‘కటెంట్​’ పేరుతో కొందరు ఇన్​ఫ్లుయెన్సర్​లు దారుణానికి పాల్పడుతున్నారు. సోషల్ మీడియాలో తనను తాను ‘డాగ్​ మామ్​’గా అభివర్ణించుకున్న అమెరికా ఫ్లోరిడా ఇన్​ఫ్లుయెన్సర్.. చిహువా జాతికి చెందిన తన పెంపుడు శునకంతో శృంగారంలో పాల్గొంది. ఈ విషయం బయటకు రావడంతో ఆమె అరెస్ట్​ అయ్యింది. మారియన్ కౌంటీ షెరీఫ్ ఆఫీస్ (ఎంసీఎస్ఓ) ప్రకారం, ఆమె తన కుక్కపై లైంగిక చర్యలకు పాల్పడినట్లు, వాటిని రికార్డ్ చేసినట్లు అంగీకరించింది.

“గత శుక్రవారం, మరియన్ కౌంటీ షెరీఫ్ కార్యాలయం (ఎంసిఎస్ఓ) మేజర్ క్రైమ్స్ డిటెక్టివ్ జోర్డిన్ బాట్స్ 27 ఏళ్ల లోగాన్ గుమిన్స్కిని జంతువుతో సంబంధం ఉన్న లైంగిక చర్యతో పాటు ఆ లైంగిక చర్యను చిత్రీకరించినందుకు అరెస్టు చేశారు,” అని అధికారులు చెప్పారు.

గుమిన్స్కి కుక్కతో లైంగిక చర్యను చిత్రీకరించి, ఆ వీడియోను ఇన్​స్టాగ్రామ్​లో పోస్ట్ చేసినట్లు సమాచారం అందిందని ఎంఎస్​సీఓ తెలిపింది. తరువాత శునకంపై ఆమె చేసిన లైంగిక దాడికి సంబంధించిన అనేక ఫొటోలు, వీడియోలను కనుగొన్నారు. ఆ వీడియోలను ఆమె చిత్రీకరించిందని తేలింది.

తానొక ‘కంటెంట్ క్రియేటర్’ అని, ఇంటర్నెట్​లో విక్రయించడానికి లైంగిక అశ్లీల ఫోటోలు, వీడియోలను తయారు చేసే ‘కంటెంట్ క్రియేటర్’ అని సదరు మహిళ అధికారులకు చెప్పినట్టు సమాచారం.

ఆ వీడియోను సృష్టించి మరో సోషల్ మీడియా యూజర్​తో షేర్ చేశానని, అతను రిక్వెస్ట్ చేసి 500 డాలర్లు చెల్లించినట్లు ఆమె అంగీకరించినట్లు పోలీసులు తెలిపారు.

మరో కుక్కతో కూడా లైంగిక చర్యకు పాల్పడినట్లు ఆమె అంగీకరించిందని పోలీసులు పేర్కొన్నారు. ఈ ఘటనలకు సంబంధించిన వీడియోలను ఆమె సెల్​ఫోన్​లో గుర్తించినట్లు పోలీసులు తెలిపారు. చివరకు ఆమెను అరెస్ట్​ చేసి మరియన్ కౌంటీ జైలుకు తరలించారు.

గుమిన్స్కి అరెస్ట్​కు సంబంధించిన వీడియోను డిపార్ట్మెంట్ ఫేస్​బుక్​లో విడుదల చేసింది.

కాగా సదరు మహిళను అదుపులోకి తీసుకుని 10,000 డాలర్ల బాండ్​పై విడుదల చేసినట్లు న్యూయార్క్ పోస్ట్ పేర్కొంది.

సోషల్ మీడియా ఎలా స్పందించింది?

కంటెంట్​ పేరుతో శునకంతో శృంగారం చేసిన ‘డాగ్​ మామ్​’పై సోషల్​ మీడియాలో నెటిజన్లు మండిపడుతున్నారు. “అది కంటెంట్ క్రియేట్ చేయడం కాదు. అది అబ్యూస్​,’ అని ఓ వ్యక్తి పోస్ట్ చేశాడు. మరొకరు “ఆమె పూర్తిగా విలువలను కోల్పోయింది” అని పేర్కొన్నారు. “మన సమాజం విచ్ఛిన్నమైంది,” అని మరొకరు పేర్కొన్నారు.

“ఇది కాలక్రమేణా మరింత దిగజారుతుంది. ఇప్పుడు ఓటీటీలో చాలా మంది ‘క్రియేటర్లు’ ఉన్నారు. వారు నిలదొక్కుకోవడానికి విపరీతమైన చర్యలను ఆశ్రయిస్తున్నారు,” అని మరొకరు అన్నారు. “కుక్కపై అత్యాచారం చేయాలన్న ఆలోచనలు ఎలా వస్తాయి? దారుణం,” అని మరొకరు రాసుకొచ్చారు.

లోగాన్​ గుమిన్స్కి కుక్కలకు సంబంధించిన అనేక ఫొటోలు, వీడియోలు ఆమె ఇన్​స్టాగ్రామ్​ అకౌంట్​లో ఉన్నాయి. వీటిల్లో కొన్ని ఇబ్బందికరంగానూ ఉన్నాయి. “నీకు నచ్చే పార్ట్​నర్​ ఎలా ఉండాలి?” అని ఒక ప్రశ్నకు “కుక్క” ఫొటోను ఆమె పోస్ట్​ చేసింది. ఇది ఆమె ప్రవర్తనను మరింత స్పష్టం చేస్తోంది.