Best Web Hosting Provider In India 2024
Hrithik Roshan Deepika Padukone: బాలీవుడ్ స్టార్ యాక్టర్ హృతిక్ రోషన్ హీరోగా దీపికా పదుకొనె హీరోయిన్‌గా నటిస్తున్న లేటెస్ట్ ఏరియల్ యాక్షన్ డ్రామా మూవీ ఫైటర్. ఈ సినిమాకు బాలీవుడ్‌లో బ్యాంగ్ బ్యాంగ్, వార్, పఠాన్ వంటి బ్లాక్ బస్టర్ హిట్ చిత్రాలు అందించిన యువ సక్సెస్‌ఫుల్ డైరెక్టర్ సిద్దార్ధ్ ఆనంద్ దర్శకత్వం తెరకెక్కిస్తున్నాడు.
ట్రెండింగ్ వార్తలు
సిద్ధార్థ్ ఆనంద్, హృతిక్ రోషన్ కాంబినేషన్‌లో బ్యాంగ్ బ్యాంగ్, వార్ సినిమాల తర్వాత వస్తున్న మూడో సినిమా ఫైటర్ కావడంతో మూవీపై భారీ అంచనాలు నెలకొన్నాయి. ఇక ఇందులో పఠాన్‌తో హాట్ హీరోయిన్‌గా మరింత క్రేజ్ తెచ్చుకున్న దీపికా నటించడంతో గ్లామర్ డోస్ కూడా బాగానే ఉంటుందని తెలుస్తోంది.
ఫైటర్ మూవీని వయాకామ్ 18 స్టూడియోస్, మార్ ఫ్లిక్స్ పిక్చర్స్ బ్యానర్లపై మమతా ఆనంద్, రామన్ చిబ్, అంకు పాండే గ్రాండ్‌గా నిర్మిస్తున్నారు. విశాల్ శేఖర్ సంగీతం అందిస్తున్న ఈ మూవీలో అనిల్ కపూర్, అక్షయ్ ఒబెరాయ్, సంజీదా షేక్ తదితరులు కీలక పాత్రలు చేస్తున్నారు. ఫైటర్ మూవీని 2024 జనవరి 25న ప్రపంచవ్యాప్తంగా థియేటర్లలో గ్రాండ్‌గా విడుదల చేయనున్నారు.
సినిమా ప్రమోషన్లలో భాగంగా ఫైటర్ మూవీ నుంచి తాజాగా “షేర్ కుల్ గయే” సాంగ్‌ను విడుదల చేసింది చిత్రబృందం. ఈ పాటలో హృతిక్ రోషన్, దీపికా పదుకొనె డాన్స్ మూమెంట్స్ ఫాన్స్‌ను ఫిదా చేస్తున్నాయి. సినిమాలో ఇద్దరి కెమిస్ట్రీ బాగా వర్కౌట్ అయినట్లు తెలుస్తోంది.
దర్శకుడు సిద్ధార్థ్ ఆనంద్, హృతిక్ రోషన్ కాంబినేషన్‌లో గతంలో సంచలన విజయాలు సాధించిన “బ్యాంగ్ బ్యాంగ్”, “వార్” చిత్రాలకు ఏమాత్రం తగ్గకుండా మరింత ఎక్కువ అంచనాలతో ఫైటర్ సినిమా ప్రేక్షకుల ముందుకు రాబోతోంది.
