OTT Horror Movie: హారర్ జానర్ సినిమాలకు ఓటీటీలో ఎంత డిమాండ్ ఉంటుందో తాజాగా స్ట్రీమింగ్ కు వచ్చిన ఓ తమిళ హారర్ అడ్వెంచర్ మూవీ నిరూపిస్తోంది. ఈ సినిమా గత ఆదివారం (ఏప్రిల్ 13) జీ5 ఓటీటీలోకి అడుగుపెట్టింది. తొలి మూడు రోజుల్లోనే ఏకంగా 5 కోట్ల స్ట్రీమింగ్ మినట్స్ ను సొంతం చేసుకోవడం విశేషం.

కింగ్‌స్టన్ ఓటీటీ స్ట్రీమింగ్

మ్యూజిక్ డైరెక్టర్ అయిన జీవీ ప్రకాష్ కుమార్ హీరోగా నటించిన మూవీ కింగ్‌స్టన్. ఈ సినిమా గత నెల 7వ తేదీన థియేటర్లలో రిలీజైంది. తెలుగులోనూ రిలీజైన ఈ హారర్ అడ్వెంచర్ సినిమా బాక్సాఫీస్ దగ్గర పెద్దగా సక్సెస్ సాధించలేదు. అయితే ఇప్పుడు జీ5 ఓటీటీలో మాత్రం దూసుకెళ్తోంది.

తొలి మూడు రోజుల్లోనే ఏకంగా 50 మిలియన్ల (5 కోట్ల) స్ట్రీమింగ్ మినట్స్ రికార్డును అందుకుంది. కమల్ ప్రకాశ్ దర్శకత్వం వహించిన ఈ మూవీ జీ5లో తెలుగులోనూ స్ట్రీమింగ్ అవుతోంది. కేవలం తెలుగు వెర్షనే ఇప్పుడీ 50 మిలియన్ల (5 కోట్ల) స్ట్రీమింగ్ మినట్స్ మార్క్ దాటడం విశేషం.

ఈ విషయాన్ని బుధవారం (ఏప్రిల్ 16) జీ5 ఓటీటీ ట్వీట్ ద్వారా వెల్లడించింది. “50 మిలియన్ల (5 కోట్ల) స్ట్రీమింగ్ మినట్స్. మనసును కదిలించే మిస్టరీ, న్యూ ఏజ్ హారర్ తో ఈ సినిమా ప్రకంపనలు సృష్టిస్తోంది. మస్ట్ వాచ్ కింగ్‌స్టన్ మూవీని జీ5లో మిస్ కాకుండా చూడండి” అని ఆ ఓటీటీ చెప్పింది.

కింగ్‌స్టన్ మూవీ స్టోరీ ఏంటంటే?

సముద్రం బ్యాక్‌డ్రాప్ లో వచ్చిన మిస్టరీ హారర్ థ్రిల్లర్ మూవీ ఈ కింగ్‌స్టన్. హార‌ర్‌, జాంబీ, ల‌వ్‌స్టోరీ, యాక్ష‌న్ ఇలా అన్ని క‌మ‌ర్షియ‌ల్ ఎలిమెంట్స్ మిక్స్ చేస్తూ ద‌ర్శ‌కుడు క‌మ‌ల్ ప్ర‌కాష్ కింగ్‌స్ట‌న్ మూవీని తెర‌కెక్కించాడు. కింగ్‌స్ట‌న్ పాయింట్‌ను ద‌ర్శ‌కుడు ఇంట్రెస్టింగ్‌గా రాసుకున్నాడు. ఓ ఊరిని వెంటాడుతోన్న ఆత్మ శాపం.. ఆ మిస్ట‌రీని ఛేదించ‌డానికి స‌ముద్రంపైకి వెళ్లిన హీరో..ఈ పాయింట్‌తో రెండున్న‌ర గంట‌లు ఆడియెన్స్‌కు థ్రిల్ ను పంచాడు.

జీవీ ప్ర‌కాష్ యాక్టింగ్ ఈ సినిమాకు పెద ప్ల‌స్స‌యింది. రా అండ్ ర‌స్టిక్ రోల్‌కు న్యాయం చేశాడు. అత‌డి లుక్‌, గెట‌ప్ క‌థ‌కు త‌గ్గ‌ట్లుగా కుదిరాయి. న‌టుడిగా జీవీ ప్ర‌కాష్‌లోని కొత్త కోణాన్ని ఈ సినిమా ఆవిష్క‌రించింది. ఇక హీరోయిన్ దివ్య‌భార‌తి పాత్ర‌ను కేవ‌లం ల‌వ్‌స్టోరీ కోస‌మే పెట్టిన‌ట్లుగా అనిపించింది. జీవీ ప్ర‌కాష్‌తో ఆమె కెమిస్ట్రీ కొన్ని చోట్ల ప‌ర్వాలేద‌నిపిస్తుంది.