Best Web Hosting Provider In India 2024
Mahesh Babu Guntur Kaaram: క్రిస్మస్ కానుక‌గా సోమవారం గుంటూరు కారం టీమ్ ఫ్యాన్స్‌కు స్పెష‌ల్ ట్రీట్ ఇచ్చింది. మ‌హేష్‌బాబు కొత్త పోస్ట‌ర్‌ను రిలీజ్ చేసింది. ఇప్ప‌టివ‌ర‌కు రిలీజ్ చేసిన ప్ర‌తి పోస్ట‌ర్‌లో మాస్ లుక్‌లో క‌నిపించిన మ‌హేష్‌బాబు ఈ పోస్ట‌ర్‌లో మాత్రం క్లాస్ లుక్‌లో దర్శనమిచ్చాడు.
ట్రెండింగ్ వార్తలు
బ్లాక్ షర్ట్‌లో న్యూ హెయిర్ స్టైల్‌తో స‌రికొత్త లుక్‌లో ఫ్యాన్స్‌ను స‌ర్‌ప్రైజ్ చేశాడు. గుంటూరు కారం క్రిస్మస్ పోస్టర్ సోష‌ల్‌ మీడియాలో వైర‌ల్ అవుతోంది. అత‌డు, ఖ‌లేజా త‌ర్వాత మ‌హేష్ బాబు, డైరెక్ట‌ర్ త్రివిక్ర‌మ్ కాంబోలో హ్యాట్రిక్ మూవీగా గుంటూరు కారం తెర‌కెక్కుతోంది. మ‌ద‌ర్ సెంటిమెంట్‌, వినోదం, యాక్ష‌న్ అంశాల క‌ల‌బోత‌గా త్రివిక్ర‌మ్ రూపొందిస్తోన్న ఈ మూవీ సంక్రాంతి కానుక‌గా జ‌న‌వ‌రి 12న రిలీజ్ కానుంది.
ఈ సంక్రాంతికి రిలీజ్ అవుతోన్న సినిమాల్లో గుంటూరు కారంపైనే అభిమానుల్లో భారీగా అంచ‌నాలు నెల‌కొన్నాయి. ఈ సినిమాలో మ‌హేష్‌బాబుకు జోడీగా శ్రీలీల, మీనాక్షి చౌద‌రి హీరోయిన్లుగా న‌టిస్తున్నారు. త్వ‌ర‌లోనే గుంటూరు కారం ప్ర‌మోష‌న్స్ మొద‌లుపెట్ట‌బోతున్నారు. ఈ సినిమాకు త‌మ‌న్ సంగీతాన్ని అందిస్తోన్నాడు.
దాదాపు రెండు వంద‌ల కోట్ల బ‌డ్జెట్‌తో హారిక హాసిని క్రియేష‌న్స్ ప‌తాకంపై చిన‌బాబు గుంటూరు కారం మూవీని నిర్మిస్తున్నాడు.గుంటూరు కారం త‌ర్వాత ద‌ర్శ‌కుడు రాజ‌మౌళితో మ‌హేష్ బాబు ఓ అడ్వెంచ‌ర్ మూవీ చేయ‌నున్నాడు.
