Bigg Boss 7 Telugu : అమర్‌దీప్‌ను ఘోరంగా కొట్టిన హౌస్‌మేట్స్.. వద్దంటూ పరుగు

Bigg Boss 7 Telugu : బిగ్ బాస్ 7 తెలుగు(Bigg Boss 7 Telugu) ఉల్టా పుల్టాగా మెుదలైంది. ఇక చివరిదశకు వచ్చేసింది. తాజా ఎపిసోడ్లో హౌస్ మేట్స్ తో ఫన్నీ టాస్కులు ఆడించాడు బిగ్ బాస్. ఫైనల్‌లో గెలిచే వారి గురించి ఇప్పటికే సోషల్ మీడియాలో వైరల్ అవుతోంది. శనివారం ఎపిసోడ్లో కంటెస్టెంట్లు అంతా సరదా సరదాగా గడిపారు. ఫినాలేలో ఎలాగైనా కప్పు కొట్టాలని అందరూ చూస్తున్నారు.

అయితే బిగ్ బాస్ ఓ ఫన్నీ టాస్క్ ఇచ్చాడు. కళ్లకు గంతలు కట్టుకుని కూర్చుంటే.. స్పాంజ్ స్టిక్ తో కంటెస్టెంట్లు కొట్టాలి. దెబ్బ తిన్న వ్యక్తి.. ఎవరు కొట్టారో కనిపెట్టాలి. ఈ టాస్కులో మెుదటగా అమర్‌దీప్‌(Amardeep) కూర్చున్నాడు. అతడిని కాసేపు అందరూ ఆడుకున్నారు. మిగతావారికంటే ఎక్కువగా అమర్‌ను కొట్టారు. ఈ సమయంలో అతడు కూడా మంచి ఎంటర్టైన్మెంట్ ఇచ్చే ప్రయత్నం చేశాడు. చాలా సేపు ఎవరు తనను కొట్టారో చెప్పకుండా టైమ్ పాస్ చేశాడు. ఇదే అదునుగా మిగిలిన కంటెస్టెంట్లు అమర్‌ను కామెడీగా ఘోరంగా కొట్టారు. స్పాంజ్ స్టిక్ కావడంతో దెబ్బలు తగలవు. అమర్ కూడా ఈ ఆటను ఎంజాయ్ చేశాడు. మిగిలిన వారు కూడా ఇలానే ఎవరు తమను కొట్టారో గెస్ చేశారు.

ఇక ఓ షో ప్రమోషన్ కోసం శ్రీముఖి కూడా హౌస్‌లోకి వచ్చింది. కంటెస్టెంట్లతో చాలాసేపు సరదాగా గడిపింది. వారితో పాటలు పాడించింది. శ్రీముఖి ఉన్న సమయంలో యావర్ కాస్త ఇంట్రస్ట్ చూపించినట్టుగా కనిపించింది. యావర్‌ను కూడా ఆమె ఎంకరేజ్ చేసింది. హౌస్ మేట్స్ అందరికి పాటల టాస్కులు ఇచ్చింది. తర్వాత కాసేపటికి హౌస్ నుంచి వెళ్లిపోయింది.

ఫైనల్స్ రావడంతో బిగ్ బాస్ తన ఆట మెుదలుపెట్టాడు. డబ్బులు తీసుకుని వెళ్లావారికోసం గాలం వేస్తున్నాడు. అందులో భాగంగా ఒక్కొక్కరికి సూట్ కేసు ఇచ్చి మెుదట 3 లక్షలు ఆఫర్ చేశాడు. అయితే హౌస్ మేట్స్ మాత్రం ఎవరూ పెద్దగా ఇంట్రస్ట్ చూపించలేదు. తర్వాత ఆ డబ్బును 5 లక్షలకు పెంచాడు. కాసేపటికి 8 చేసి.. ఆ తర్వాత 10 లక్షలకు పెంచాడు. కానీ ఈ మెుత్తానికి ఎవరూ టెంప్ట్ కాలేదు. ఫినాలేలో మరికాస్త డబ్బులను పెంచే అవకాశం ఉంది.

అయితే సోషల్ మీడియాలో ఇప్పటికే ఓ వార్త చక్కర్లు కొడుతోంది. బిగ్ బాస్ 7 ఫైనలిస్టుల నుంచి మెుదటగా అంబటి అర్జున్ ఎలిమినేట్ అయినట్టుగా తెలుస్తోంది. తర్వాత ప్రియాంక వెళ్లిపోయిందట. ప్రిన్స్ యావర్ 15 లక్షలు తీసుకుని బయటకు వచ్చేశాడని టాక్. పల్లవి ప్రశాంత్(Pallavi Prashanth), అమర్ దీప్, శివాజీ టాప్ 3లో ఉన్నారని, తర్వాత శివాజీ ఎలిమినేట్ అయ్యారని సోషల్ మీడియాలో చర్చ నడుస్తోంది. ఫైనల్‌లో ప్రశాంత్, అమర్ పోటీ పడ్డారని, టైటిల్ రైతుబిడ్డకే దక్కిందని వైరల్ అవుతోంది.