ఓటీటీల్లో తాజాగా ఏ మలయాళ చిత్రాలు వస్తున్నాయా అని చాలా మంది ఎదురుచూస్తుంటారు. అలా వేచిచూసే వారికి కోసం ఈవారం రెండు మలయాళ సినిమాలు ఎంట్రీ ఇచ్చేస్తున్నాయి. ఇందులో ఒకటి యాక్షన్ మూవీ కాగా.. మరొకటి కామెడీ డ్రామా జానర్లో ఉంది. ఈ రెండు చిత్రాలను ఎక్కడ చూడొచ్చో ఇక్కడ తెలుసుకోండి.

దావీద్

ఆంటోనీ వర్గీస్ హీరోగా దావీద్ సినిమా వచ్చింది. ఈ యాక్షన్ మూవీ ఫిబ్రవరి 14వ తేదీన థియేటర్లలో రిలీజైంది. పాజిటివ్ టాక్ దక్కించుకుంది. బాక్సింగ్ చుట్టూ ఈ మూవీ సాగుతుంది. ఈ చిత్రానికి గోవింద్ విష్ణు దర్శత్వం వహించారు. దావీద్ సినిమా ఈ శుక్రవారం ఏప్రిల్ 18వ తేదీన జీ5 ఓటీటీలో స్ట్రీమింగ్‍కు రానుంది.

దావీద్ సినిమాలో వర్గీస్‍కు జోడీగా లిజోమోల్ జోస్ నటించారు. మో ఇస్మాయిల్, విజయరాఘవన్, సైజు కురుప్, రమేశ్, కుచ్చు తెలుస్ కీలకపాత్రలు చేశారు. సెంచరీ మ్యాక్స్ & జాన్ మేరి ప్రొడక్షన్స్ నిర్మించిన ఈ చిత్రానికి జస్టిన్ వర్గీస్ సంగీతం అందించారు.

దావీద్ స్టోరీలైన్: ఆషిక్ అబూ (ఆంటోనీ వర్గీస్) ఖాళీగా ఉంటూ భార్య షెరీన్ (లిజోమోల్ జోస్) సంపాదనపై ఆధారపడతాడు. ఈ క్రమంలో బౌన్సర్‌గా పనిలో చేరతాడు. కేవలం సెలెబ్రిటీలకే బౌన్సర్‌గా వెళుతుంటాడు. ఈ క్రమంలో టర్కిష్ బాక్సర్ సైనుల్ అఖ్మదోవ్ (మో ఇస్మాయిల్‍)కు సెక్యూరిటీగా ఓ బాక్సింగ్ ఈవెంట్‍కు ఆషిక్ వెళతాడు. అక్కడ అనుకోని కొన్ని ఘటనలు జరుగుతాయి.

ఈ క్రమంలో తాను సెక్యూరిటీగా వచ్చిన బాక్సర్ సైనుల్‍‍తోనే పోటీ పడి నాకౌట్ చేస్తాడు ఆషిక్. అతడిని అఖ్మదోవ్ ఛాలెంజ్ చేస్తాడు. దీంతో కోచింగ్ తీసుకొని బాక్సర్ కావాలని ఆషిక్ డిసైడ్ అవుతాడు. ఆ తర్వాత ఏం జరిగింది? ఎలాంటి పరిస్థితులు ఎదురయ్యాయి? అఖ్మదోవ్‍తో ఆషిక్ మళ్లీ పోటీ పడ్డాడా? అతడి గతమేంటి? అనే అంశాలు ఈ సినిమాలో ఉంటాయి. దావీద్ సినిమాను ఏప్రిల్ 18 నుంచి జీ5 ఓటీటీలో చూడొచ్చు.

దాసెట్టంటె సైకిల్

మలయాళ కామెడీ డ్రామా మూవీ దాసెట్టంటె సైకిల్ ఈ ఆదివారమే ఏప్రిల్ 13న మనోరమ మ్యాక్స్ ఓటీటీలో స్ట్రీమింగ్‍కు వచ్చేసింది. ఈ సినిమాలో హరీశ్ పేరడి లీడ్ రోల్ చేశారు. అంజనా అప్పుకుట్టన్, కబని, సుకుమారన్ కీరోల్స్ చేశారు.

దాసెట్టంటె సైకిల్ చిత్రానికి అఖిల్ కవుంగల్ దర్శకత్వం వహించారు. ఈ చిత్రం మార్చి 14వ తేదీన థియేటర్లలో విడుదలైంది. సైకిల్ వల్ల వాచ్‍మెన్‍గా పని చేసే వ్యక్తి జీవితంలో ఎదురైన పరిస్థితుల చుట్టూ ఈ మూవీ సాగుతుంది. సామాజిక అంశాలు ఈ చిత్రంలో ఉంటాయి. మనోరమ మ్యాక్స్ ఓటీటీలో ఈ మూవీని చూసేయవచ్చు.

కాగా, బ్యాడ్ బ్యాయ్స్ అనే మలయాళ చిత్రం కూడా రీసెంట్‍గానే స్ట్రీమింగ్‍కు వచ్చింది. ఈ సినిమా అమెజాన్ ప్రైమ్ వీడియో, మనోరమ మ్యాక్స్.. రెండు ఓటీటీల్లో అడుగుపెట్టింది. గతేడాది సెప్టెంబర్ నెలలో ఈ యాక్షన్ కామెడీ మూవీ థియేటర్లలో విడుదలైంది. సుమారు ఆరు నెలలకు ఓటీటీలోకి ఎంట్రీ ఇచ్చింది. రహమాన్, బాబూ ఆంటోనీ లీడ్ రోల్స్ చేసిన బ్యాడ్ బాయ్స్ చిత్రానికి ఒమర్ లులు దర్శకత్వం వహించారు.