Best Web Hosting Provider In India 2024
గుమ్మడికాయ మంచి ఆహారం. దాని పండుని ఎక్కువగా తింటాం. అయితే గుమ్మడి ఆకులతోనూ అద్భుతమైన ప్రయోజనాలు ఉన్నాయి. మన ఆరోగ్యానికి ఎంతో మేలు చేస్తాయని చాలా మందికి తెలియదు. గుమ్మడి ఆకుల వల్ల కలిగే ఆరోగ్య ప్రయోజనాల గురించి తెలుసుకుందాం..
ట్రెండింగ్ వార్తలు
పొటాషియం, కాల్షియం, ఫోలిక్ యాసిడ్, ఐరన్, విటమిన్ ఇ, విటమిన్ బి6, మెగ్నీషియం, ఫాస్పరస్, థయామిన్, నియాసిన్, ఫైబర్, విటమిన్ ఎ, విటమిన్ సి, ప్రొటీన్ వంటి పోషకాలు పుష్కలంగా గుమ్మడి ఆకుల్లో ఉన్నాయి.
గుమ్మడి ఆకుల్లో కరిగే ఫైబర్ పుష్కలంగా ఉంటుంది. కరిగే ఫైబర్ అధికంగా తీసుకోవడం వలన చిన్న పేగు నుంచి కొలెస్ట్రాల్, బైల్ యాసిడ్ శోషణను తగ్గిస్తుంది, తద్వారా రక్త కొలెస్ట్రాల్ స్థాయిలను తగ్గుతుంది. కరిగే ఫైబర్ గట్‌లోని బ్యాక్టీరియా ద్వారా విచ్ఛిన్నమైనప్పుడు, కొన్ని కొవ్వు ఆమ్లాలు విడుదల అవుతాయి. ఇది కాలేయంలో కొలెస్ట్రాల్ ఉత్పత్తిని తగ్గిస్తుంది.
రక్తంలో కొలెస్ట్రాల్‌ను తగ్గించడం ద్వారా ఫైబర్ గుండె జబ్బుల ప్రమాదాన్ని తగ్గిస్తుంది. గుమ్మడికాయ ఆకులలో పొటాషియం పుష్కలంగా ఉంటుంది. ఇది క్రమరహిత హృదయ స్పందనలను నివారించడానికి, స్ట్రోక్ ప్రమాదాన్ని తగ్గిస్తుంది.
గుమ్మడికాయ జ్ఞాపకశక్తిని పెంచుతుందని నిపుణులు అంటున్నారు. ఆకులలోని అధిక ఐరన్ కంటెంట్ మానవ శరీరం రోగనిరోధక శక్తిని బలోపేతం చేయడంలో ముఖ్య పాత్ర పోషిస్తుంది. శరీరాన్ని అనేక వ్యాధులు, ఇన్ఫెక్షన్లకు వ్యతిరేకంగా పోరాడే సామర్థ్యాన్ని కలిగి ఉంటుంది.
దెబ్బతిన్న కణజాలం, అవయవాలు, కణాలకు ఆక్సిజన్‌ను అందించడానికి ఎర్ర రక్త కణాలు అవసరం. అది లేకుండా హిమోగ్లోబిన్ లేదు. హిమోగ్లోబిన్ లేకుండా ఆక్సిజన్ ఉండదు. ఈ ఆకులను క్రమం తప్పకుండా తినండి. ఇది మీకు మంచి ఆరోగ్యాన్ని ఇస్తుంది.
గుమ్మడికాయ ఆకుల్లో 38 మైక్రోగ్రాముల విటమిన్ ఎ ఉంటుంది. ఇది రోజువారీ సిఫార్సు విలువలో 5.43 శాతం. విటమిన్ ఎ అధికంగా ఉండే ఆహారాన్ని తీసుకోవడం వల్ల శరీరం ఫ్రీ రాడికల్స్‌ను తొలగించి టాక్సిన్స్‌ను బయటకు పంపుతుంది. ఇది తేమను నిలుపుకోవడంలో, చర్మాన్ని మృదువుగా ఉంచడంలో సహాయపడుతుంది. పొడిబారడం, కెరాటినైజేషన్, సోరియాసిస్ వంటి చర్మ పరిస్థితులను నివారిస్తుంది.
గుమ్మడి ఆకులు క్యాన్సర్‌తో పోరాడటానికి సహాయపడతాయి. ఇతర ఆకుపచ్చ కూరగాయలు వలె, గుమ్మడికాయ ఆకులలో ఫైబర్ పుష్కలంగా ఉంటుంది. మూడు దశాబ్దాలుగా అనేక అధ్యయనాలు ఫైబర్ తీసుకోవడం అనేది పెద్దపేగు క్యాన్సర్ మధ్య సంబంధాన్ని చూపించాయి.
గుమ్మడి ఆకుల్లో మన శరీరంలోని ఎముకలు, దంతాలకు అవసరమైన కాల్షియం, ఫాస్పరస్ అధిక మొత్తంలో ఉంటాయి. బలమైన ఎముకలు, సరైన పెరుగుదల, మంచి దంతాల అభివృద్ధిని నిర్ధారించడానికి వాటిని తగినంత మొత్తంలో ప్రతిరోజూ తీసుకోవాలి. ఇది గట్టి జాయింట్లు, ఎముకల నొప్పుల నుండి రక్షిస్తుంది.
నేటి ఆహారపు అలవాట్లు శరీరంలో అనవసరమైన కొవ్వులను నిల్వ చేయడానికి దారితీస్తుంది. వాటికి విరుగుడుగా, గుమ్మడి ఆకులు సహాయపడతాయి. ఇందులో ఉండే ఫైబర్ శరీరంలో కొలెస్ట్రాల్ పేరుకుపోకుండా నిరోధించడమే కాకుండా గుండెను ఆరోగ్యంగా ఉంచడంలో సహాయపడుతుంది.
కొంతమంది పురుషులకు స్పెర్మ్ కౌంట్ లోపంతో ఇబ్బంది పడతారు. అందువల్ల ఈ గుమ్మడి ఆకు శుక్రకణాల సంతానోత్పత్తిని పెంచి సంతానం పొందే వరం కలిగిస్తుంది. పాలిచ్చే తల్లులకు గుమ్మడి ఆకు బాగా ఉపయోగపడుతుంది. ఎందుకంటే ఇందులో క్యాల్షియం పుష్కలంగా ఉంటుంది.
