ఓటీటీలో ఎంత చూసిన తరగనంత కంటెంట్ ఉంటోంది. అందులో జానర్ కు అనుగుణంగా కూడా సినిమాలు ఉన్నాయి. వీటిలో డ్యాన్స్ ఆధారంగా తీసిన మూవీస్ కూడా ఉంటాయి. ఈ మూవీస్ మీ పిల్లలకు డ్యాన్స్ పై ఉన్న ఆసక్తిని మరింత పెంచుతాయనడంలో సందేహం లేదు. మరి ఆ సినిమాలేంటి? ఏయే ఓటీటీ ప్లాట్‌ఫామ్స్ లో అందుబాటులో ఉన్నాయో చూడండి.

స్టైల్ – ప్రైమ్ వీడియో

తెలుగులో 2006లో వచ్చిన మూవీ స్టైల్. లారెన్స్ రాఘవ నటించి, డైరెక్ట్ చేసిన ఈ సినిమా డ్యాన్స్ పై ఉన్న గౌరవాన్ని, ఆసక్తిని పెంచుతుంది. ఈ మూవీలో ఇండియన్ మైఖేల్ జాక్సన్ గా పేరుగాంచిన ప్రభుదేవా కూడా నటించారు. ప్రైమ్ వీడియోలో ఈ మూవీ చూడొచ్చు.

2. బీ హ్యాపీ – ప్రైమ్ వీడియో

బీ హ్యాపీ ఈ మధ్యే ప్రైమ్ వీడియోలోకి వచ్చిన మూవీ. బాలీవుడ్ నటుడు అభిషేక్ బచ్చన్ లీడ్ రోల్లో నటించిన మూవీ. డ్యాన్సే జీవితంగా భావించే ఓ చిన్నారి, ఆమె కలలను నెరవేర్చడానికి ఎంత వరకైనా వెళ్లే తండ్రి చుట్టూ తిరిగే సినిమా ఇది. మంచి ఎమోషనల్ మూవీ.

3. ఏబీసీడీ: ఎనీబడీ కెన్ డ్యాన్స్ – నెట్‌ఫ్లిక్స్

ఏబీసీడీ 2013లో వచ్చిన మూవీ. ప్రముఖ కొరియోగ్రాఫర్ రెమో డిసౌజా డైరెక్ట్ చేశాడు. ప్రభుదేవా, గణేష్ ఆచార్యలాంటి కొరియోగ్రాఫర్లతోపాటు కేకే మేనన్ నటించిన మూవీ ఇది. కొందరు స్ట్రీట్ డ్యాన్సర్లతో ఓ వ్యక్తి చేసే అద్భుతం చుట్టూ తిరిగే మూవీ ఇది. 2015లో ఏబీసీడీ 2 పేరుతో సీక్వెల్ కూడా వచ్చింది. అది కూడా చూడొచ్చు.

4. లక్ష్మి – జీ5 ఓటీటీ

లక్ష్మి 2018లో వచ్చిన తమిళ మూవీ. తెలుగులోనూ జీ5 ఓటీటీలో అందుబాటులో ఉంది. ప్రభుదేవా, ఐశ్వర్య రాజేష్ లాంటి వాళ్లు నటించారు. తల్లికి ఇష్టం లేకపోయినా డ్యాన్స్ మీద ఉన్న మక్కువతో ఓ చిన్నారి ఏం చేసిందన్నది ఈ సినిమాలో చూడొచ్చు.

5. సాగర సంగమం – ప్రైమ్ వీడియో, సన్ నెక్ట్స్

క్లాసికల్ డ్యాన్స్ పై వచ్చిన సినిమాలంటే అందులో మొదటగా చెప్పుకోవాల్సింది ఈ సాగర సంగమం గురించే. 1983లో వచ్చిన ఆల్ టైమ్ క్లాసిక్ మూవీ ఇది. విశ్వనాథ్ డైరెక్షన్ లో కమల్ హాసన్ నట విశ్వరూపం చూపించిన సినిమా ఇది. ఈ మూవీని ప్రైమ్ వీడియో, సన్ నెక్ట్స్ ఓటీటీలో చూడొచ్చు.

6. స్వర్ణకమలం – ఆహా, ప్రైమ్ వీడియో

విశ్వనాథ్ డైరెక్షన్ లోనే వచ్చిన మరో క్లాసిక్ మూవీ స్వర్ణకమలం. 1988లో వచ్చింది. వెంకటేశ్, భానుప్రియ నటించిన ఈ సినిమా కూడా డ్యాన్స్ చుట్టూనే తిరుగుతుంది. తన తండ్రి నేర్పే సాంప్రదాయ కూచిపూడి డ్యాన్స్ ను అసహ్యించుకునే ఓ అమ్మాయిని మనసు మార్చి, ఆమెను అంతర్జాతీయ స్థాయికి తీసుకెళ్లే ఓ యువకుడి కథే ఈ మూవీ. ఆహా వీడియో, ప్రైమ్ వీడియోలో చూడొచ్చు.

7. మయూరి – సన్ నెక్ట్స్ ఓటీటీ

మయూరి కూడా ఓ స్ఫూర్తిదాయకమైన సినిమా. 1985లో వచ్చింది. సుధా చంద్రన్ అనే భరతనాట్యం డ్యాన్సర్ జీవితం ఆధారంగా తెరకెక్కిన సినిమా. డ్యాన్స్ అంటే ప్రాణమిచ్చే అమ్మాయి ప్రమాదంలో ఓ కాలు కోల్పోయినా.. తర్వాత కృత్రిమ కాలుతోనూ ఆ డ్యాన్స్ ను కొనసాగించే ఎంతో మందిలో స్ఫూర్తి నింపుతుంది. సన్ నెక్ట్స్ ఓటీటీలో చూడొచ్చు.

8. పౌర్ణమి – ప్రైమ్ వీడియో

పౌర్ణమి మూవీ 2006లో వచ్చింది. ప్రభాస్, ఛార్మీ, త్రిష నటించిన ఈ సినిమా కూడా డ్యాన్స్ ప్రధానంగా సాగే సినిమానే. ఈ మూవీని ప్రైమ్ వీడియోలో చూడొచ్చు.

9. నాట్యం – ప్రైమ్ వీడియో, ఆహా వీడియో

నాట్యం 2021లో వచ్చిన తెలుగు మూవీ. ఇది సాంప్రదాయ, ఆధునిక డ్యాన్స్ ఫార్మ్స్ చుట్టూ తిరిగే కథ. ఈ మూవీ ప్రైమ్ వీడియో, ఆహా వీడియో ఓటీటీ ప్లాట్‌ఫామ్స్ లో అందుబాటులో ఉంది.

10. ఆజా నచ్‌లే – ప్రైమ్ వీడియో

బాలీవుడ్ లో మాధురి దీక్షిత్ కమ్ బ్యాక్ మూవీ ఇది. ఓ డ్యాన్స్ థియేటర్ ను కాపాడుకునే కొరియోగ్రాఫర్ పాత్రలో ఆమె నటించింది. ఈ సినిమా ప్రైమ్ వీడియోలో అందుబాటులో ఉంది.