సీయూఈటీ పీజీ 2025 కి సంబంధించిన ప్రొవిజనల్ కీని నేషనల్ టెస్టింగ్ ఏజెన్సీ (ఎన్టీఏ) త్వరలోనే విడుదల చేయనుంది. ప్రొవిజనల్ ఆన్సర్ కీతో పాటు అభ్యర్థుల రెస్పాన్స్ షీట్, ప్రశ్నపత్రాలు అధికారిక వెబ్​సైట్​లో అందుబాటులోకి వస్తాయి. పరీక్షకు హాజరైన అభ్యర్థులు exams.nta.ac.in/CUET-PG వద్ద చెక్ చేసుకోవచ్చు.

సీయూఈటీ పీజీ 2025 ఆన్సర్ కీపై అభ్యంతరాలు తెలిపేందుకు ఫీజు చెల్లించి రిక్వెస్ట్​ పంపాల్సి ఉంటుంది. పూర్తి వివరాలను ఆన్సర్​ కీ విడుదల చేసిన తర్వాత వచ్చే నోటిఫికేషన్​లో చెబుతారు.

సవాళ్లకు సరైన ఆధారాలు లేకపోయినా, నిర్దేశిత లింక్ కాకుండా మరే ఇతర మాధ్యమం ద్వారా దాఖలు చేసినా సంబంధిత అభ్యర్థనలను పరిగణనలోకి తీసుకోబోమని ఎన్టీఏ తెలిపింది. లేవనెత్తిన అభ్యంతరాలపై ఎన్టీఏ నిర్ణయమే అంతిమమని, తదుపరి కమ్యూనికేషన్​ని అనుమతించబోమని స్పష్టం చేసింది.

సవాళ్లను సమర్పించిన తర్వాత, అందుకున్న అన్ని అభ్యర్థనలను పరిశీలిస్తుంది ఎన్టీఏ. దాని ఆధారంగా సీయూఈటీ పీజీ 2025 ఫైనల్​ ఆన్సర్​ కీని విడుదల చేస్తుంది. ఫైనల్ ఆన్సర్ కీ ఆధారంగా సీయూఈటీ-పీజీ 2025 ఫలితాలను ప్రకటిస్తారు.

సీయూఈటీ-పీజీ 2025 ప్రొవిజనల్ ఆన్సర్ కీని ఇలా చెక్​ చేసుకోండి..

1. exams.nta.ac.in/CUET-PG/ అధికారిక వెబ్సైట్​ని సందర్శించండి.

2. హోమ్ పేజీలో సీయూఈటీ పీజీ ఆన్సర్ కీ 2025 చెక్ చేయడానికి లింక్​పై క్లిక్ చేయండి.

3. యూజర్ ఐడీ, పాస్​వర్డ్​ ఉపయోగించి లాగిన్ అవ్వాలి.

4. స్క్రీన్​పై కనిపించే మీ సీయూఈటీ-పీజీ 2025 ఆన్సర్ కీని చెక్ చేసుకోండి.

5. ఫ్యూచర్ రిఫరెన్స్ కోసం ఆన్సర్​ కీని డౌన్​లోడ్ చేసుకుని ప్రింట్ అవుట్ తీసుకోండి.

సీయూఈటీ-పీజీ 2025 పరీక్షను 2025 మార్చ్​ 13 నుంచి 2025 ఏప్రిల్ 1 వరకు జరిగింది. 90 నిమిషాల చొప్పున 43 షిఫ్టుల్లో ఈ పరీక్షను నిర్వహించారు. ఇది.. 157 సబ్జెక్టులకు నిర్వహించిన కంప్యూటర్ బేస్డ్ టెస్ట్ (సీబీటీ).

అభ్యర్థులు సీయూఈటీ పీజీ సంబంధిత అప్డేట్స్, వివరాల కోసం ఎన్టీఏ అధికారిక వెబ్​సైట్​ని సందర్శించాల్సి ఉంటుంది.