ఇండియన్ స్పేస్ రీసెర్చ్ ఆర్గనైజేషన్ ఇస్రో అప్రెంటిస్ పోస్టుల భర్తీకి రిక్రూట్​మెంట్​ ప్రాసెస్​ని ప్రారంభించింది. అర్హులైన అభ్యర్థులు isro.gov.in ఇస్రో అధికారిక వెబ్సైట్ ద్వారా ఆన్​లైన్​లో దరఖాస్తు చేసుకోవచ్చు. దరఖాస్తుకు చివరి తేదీ- 2025 ఏప్రిల్ 21 అని గుర్తుపెట్టుకోవాలి.

ఈ రిక్రూట్​మెంట్ డ్రైవ్ ద్వారా సంస్థలో 75 పోస్టులను ఇస్రో భర్తీ చేయనుంది. అర్హత, ఎంపిక విధానం, ఇతర వివరాల కోసం కింద చదివి తెలుసుకోండి..

ఇస్రో రిక్రూట్​మెంట్​ 2025- అప్రెంటిస్​ ఖాళీల వివరాలు..

1. ఇస్రో గ్రాడ్యుయేట్ అప్రెంటిస్ ట్రైనీ: 46 పోస్టులు

2. డిప్లొమా అప్రెంటిస్ ట్రైనీ: 15 పోస్టులు

3. డిప్లొమా ఇన్ కమర్షియల్ ప్రాక్టీస్: 5 పోస్టులు

4. ట్రేడ్ ఐటీఐ: 9 పోస్టులు

అర్హత ప్రమాణాలు..

1. గ్రాడ్యుయేట్ అప్రెంటిస్ ట్రైనీ: ఏదైనా గుర్తింపు పొందిన యూనివర్సిటీ నుంచి సంబంధిత విభాగంలో బీఈ/బీటెక్ ఉత్తీర్ణత.

2. డిప్లొమా అప్రెంటిస్ ట్రైనీ: సంబంధిత రంగంలో గుర్తింపు పొందిన స్టేట్ బోర్డు అందించే డిప్లొమా ఇన్ ఇంజినీరింగ్ ఉత్తీర్ణత.

3. డిప్లొమా ఇన్ కమర్షియల్ ప్రాక్టీస్: సంబంధిత రంగంలో గుర్తింపు పొందిన స్టేట్ బోర్డ్ ఇచ్చే డిప్లొమా ఇన్ కమర్షియల్ ప్రాక్టీస్.

4. ట్రేడ్ ఐటీఐ: ఏదైనా గుర్తింపు పొందిన యూనివర్సిటీ నుంచి సంబంధిత విభాగంలో ఐటీఐ ఉత్తీర్ణత.

2022, 2023, 2024 సంవత్సరాల్లో ఉత్తీర్ణులైన ఇంజనీరింగ్ గ్రాడ్యుయేట్లు లేదా ఇంజనీరింగ్ అండ్ కమర్షియల్ ప్రాక్టీస్, ఐటీఐ/ ట్రేడ్ డిప్లొమా హోల్డర్లు మాత్రమే అప్రెంటిస్షిప్ పొందడానికి అర్హులని గుర్తుపెట్టుకోవాలి. ఇతరులు అప్లై చేయకూడదు.

దరఖాస్తుల పరిశీలన / స్క్రీనింగ్ చేసిన తర్వాత అభ్యర్థులను డాక్యుమెంట్ వెరిఫికేషన్ / ఇంటర్వ్యూకు పిలుస్తారు. డిగ్రీ / డిప్లొమా స్థాయిలో అకాడమిక్ స్కోర్లు, ఇంటర్వ్యూలో అభ్యర్థుల పనితీరు ఆధారంగా ప్యానెల్ డ్రా చేస్తారు. ఖాళీగా ఉన్న ట్రైనింగ్ పోస్టులకు అప్రెంటిస్​లను ప్యానెల్​లో వారి స్థానాన్ని బట్టి చేర్చుకుంటారు. ఎంపికైన అభ్యర్థులకు ఈమెయిల్ ద్వారా మాత్రమే సమాచారం అందిస్తారు. డాక్యుమెంట్ వెరిఫికేషన్ కోసం షార్ట్​లిస్ట్ చేసిన అభ్యర్థులు ట్రావెల్ అలవెన్స్​కు అనర్హులు.

మరిన్ని వివరాలకు అభ్యర్థులు ఇస్రో అధికారిక వెబ్సైట్​ని చూడాల్సి ఉంటుంది.

వివరణాత్మక నోటిఫికేషన్ కోసం ఇక్కడ క్లిక్​ చేయండి.