Best Web Hosting Provider In India 2024
Salaar Release Trailer: ప్రభాస్ ఫ్యాన్స్‌ను ప్ర‌శాంత్ నీల్ అండ్ టీమ్ డిస‌పాయింట్ చేసింది. స‌లార్ సెకండ్ ట్రైల‌ర్ రిలీజ్ వాయిదాప‌డింది. ది ఫైన‌ల్ పంచ్ పేరుతో స‌లార్ సెకండ్ ట్రైల‌ర్‌ను సోమ‌వారం ఉద‌యం 10.42 నిమిషాల‌కు రిలీజ్ చేయ‌బోతున్న‌ట్లు నిర్మాణ సంస్థ హోంబ‌లే ఫిల్మ్స్ ప్ర‌క‌టించింది. ట్రైల‌ర్ రిలీజ్‌కు నాలుగు నిమిషాల ముందు అభిమానుల‌కు షాకిచ్చింది. స‌లార్ సెకండ్ ట్రైల‌ర్‌ను 10.42 నిమిషాల‌కు కాకుండా మ‌ధ్యాహ్నం 2 గంట‌ల‌కు రిలీజ్ చేయ‌బోతున్న‌ట్లు ప్ర‌క‌టించారు.
ట్రెండింగ్ వార్తలు
రెండోసారి ట్రైల‌ర్ రిలీజ్ పోస్ట్పోన్ కావ‌డంతో హోంబ‌లే ఫిల్మ్స్‌తో పాటు ప్ర‌శాంత్ నీల్‌పై ప్రభాస్ ఫ్యాన్స్ ఫైర్ అవుతోన్నారు. సోష‌ల్ మీడియాలో బూతుల‌తో విరుచుకుప‌డుతోన్నారు. ఈ ట్విస్ట్ ఎక్స్‌పెక్ట్ చేయ‌లేద‌ని ఓ నెటిజ‌న్ కామెంట్ చేశాడు. మ‌ధ్యాహ్నం రెండు గంట‌ల‌కు కూడా ట్రైల‌ర్ రిలీజ్ కావ‌డం అనుమాన‌మేన‌ని మ‌రో నెటిజ‌న్ పేర్కొన్నాడు.
ట్రైల‌ర్ మాదిరిగా సినిమా షోస్ మాత్రం డిలే చేయ‌వ‌ద్దంటూ హోంబ‌లే ఫిల్మ్స్‌కు మ‌రికొంద‌రు నెటిజ‌న్లు స‌ల‌హా ఇస్తున్నారు. ట్రైల‌ర్‌కు సంబంధించిన కొన్ని ప‌నులు పూర్తికాక‌పోవ‌డంతోనే మ‌ధ్యాహ్నానికి పోస్ట్పోన్ చేసిన‌ట్లు ప్ర‌చారం జ‌ర‌గుతోంది. తొలుత ఈ ట్రైల‌ర్‌ను ఆదివారం రిలీజ్ చేయాల‌ని అనుకున్నారు. కానీ పోస్ట్పోన్ చేసి సోమ‌వారం రిలీజ్ చేస్తోన్నారు.
స‌లార్ సినిమా సెకండ్ ట్రైల‌ర్ యాక్ష‌న్ అంశాల‌తో ప్ర‌శాంత్ నీల్ క‌ట్ చేసిన‌ట్లు ప్ర‌చారం జ‌రుగుతోంది. స‌లార్ సినిమాలో ప్రభాస్, పృథ్వీరాజ్ సుకుమార‌న్ ప్రాణ స్నేహితులుగా న‌టిస్తోన్నారు. ఫ్రెండ్‌షిప్ బ్యాక్‌డ్రాప్‌లో గ్యాంగ్‌స్ట‌ర్ యాక్ష‌న్ ఎంట‌ర్‌టైన‌ర్‌గా ప్ర‌శాంత్ నీల్ ఈ మూవీని తెర‌కెక్కిస్తోన్నాడు. డిసెంబ‌ర్ 22న వ‌ర‌ల్డ్ వైడ్‌గా ఈ మూవీ రిలీజ్ కానుంది.
