అంతర్జాతీయంగా భారీ డిమాండ్​ ఉన్న రంగాలుగా ఆర్టిఫీషియల్​ ఇంటెలిజెన్స్​ (ఏఐ), డేటా సైన్స్​ మంచి గుర్తింపు తెచ్చుకున్నాయి. వేగంగా అభివృద్ధి చెందుతున్న నేటి టెక్​ ప్రపంచంలో ఈ రెండింటిపై అందరి ఫోకస్​ పడింది. అందుకు తగ్గట్టుగానే వీటిల్లో మంచి కెరీర్​ అవకాశాలు కూడా ఉంటున్నాయి. మరి మీరు కూడా ఏఐ, డేటా సైన్స్​లో చదువుకు ప్లాన్​ చేస్తున్నారా? అయితే ఇది మీకోసమే! ఆయా రంగాల్లో టాప్​ 7 భారతీయ ఇన్​స్టిట్యూషన్స్​ వివరాలను ఇక్కడ తెలుసుకోండి..

ఏఐ- డేటా సైన్స్​కి ఇండియాలో ఈ కాలేజ్​లు బెస్ట్​..

మనుషుల జీవితంలో ఏఐ ఇప్పుడు ఒక భాగమైపోతోంది. మనుషుల్లా పనిచేసేందుకు ఏఐ ఆధారిత మెషిన్లు పుట్టుకొస్తున్నాయి. ఈ రంగానికి డిమాండ్​ గురించి ప్రత్యేకంగా చెప్పుకోవాల్సిన అవసరం లేదు. ఇక భారీ డేటా వాల్యూంని సైంటిఫిక్​ పద్ధతులు, ప్రాసెస్​, ఆల్గోరిథంతో ఎనలైజ్​ చేసి జ్ఞానాన్ని ఇవ్వడమే డేటా సైన్స్​. టెక్నాలజీ, ఇన్నోవేషన్​లో ఈ డేటా సైన్స్​, ఏఐలు కీలక పాత్ర పోషిస్తున్నాయి. వీటిపై పట్టు ఉన్న ఐటీ ప్రొఫెషనల్స్​కి భారీ సాలరీలు కూడా లభిస్తున్నాయి.

ఈ రంగాలపై పట్టు ఉన్న విద్యార్థులు రీసెర్చ్​, డెవలప్​మెంట్​, కటింగ్​ ఎడ్జ్​ టెక్​ సొలుషన్స్​లో దూసుకెళుతున్నారు. అందుకే సరైన విద్యాసంస్థను ఎంచుకోవడం చాలా ముఖ్యం.

క్యూఎస్​ (క్వాక్వారెల్లి సైమండ్స్​) 2025 లిస్ట్​ ప్రకారం, ఏఐ, డేటా సైన్స్​ కోసం ఇండియాలో ఇవి బెస్ట్​..

ఐఐఎస్​సీ బెంగళూరు

ఐఐటీ బాంబే

ఐఐటీ ఖరగ్​పూర్​

ఐఐటీ మద్రాస్​

ఐఐటీ కాన్పూర్​

వెల్లూర్​ ఇన్​స్టిట్యూట్​ ఆఫ్​ టెక్నాలజీ, వెల్లూర్​

ఏఐ- డేటా సైన్స్​లో చదువు కోసం అంతర్జాతీయంగా ఇవి బెస్ట్​..

మసాచుసెట్స్​ ఇన్​స్టిట్యూట్​ ఆఫ్​ టెక్నాలజీ (ఎంఐటీ)

కార్నెగె మెలాన్​ యూనివర్సిటీ

యూనివర్సిటీ ఆఫ్​ ఆక్స్​ఫర్డ్​

యూనివర్సిటీ ఆఫ్​ కాలిఫోర్నియా, బెర్కెలె (యూసీబీ)

నన్యాంగ్​ టెక్నాలజీ యూనివర్సిటీ, సింగపూర్​

చదువు తర్వాత ఉద్యోగ అవకాశాలు ఇలా..

ఆర్టిఫీషియల్​ ఇంటెలిజ్స్​లో కోర్సు తర్వాత ఏఐ ఇంజినీర్​, మెషిన్​ లర్నింగ్​ ఇంజినీర్​, డేటా సైన్స్​, ఏఐ రీసెర్చ్​ సైంటిస్ట్​, ఏఐ కన్సల్టెంట్​ వంటి ఉద్యోగాలు లభిస్తాయి.

ఇక డేటా సైన్స్​ చదివితే హై డిమాండ్​ ఉన్న డేటా ఎనలిస్ట్​, డేటా సైంటిస్ట్​, మెషిన్​ లర్నింగ్​ ఇంజినీర్​, డేటా ఇంజినీర్​ వంటి కెరీర్​ ఆప్షన్స్​ ఉంటాయి.

ఏఐ- డేటా సైన్స్​ని ఎందుకు ఎంచుకోవాలి?

రానున్న రోజుల్లో ఏఐ, డేటా సైన్స్​ వినియోగం మరింత పెరుగుతుంది. వీటిలో చదువు వల్ల భవిష్యత్తు సెక్యూర్డ్​గా ఉంటుంది. హెల్త్​కేర్​, ఫైనాన్స్​, మేన్యుఫ్యాక్చరింగ్​ సహా అనేక రంగాల్లో ఏఐ, డేటా సైన్స్​ భాగం అవుతాయి. అందుకే ఈ రంగాల్లో చదువు ఉత్తేజకరంగానూ, హై సాలరీ పేమెంట్​ని ఇచ్చే విధంగానూ ఉంటాయి.