Harish Rao on Pallavi Prashanth:కామ‌న్‌మ్యాన్ గెలుపు ఇది – బిగ్‌బాస్ విజేత‌ ప‌ల్ల‌వి ప్ర‌శాంత్‌పై హ‌రీష్ రావు ప్ర‌శంస‌లు

Harish Rao on Pallavi Prashanth: బిగ్‌బాస్ 7 తెలుగు విన్న‌ర్‌గా నిలిచిన ప‌ల్ల‌వి ప్ర‌శాంత్‌పై మాజీ మంత్రి సిద్దిపేట ఎమ్మెల్యే హ‌రీష్ రావు ప్ర‌శంస‌లు కురిపించాడు. సిద్దిపేట రైతుబిడ్డ ప‌ల్ల‌వి ప్ర‌శాంత్ బిగ్‌బాస్ తెలుగు 7 సీజ‌న్ విజేత‌గా నిల‌వ‌డం గ‌ర్వంగా ఉంద‌ని హ‌రీష్ రావు అన్నాడు. ట్విట్ట‌ర్ వేదిక‌గా ప‌ల్ల‌వి ప్ర‌శాంత్‌ను హ‌రీష్ రావు అభినందించాడు. ఓ రైతు బిడ్డ‌గా బిగ్‌బాస్ షో ద్వారా తెలుగు నాట ప్ర‌తి ఇంటికి ప‌ల్ల‌వి ప్ర‌శాంత్ చేరువ‌య్యాడ‌ని హ‌రీష్ రావు త‌న ట్వీట్‌లో పేర్కొన్నాడు.

సామాన్యుడు సాధించిన గొప్ప విజ‌య‌మిద‌ని హ‌రీష్ రావు అన్నాడు. బిగ్‌బాస్ షోలో కామ‌న్‌మ్యాన్‌గా త‌నదైన ప్ర‌త్యేక‌త‌తో ప్రేక్ష‌కుల మ‌న‌సుల్ని ప‌ల్ల‌వి ప్ర‌శాంత్ గెలుచుకున్నాడ‌ని హ‌రీష్ రావు ట్వీట్‌లో పేర్కొన్నాడు. రైతుబిడ్డ‌గా పొలాల నుంచి బిగ్‌బాస్ షో వ‌ర‌కు సాగిన ప‌ల్ల‌వి ప్ర‌శాంత్ ప్ర‌యాణం ఎంతో మంది స్ఫూర్తిదాయ‌క‌మ‌ని హ‌రీష్ రావు తెలిపాడు. హ‌రీష్ రావు ట్వీట్ సోష‌ల్ మీడియాలో వైర‌ల్‌గా మారింది.

ఆదివారం జ‌రిగిన బిగ్‌బాస్ 7 తెలుగు గ్రాండ్ ఫినాలేలో ప‌ల్ల‌వి ప్ర‌శాంత్ విజేత‌గా నాగార్జున అనౌన్స్‌చేశాడు. శివాజీ, అమ‌ర్‌దీప్‌, అర్జున్ అంబాటి తో పాటు ప‌లువురు సినిమా, టీవీ సెల‌బ్రిటీల‌తో పోటీప‌డి కామ‌న్‌మ్యాన్‌గా హౌజ్‌లో అడుగుపెట్టిన ప‌ల్ల‌వి ప్ర‌శాంత్ విజేత‌గా నిల‌వ‌డంపై సోష‌ల్ మీడియాలో అత‌డిపై ప్ర‌శంస‌లు కురుస్తోన్నాయి. బిగ్‌బాస్ విన్న‌ర్‌గా నిలిచిన ప‌ల్ల‌వి ప్ర‌శాంత్‌కు 35 ల‌క్ష‌ల ప్రైజ్‌మ‌నీతో పాటు ఓ కారు, డైమండ్ న‌క్లెస్ బ‌హుమ‌తిగా ద‌క్కాయి.