కార్తీక దీపం 2 ప్ర‌స్తుతం స్టార్ మాలో నంబ‌ర్ వ‌న్ సీరియ‌ల్స్‌లో ఒక‌టిగా కొన‌సాగుతోంది.ఫ‌స్ట్ ఎపిసోడ్ నుంచే తెలుగు ప్రేక్ష‌కుల‌ను ఆక‌ట్టుకుంటూ వ‌చ్చిన ఈ సీక్వెల్ సీరియ‌ల్ చాలా కాలం పాటు టీఆర్‌పీ రేటింగ్‌లో నంబ‌ర్ వ‌న్ ప్లేస్‌లో కొన‌సాగుతూ వ‌స్తోంది. లేటెస్ట్ టీఆర్‌పీ రేటింగ్‌లో సీరియ‌ల్ స‌డెన్‌గా రెండో స్థానంలోకి ప‌డిపోయింది. కార్తీక దీపం 2 సీరియ‌ల్‌ను దాటేసిన గుండె నిండా గుడి గంట‌లు టాప్ ప్లేస్‌లోకి దూసుకొచ్చింది.

సెకండ్ ప్లేస్‌…

ఇటీవ‌ల ప్ర‌క‌టించిన తాజా టీఆర్‌పీ రేటింగ్‌లో గుండె నిండా గుడి గంట‌లు 11.76 టీఆర్‌పీ రేటింగ్‌ను సొంతం చేసుకోగా…కార్తీక దీపం 2 సీరియ‌ల్ 11.68 టీఆర్‌పీతో సెకండ్ ప్లేస్‌లో నిలిచింది.

తెలుగులో విజ‌య‌వంత‌మైన కార్తీక దీపం సీరియ‌ల్‌కు సీక్వెల్‌గా కార్తీక దీపం 2 తెర‌కెక్కుతోంది. కార్తీక దీపం 2 సీరియ‌ల్‌లో నిరుప‌మ్ ప‌రిటాల‌, ప్రేమీ విశ్వ‌నాథ్, గాయ‌త్రి సింహాద్రి, జీడిగుంట శ్రీధ‌ర్ కీల‌క పాత్ర‌ల్లో న‌టిస్తున్నారు.

దీప రెమ్యున‌రేష‌న్ ఎంతంటే?

కాగా కార్తీక దీపం 2 సీరియ‌ల్ కోసం దీప పాత్ర‌లో న‌టిస్తోన్న ప్రేమీ విశ్వ‌నాథ్‌ భారీగా రెమ్యున‌రేష‌న్ తీసుకుంటున్న‌ట్లు స‌మాచారం. ఒక్కో ఎపిసోడ్‌కు 50 నుంచి 60 వేల వ‌ర‌కు రెమ్యున‌రేష‌న్‌ను ప్రేమీ విశ్వ‌నాథ్‌ డిమాండ్ చేస్తోన్న‌ట్లు తెలిసింది. నెల‌లో… 20 రోజుల వ‌ర‌కు ఈ సీరియ‌ల్ షూటింగ్ కోసం దీప డేట్స్ కేటాయిస్తోన్న‌ట్లు చెబుతోన్నారు. ఈ సీరియ‌ల్ ద్వారా నెల‌కు 12 ల‌క్ష‌ల‌పైనే ప్రేమీ విశ్వ‌నాథ్ రెమ్యున‌రేష‌న్ అందుకుంటున్న‌ట్లు వార్త‌లు వినిపిస్తున్నాయి.

నిరుపమ్ పరిటాల టాప్…

తెలుగులో అత్య‌ధిక రెమ్యున‌రేష‌న్ అందుకుంటున్న సీరియ‌ల్ యాక్ట‌ర్స్‌లో ఒక‌రిగా నిరుప‌మ్ ప‌రిటాల కొన‌సాగుతోన్నాడు. నిరుప‌మ్ ప‌రిటాల కార్తీక దీపం 2 ఒక్కో ఎపిసోడ్ కోసం 70 నుంచి 80 వేల వ‌ర‌కు రెమ్యున‌రేష‌న్ స్వీక‌రిస్తున్న‌ట్లు తెలిసింది. ఈ సీరియ‌ల్ ద్వారా నెల‌కు 14 ల‌క్ష‌ల‌పైనే నిరుప‌మ్‌కు రెమ్యున‌రేష‌న్ రూపంలో ద‌క్కుతున్న‌ట్లు స‌మాచారం.

లాంగెస్ట్ ర‌న్నింగ్ సీరియ‌ల్‌…

తెలుగులో లాంగెస్ట్ ర‌న్నింగ్ సీరియ‌ల్స్‌లో ఒక‌టిగా కార్తీక దీపం నిలిచింది. 2017లో మొద‌లైన ఈ సీరియ‌ల్ 2023లో ముగిసింది. కార్తీక దీపంలోని పాత్ర‌ల‌నే తీసుకొని కొత్త క‌థ‌తో సీక్వెల్‌ను తెర‌కెక్కించారు.