పసిఫిక్ ద్వీప దేశమైన టువలూ తన తొలి ఏటీఎం సేవలను ప్రారంభించి చరిత్ర సృష్టించింది. ఆస్ట్రేలియా, హవాయి మధ్య ఉన్న ఈ చిన్న దేశం చాలా కాలంగా అన్ని లావాదేవీలకు నగదుపై ఆధారపడింది. ఇప్పుడు తొలి ఏటీఎం ను ప్రారంభించింది.

ప్రధానితో ఓపెనింగ్

టువలూ ప్రధాన నగరం ఫునాఫుటిలో ప్రధాని ఫెలెటి టియో నేతృత్వంలో జరిగిన తొలి ఏటీఎం ప్రారంభోత్సవ కార్యక్రమానికి ప్రధాని ఫెలేటి టియో నేతృత్వం వహించడం విశేషం. ఏటీఎం ప్రారంభోత్సవం దేశానికి ఒక ముఖ్యమైన ముందడుగు అని, టువలూ సాధించిన గొప్ప విజయమని అభివర్ణించారు. ఈ సందర్భాన్ని పురస్కరించుకుని స్థానిక ప్రముఖులతో కలిసి ప్రధాని భారీ చాక్లెట్ కేక్ ను కట్ చేశారు.

11,200 మంది జనాభా

నేషనల్ బ్యాంక్ ఆఫ్ టువలూ జనరల్ మేనేజర్ సియోస్ టియో ఈ కొత్త సర్వీస్ గురించి తన సంతోషాన్ని వ్యక్తం చేశారు. ఇది దేశంలోని 11,200 మంది పౌరులకు “ఆర్థిక సాధికారతకు తలుపులు తెరుస్తుంది” అని ఆయన అభివర్ణించారు. టువలూలో తొలి ఏటీఎం ఏర్పాటుకు పసిఫిక్ టెక్నాలజీ లిమిటెడ్ సహాయపడింది.

టువలూ వివరాలు

టువలూ ప్రపంచంలోని అతిచిన్న దేశాలలో ఒకటి. ఇది తొమ్మిది ద్వీపాల సమాహారం. ఇది కేవలం 10 చదరపు మైళ్ళు విస్తరించి ఉంది. 2023 లో ఇక్కడికి 3,000 మందికి పైగా సందర్శకులు వచ్చారు. టువలూలో ఫునాఫుటిలో మాత్రమే విమానాశ్రయం ఉంది. ఇక్కడికి పొరుగున ఉన్న ఫిజీ నుండి ప్రతి వారం కొన్ని విమానాలు వస్తాయి. ఈ దేశంలోని ఒక ద్వీపం నుంచి మరో ద్వీపానికి స్థానికులు ఫెర్రీలలో ప్రయాణిస్తారు.

పెరుగుతున్న సముద్ర మట్టంతో ముప్పు

టువలూకు పెరుగుతున్న సముద్ర మట్టం పెను ముప్పుగా మారింది. భౌగోళికంగా చిన్న పరిమాణంతో పాటు ప్రత్యేకమైన భౌగోళిక సవాళ్లకు తోడు సముద్ర మట్టం క్రమంగా పెరుగుతుండడం టువలూ పౌరులను ఆందోళనకు గురి చేస్తుంది. సముద్రం క్రమంగా అక్కడి పరిమిత భూమిని ఆక్రమించి, దాని వ్యవసాయ వనరులను దెబ్బతీస్తున్నాయి. వాతావరణ సంక్షోభానికి ఎక్కువగా గురయ్యే దేశాల్లో ఈ దేశం ఒకటి. 2021లో ఆ దేశ విదేశాంగ మంత్రి సైమన్ కోఫ్ మోకాలి లోతు నీటిలో నిలబడి ఐక్యరాజ్యసమితిలో చేసిన ప్రసంగంతో తువాలు అంతర్జాతీయ పతాక శీర్షికలకు ఎక్కారు.