Tasty Teja: నేను 15 సినిమాల్లో నటించట్లేదు.. అసలు నిజం చెప్పేసిన కమెడియన్ టేస్టీ తేజ

Bigg Boss 7 Telugu Grand Finale: బిగ్ బాస్ తెలుగు రియాలిటీ షో కొంతమందికి అవకాశాలు కల్పిస్తే.. మరికొందరికి నెగెటివ్‌గా మారింది. అయితే, డిసెంబర్ 17న బిగ్ బాస్ 7 తెలుగు గ్రాండ్ ఫినాలే సందర్భంగా ఎపిసోడ్ ప్రోమో విడుదల చేశారు. అందులో తనకు ఏకంగా 15 సినిమాల్లో అవకాశం వచ్చినట్లు కమెడియన్ టేస్టీ తేజె చెప్పుకొచ్చాడు. దాంతో ఈ వీడియో వైరల్ అయింది.

టేస్టీ తేజ కూడా వైరల్ కావడంతో అతనికి వరుసగా కాల్స్, మెసేజేస్ వస్తున్నాయట. ఈ క్రమంలోనే ఆట సందీప్ ఇన్ స్టా గ్రామ్‌లో లైవ్ వీడియో పోస్ట్ చేశాడు. అందులో టేస్టీ తేజను నెటిజన్స్ అడిగారు. ఏం బాబు నీకు 15 సినిమాల్లో అవకాశం వచ్చిందా, ఏంటీ హీరోగానేనా అంటూ వరుసగా క్వశ్చన్స్ అడిగారు. దీంతో టేస్టీ తేజ అసలు విషయం చెప్పాడు.

“నిజమే బ్రో, నాకు నిజంగానే 15 సినిమాల్లో ఆఫర్ వచ్చింది. కానీ, హీరోగా కాదు. లీడ్ రోల్ అంతేకంటే కాదు. ఏదో కమెడియన్‌గా ఆఫర్స్ వచ్చాయి. అయినా 15 సినిమాల్లో ఆఫర్ వచ్చిందంటే హీరో అనుకుంటున్నారేంటీ. నాకు హీరోగా వస్తాయా. కమెడియన్‌గా 15 సినిమాల్లో ఛాన్స్ రావడం నిజం. కానీ, నేను అందులో 4 సినిమాలు మాత్రమే ఓకే చేశాను. అవి కూడా కొత్త సినిమాలు” అని టేస్టీ తేజ చెప్పుకొచ్చాడు.

“నా అదృష్టం బాగుండి ప్రోమోలో 15 సినిమాల్లో అవకాశం వచ్చిందన్న ముక్కే వేశారు. నాలుగు సినిమాల్లో చేస్తున్నట్లు కూడా చెప్పాను. అది మాత్రం వేయలేదు. నాలుగు సినిమాలకు కమిట్ అయ్యాను. డిసెంబర్‌లో 2 సినిమాలు షూటింగ్ అవుతున్నాయి. ఫ్రిబ్రవరిలో మరో 2 సినిమాలు షూటింగ్ కానున్నాయి. మెయిన్ స్ట్రీమ్ హీరోలతోనే చేస్తున్నా. అంతకంటే ఎక్కువ ఏం చెప్పలేను” అని తేజ అసలు నిజం చెప్పాడు.