Intimate Scene: ఓటీటీ వచ్చిన తర్వాత బోల్డ్ సీన్లు ఉన్న సినిమాలు, వెబ్ సిరీస్ ఎక్కువయ్యాయి. అయితే ఈ సీన్లలో నటించేందుకు నటీమణులు ఎంతలా ఇబ్బంది పడతారన్న వార్తలు తరచూ వస్తూనే ఉంటాయి. తాజాగా పాంచాలి, అసుర్ లాంటి వెబ్ సిరీస్ లలో నటించి పేరు తెచ్చుకున్న నటి అనుప్రియా గోయెంకా కూడా తనకు ఎదురైన చేదు అనుభవాల గురించి వెల్లడించింది.

ముద్దు సీన్లో రెచ్చిపోయాడు

సిద్ధార్థ్ కన్నన్ కు ఇచ్చిన ఇంటర్వ్యూలో అనుప్రియ కొన్ని ఇంట్రెస్టింగ్ కామెంట్స్ చేసింది. తనతో పలువురు కోస్టార్లు ఎంత దారుణంగా వ్యవహరించారో చెప్పుకొచ్చింది. “నాకు రెండుసార్లు ఇలా జరిగింది. తొలిసారి ఓ ముద్దు సీన్ సమయంలో.

అతడు దానిని అడ్వాంటేజ్ గా తీసుకున్నాడని నేను అనను. కానీ అతడు కాస్త ఉద్వేగానికి లోనయ్యాడు. అతనిలో ఉత్సాహం ఎక్కువైంది. నిజానికి అలా జరగకూడదు. ఎందుకంటే అక్కడ మనం కాస్త అవమానకరంగా, అసౌకర్యంగా ఫీలవుతాం”అని ఆమె చెప్పింది. ఓ కిస్సింగ్ సీన్ సందర్భంగా ఇలా జరిగినట్లు ఆమె తెలిపింది.

నడుము బదులు పిరుదులు పట్టుకున్నాడు

ఇక మరో సందర్భంలో ఓ నటుడు కావాలని తన నడుము బదులు పిరుదులు పట్టుకున్నట్లు కూడా ఆమె వెల్లడించింది. “కిస్సింగ్ సీన్ల సందర్భంగా ఈ ఘటనలు జరిగాయి. మరోసారి నాకు అంత సౌకర్యంగా అనిపించని దుస్తులు వేసుకున్నపుడు ఇలాగే జరిగింది.

ఇలాంటి సీన్లలో సులువుగా ఓ అమ్మాయి నడుము పట్టుకోవచ్చని వాళ్లకు తెలుసు. కానీ అతడు మాత్రం తన చేతులను నా పిరుదులపై వేశాడు. అది అవసరం లేదు. నా నడుము పట్టుకొని ఆ సీన్ చేసి ఉండొచ్చు” అని అనుప్రియ చెప్పింది.

అక్కడ పట్టుకోవద్దని చెప్పాను

దీంతో తాను ఆ నటుడికి అక్కడ పట్టుకోవద్దని చెప్పినట్లు కూడా అనుప్రియ ఇదే ఇంటర్వ్యూలో వెల్లడించింది. “ఆ తర్వాత నేను అతని చేయి పట్టుకొని నా నడుముపై ఉంచాను. అంతకంటే కింద పట్టుకోవద్దని చెప్పాను. అతడు అలా పట్టుకున్నప్పుడు మాత్రం నాకు చాలా బాధేసింది.

అలా ఎందుకు చేశావని నేను అడగలేదు. ఎందుకంటే పొరపాటున జరిగిందని చెబుతాడు. అప్పుడు అతన్ని నేను తిట్టలేదు. కానీ తర్వాతి టేక్ లో ఇలా జరగకూడదని గట్టిగా చెప్పాను” అని అనుప్రియ తెలిపింది.

ఈ మధ్యే అర్జున్ రెడ్డి నటి షాలిని పాండే కూడా తనకు జరిగిన ఓ చేదు అనుభవం గురించి చెప్పిన విషయం తెలిసిందే. తన కెరీర్ తొలినాళ్లలో ఓ సౌత్ డైరెక్టర్ తాను బట్టలు మార్చుకుంటుండగా నేరుగా కారవాన్ లోకి వచ్చేశాడని, దీంతో తాను అతనిపై కోపంగా అరిచేశానని ఆమె చెప్పింది.