Best Web Hosting Provider In India 2024
Rashmika Mandanna About Deekshith Shetty: పుష్ప సినిమాతో దేశవ్యాప్తంగా పాపులర్ అయింది రష్మిక మందన్నా. దాంతో సౌత్, నార్త్‌లో సినిమా అవకాశాలు దక్కించుకుంటూ కెరీర్‌లో దూసుకుపోతోంది ఈ నేషనల్ క్రష్. ఇటీవల యానిమల్ మూవీతో ప్రేక్షకులను అలరించింది. బాలీవుడ్ హీరో రణ్‌బీర్ కపూర్‌తో ఘాటు బోల్డ్ సీన్లలో నటించి అట్రాక్ట్ చేసింది రష్మిక మందన్నా.
ట్రెండింగ్ వార్తలు
సందీప్ రెడ్డి వంగా తెరకెక్కించిన యానిమల్ మూవీలో గీతాంజలి పాత్రలో ఆకట్టుకుంది రష్మిక మందన్నా. అయితే తాజాగా తన బాయ్ ఫ్రెండ్ గురించి చెప్పింది రష్మిక మందన్నా. కానీ, అది నిజ జీవితంలో కాదండి.. రీల్ లైఫ్‌ బాయ్ ఫ్రెండ్ గురించి చెప్పింది. ప్రస్తుతం రష్మిక మందన్నా నటిస్తున్న సినిమా ది గర్ల్ ఫ్రెండ్.
హీరో, నటుడు, సింగర్ చిన్మయి భర్త రాహుల్ రవీంద్రన్ దర్శకత్వంలో వస్తున్న ది గర్ల్ ఫ్రెండ్ సినిమాలో రష్మిక మెయిన్ లీడ్ రోల్ చేస్తుంది. లేడి ఒరియెంటెడ్ చిత్రంగా వస్తున్న ది గర్ల్ ఫ్రెండ్ మూవీలో ఇప్పటివరకు హీరోను పరిచయం చేయలేదు. తాజాగా మూవీలోని హీరోను అదే రష్మిక మందన్నా బాయ్ ఫ్రెండ్‌ను పరిచయం చేస్తూ వీడియో రిలీజ్ చేశారు. అతను ఎవరో కాదు దసరా మూవీలో నానితోపాటు నటించిన దీక్షిత్ శెట్టి.
దీక్షిత్ శెట్టి పుట్టినరోజు సందర్భంగా గర్ల్ ఫ్రెండ్‌కు తగిన బాయ్ ఫ్రెండ్ విక్రమ్ అంటూ తెలిపారు. ఈ స్పెషల్ వీడియోలో తన బాయ్ ఫ్రెండ్ గురించి రష్మిక మందన్నా చెబుతుంది. “నీ బాయ్ ఫ్రెండ్ పేరేంటీ అని ఒక అమ్మాయి అడిగితే.. విక్రమ్. తను స్మైల్ చేస్తే చాలు అమ్మాయిలంతా అక్కడే ఫ్లాట్ అయిపోతారు” అని రష్మిక మందన్నా చెబుతుంది. కానీ, అదే సమయంలో కోపంతో ఎవరితోనో గొడవపడుతుంటాడు విక్రమ్.
బాయ్ ఫ్రెండ్ ఆఫ్ గర్ల్ ఫ్రెండ్ అంటూ ముగించిన వీడియో ఆసక్తిగా ఉంది. దీంతో ఇప్పుడు ఈ వీడియో సోషల్ మీడియాలో వైరల్ అవుతోంది. కాగా ఇటీవలే ది గర్ల్ ఫ్రెండ్ మూవీ షూటింగ్ ప్రారంభమైంది. ఈ చిత్రాన్ని ప్రముఖ నిర్మాత అల్లు అరవింద్ సమర్పణలో గీతా ఆర్ట్స్, మాస్ మూవీ మేకర్స్, ధీరజ్ మొగిలినేని ఎంటర్ టైన్ మెంట్ బ్యానర్స్ సంయుక్తంగా నిర్మిస్తున్నాయి. విద్య కొప్పినేని, ధీరజ్ మొగిలినేని నిర్మాతలుగా వ్యవహిస్తున్నారు.
