Best Web Hosting Provider In India 2024
Guppedantha Manasu Serial Episode 948: గుప్పెడంత మనసు సీరియల్‌లో గదిలో శైలేంద్రపై గన్ పెట్టి చంపేస్తానని మహేంద్ర గొడవపడుతుంటాడు. మహేంద్ర నంచి తప్పించుకుని హాల్లోకి పరుగెత్తుతాడు శైలేంద్ర. శైలేంద్రను వెంటాడుతూ హాల్లోకి వచ్చిన మహేంద్ర చంపేస్తానని అంటాడు. ధరణి, దేవయాని అడ్డు పడితే పక్కకు తోసేస్తాడు. ఇంతలో గన్ పేలిన సౌండ్ వస్తుంది. దీంతో ధరణి, దేవయాని గట్టిగా అరుస్తారు.
ట్రెండింగ్ వార్తలు
జైలుపాలు అయినా సరే
కానీ, ఇంతలో వచ్చిన అనుపమ, వసుధార.. శైలేంద్రను కాల్చకుండా మహేంద్ర గన్‌ను పక్కకు పెడతారు. దాంతో శైలేంద్రకు ఏం కాదు. నన్ను ఆపకండి. శైలేంద్రను ఇవాళ చంపేస్తానని మహేంద్ర ఆవేశంగా అంటాడు. అతన్ని చంపి దోషి అవుతావా అని అనుపమ అంటే.. పర్వాలేదు. వీడివల్ల నా జీవితం చీకటిగా మారింది. ఇప్పుడు దోషిని అయినా, జైలుపాలు అయిన నాకు ఏం అభ్యంతరం లేదు అని మహేంద్ర అంటాడు.
ఎలాగోలా నచ్చజెప్పి బలవంతంగా మహేంద్రను బయటకు తీసుకెళ్తారు వసుధార, అనుపమ. ఈరోజు తప్పించుకోవచ్చు. కానీ, ఏదో ఒక రోజు నేను నిన్ను చంపేస్తానని వార్నింగ్ ఇస్తూ వెళ్లిపోతాడు మహేంద్ర. ఇంతలో అక్కడికి ఫణీంద్ర వస్తాడు. వసుధార గన్ చీరకొంగుతో దాచేస్తుంది. ఫణీంద్రను చూసి అన్నయ్య అంటూ కౌగిలించుకుంటాడు మహేంద్ర. కార్ సౌండ్ విని డాడ్ వచ్చినట్లు ఉన్నారు అని బయటకు వస్తారు శైలేంద్ర, దేవయాని.
శైలేంద్ర డ్రామా
రిషి జాడ ఇంకా తెలియలేదా. రిషికి ఇలా ఎవరు చేశారో తెలిస్తే చాలు. అది ఎవరో తెలిసిన రోజు నేను వాళ్లను మట్టుపెడతాను. నువ్ ఏం కంగారు పడకు అని ఫణీంద్ర అంటాడు. నేను కూడా బాబాయ్‌కు అదే చెబుతున్నాను. రిషి ఎక్కడున్నా క్షేమంగానే ఉంటాడు అని అన్నాను. అయినా కానీ బాబాయ్ భయపడుతున్నారు అంటూ డ్రామా చేస్తాడు శైలేంద్ర. దానికి దేవయాని వంతపాడుతుంది. కొడుకు కనిపించకుంటే ఏ తండ్రి మనసు మనసులో ఉండదు. ఇలాగే ఉంటుందని ఫణీంద్ర అంటాడు.
మేము వెళ్లొస్తామని చెప్పి వెళ్లిపోతారు మహేంద్ర, అనుపమ, వసుధార. ఇంట్లోకి ఫణీంద్ర వచ్చి చూసేసరికి వస్తువులు అన్ని చిందరవందరగా పడి ఉంటాయి. ఏం జరిగిందని ధరణిని అడుగుతాడు. దాంతో రిషి విషయంలో చిన్న మావయ్య ఆయనను అనుమానిస్తున్నారు అని గన్ పట్టుకుని బెదిరించింది అంతా చెబుతుంది ధరణి. దాంతో కోపంతో చూస్తాడు ఫణీంద్ర. జగతి విషయంలో అనుమానించారు. ఇప్పుడు రిషి విషయంలో ఇలాగే చేస్తున్నారు. వీళ్లంతా నా కొడుకుపై పడ్డారేంటండి అని దేవయాని అంటుంది.
