరీలు తక్కువగా ఉండి ఎక్కువసేపు కడుపునిండిన అనుభూతిని ఇస్తుంది. ఇది ఆకలిని నియంత్రించి, ఆరోగ్యకరమైన బరువు మెయింటైన్ చేసేందుకు సహాయపడుతుంది. అనవసరమైన స్నాక్స్ తినకుండా నివారిస్తుంది.

యాంటీ ఆక్సిడెంట్స్

దానిమ్మ జ్యూస్‌లో యాంటీ ఆక్సిడెంట్స్ పుష్కలంగా ఉంటాయి. ఇవి శరీరంలోని కణాలను డ్యామేజ్ చేసే ఫ్రీరాడికల్స్ తో పోరాడుతాయి. ఇది చర్మాన్ని హైడ్రేట్ చేయడంతో పాటు వృద్ధాప్యాన్ని ఆలస్యం చేస్తుంది. సహజమైన, యవ్వన కాంతిని అందిస్తుంది. ముడతలతో సహా చర్మ రుగ్మతలను నివారిస్తుంది.

పాలీఫెనాల్స్

దానిమ్మ రసంలో పాలీఫెనాల్స్ పుష్కలంగా ఉండటం వల్ల రక్తపోటును తగ్గిస్తుంది. చెడు కొలెస్ట్రాల్‌ను తగ్గించి, గుండెకు రక్త ప్రవాహాన్ని పెంచుతుంది. గుండె జబ్బులను నివారిస్తుంది.

లాగ్లైసీమిక్ ఇండెక్స్ డ్రింక్

దానిమ్మ రసం సహజమైన తీపి రుచిని కలిగి ఉన్నప్పటికీ, ఇది తక్కువ గ్లైసెమిక్ ఇండెక్స్ ఆహారాల జాబితాలో ఉంది. ఇది రక్తంలో చక్కెర స్థాయిలను నియంత్రిస్తుంది. మధుమేహ వ్యాధిగ్రస్తులకు ఇది చాలా మంచిది. రోజూ పరిమిత మోతాదులో తీసుకోవడం మంచిది.

దానిమ్మలో ఫైబర్

దానిమ్మ పండ్లలో ఉండే ఫైబర్ గట్ ఆరోగ్యాన్ని పెంచుతుంది. మలబద్దకాన్ని నివారిస్తుంది. జీర్ణక్రియను సులభతరం చేసి, గట్‌లో మంచి బ్యాక్టీరియాను ఉత్పత్తి చేస్తుంది.

యాంటీ ఇన్ఫ్లమేటరీ గుణాలు

దానిమ్మ రసంలో యాంటీ ఇన్ఫ్లమేటరీ గుణాలు ఉన్నాయి. ఇవి కీళ్ళ నొప్పులను తగ్గిస్తుంది. కండరాల నొప్పుల నుండి ఉపశమనం కలిగిస్తుంది. ఇది దీర్ఘకాలిక తాపజనక వ్యాధులు అయిన ఆర్థరైటిస్ వంటి వ్యాధుల లక్షణాలను కూడా తగ్గిస్తుంది.

మెదడు పనితీరును మెరుగుపరుస్తుంది

దానిమ్మ రసంలో యాంటీ ఆక్సిడెంట్లు ఉన్నాయి. ఇవి జ్ఞాపకశక్తిని మెరుగుపరుస్తాయి. మెదడు పనితీరును మెరుగుపరుస్తాయి. అల్జీమర్స్ వంటి నాడీ సంబంధిత వ్యాధులను నివారిస్తాయి.

నేచురల్ షుగర్

దానిమ్మ జ్యూస్ లో ఉండే నేచురల్ షుగర్, ఎసెన్షియల్ న్యూట్రీషియన్స్ మీకు తక్షణ శక్తిని ఇస్తాయి. రోజంతా మిమ్మల్ని ఫ్రెష్‌గా, ఎనర్జిటిక్‌గా ఉంచుతాయి.

ఐరన్ న్యూట్రీషియన్స్

దానిమ్మ జ్యూస్‌లో ఐరన్, విటమిన్స్ పుష్కలంగా ఉన్నాయి. ఇది జుట్టు కుదుళ్లకు పోషణను అందించి మూలాలను కాపాడుతుంది. జుట్టు రాలడాన్ని తగ్గించడంతో పాటు పెరుగుదలను ప్రోత్సహిస్తుంది. కేశారోగ్యాన్ని మెరుగుపరుస్తుంది.