చిన్న అనుమానానికే
ఏదో మీ తమ్ముడు అని ఊరుకున్నాను అని దేవయాని అంటే.. లేకుంటే ఏం చేసేదానివి. నాకు ఎందుకు అబద్ధం చెప్పాలని చూశావ్. ముందే నిజం చెప్పొచ్చు కదా. మహేంద్ర గన్ పట్టుకుని వచ్చాడంటే దీనికంటే ముందు మీకు చాలా చర్చలు జరిగి ఉంటాయి. ఒక చిన్న విషయానికి, అనుమానానికే గన్ పట్టుకుని రాడు కదా. అంటే నాకు తెలియకుండా చాలా జరుగుతున్నాయని ఫణీంద్ర అంటాడు. వాడు పేషంట్ అయి హాస్పిటల్‌లో ఉంటే ఏం చేస్తాడండి అని దేవయాని అంటుంది.
దానికంటే ముందే చేయొచ్చు కదా. ఏదైనా చేయాలని అనుకుంటే హాస్పిటల్‌లో ఏంటీ అండమాన్‌లో ఉన్న ప్లాన్ చేయొచ్చు అని ఫణీంద్ర అంటాడు. వాళ్లు ఏదో కావాలనే ఇలా చేస్తున్నారు. శైలేంద్రపై కోపంతో చేస్తున్నారు. అన్నదమ్ములు ఉన్న ఇల్లు కురుక్షేత్రమే కదా. మనసులో ఇంకేదైనా పెట్టుకున్నారేమో అని దేవయాని అంటుంది. నోర్మూయ్.. మహేంద్ర, రిషి అలా ఆలోచించేవాళ్లు కాదు. వీన్ని ఎందుకు అంత గట్టిగా అనుమానిస్తున్నారు అని ఫణీంద్ర అంటాడు.
వాయిస్ ఎలా వచ్చింది
వీళ్లు అంటే అనుకుందాం. మరి ముకుల్ ఎందుకు అనుమానిస్తున్నాడు. జగతి విషయంలో వీడి వాయిస్ వచ్చింది. అది ఎలా వచ్చింది అని ఫణీంద్ర అంటాడు. అమ్మో.. ముకుల్ కంటే డాడ్ ఎక్కువ ఇన్వెస్టిగేట్ చేసేలా ఉన్నాడు. ఎస్కేప్ అవ్వాలని మనసులో అనుకున్న శైలేంద్ర కడుపు నొచ్చినట్లు నాటకం ఆడుతాడు. దాంతో శైలేంద్రను దేవయాని తీసుకెళ్లుతుంది. కాసేపటికీ జరిగినదంతా ఆలోచించిన శైలేంద్ర ధరణిని పిలుస్తాడు.
థ్యాంక్స్ ధరణి. నువ్ నన్ను రెండు సార్లు కాపాడావు. నీకు ఏం కావాలో చెప్పు. పది నిమిషాల్లో నీ ముందు ఉంటుంది అని శైలేంద్ర అంటాడు. డ్రామా ఆపండి. మీరు నాతో ప్రేమగా ఉన్నట్లు నటించారు. ఇంకా ఇలా మాట్లాడి ఎందుకు ఎమోషనల్ బ్లాక్ మెయిల్ చేస్తారు. మీరు లెక్కపెట్టలేనన్ని తప్పులు చేశారు అని ధరణి అంటుంది. అది గతం. ఇది ప్రస్తుతం. నేను మారిపోయాను. సరే రిషి విషయంలో నా గురించి ఏం అనుకుంటున్నావ్ అని శైలేంద్ర అడుగుతాడు.
శైలేంద్ర కొత్త ప్లాన్
మీరే చేశారని అనుకుంటున్నట్లుగా సైలెంట్‌గా ఉండిపోతుంది ధరణి. దానికి నువ్ అనుకున్నది నిజమే. నువ్ ఏది అనుకుంటే అదే. కానీ, రిషి గురించి తెలిస్తే నాకు కచ్చితంగా చెప్పు. తల పట్టేసినట్లయింది. వెళ్లి కాఫీ తుసుకురా అని చెప్పి పంపిస్తాడు శైలేంద్ర. తర్వాత వసుధార నిన్ను ఏం చేస్తానో చూడు అని అనుకుంటాడు శైలేంద్ర.
