Best Web Hosting Provider In India 2024
Viran Muttamsetty Mukhya Gamanika: ఐకాన్ స్టార్ అల్లు అర్జున్ క‌జిన్ (బావ మరిది) విరాన్ ముత్తంశెట్టి హీరోగా ప‌రిచ‌య‌మ‌వుతున్న సినిమా ముఖ్య గమనిక. ఇందులో లావ‌ణ్య హీరోయిన్‌గా న‌టిస్తోంది. ప‌లు విజ‌య‌వంతమైన చిత్రాల‌కు సినిమాటోగ్రాఫ‌ర్ గా ప‌నిచేసిన వేణు ముర‌ళిధ‌ర్. వి ఈ సినిమాతో ద‌ర్శ‌కుడిగా ప‌రిచ‌య‌మ‌వుతున్నారు.
ట్రెండింగ్ వార్తలు
శివిన్ ప్రొడ‌క్ష‌న్స్ ప‌తాకంపై ప్రొడ‌క్ష‌న్ నెం.1గా రాజ‌శేఖ‌ర్‌, సాయి కృష్ణ సంయుక్తంగా ముఖ్య గమనిక సినిమాను నిర్మిస్తున్నారు. ఈ రోజు (డిసెంబర్ 25) హైద‌రాబాద్‌‌లో ముఖ్య గమనిక ఫస్ట్ లిరికల్ సాంగ్ లాంచ్ కార్యక్రమానికి బ్లాక్ బ‌స్ట‌ర్ డైరెక్టర్ బాబీ ముఖ్య అతిథిగా హాజ‌రయ్యారు. సినిమాలోని ఫస్ట్ లిరికల్ సాంగ్ “ఆ క‌న్నుల చూపుల్లోనా..” రిలీజ్ చేశారు.
“బ‌న్నీగారిని ఎప్పుడు క‌ల‌వ‌డానికి వెళ్లినా ఇన్నోసెంట్‌గా ఒక అబ్బాయి వ‌చ్చి తీసుకెళ్లి కూర్చోబెట్ట‌డం. టీ, కాఫీల గురించి అడుగుతూ ఉండేవాడు. విరాన్ అల్లు అర్జున్ గారికి బంధువు అవుతార‌ని నాకు నిజంగా తెలీదు. త‌ను ఎప్పుడూ చెప్పేవాడు కాదు. బ‌న్నీగారి ప్రోగ్రామ్స్ చూసుకుంటూ నేను బ‌న్నీని ఎప్పుడు క‌లిసినా త‌నే ఉండేవాడు” అని డైరెక్టర్ బాబీ తెలిపాడు.
“చాలా సంవ‌త్స‌రాల తర్వాత స‌డెన్ గా ఒక పోస్ట‌ర్ చూశా.. ఇందేంటి మ‌నోడిలా ఉన్నాడే అనుకున్నా రీసెంట్‌గా క‌లిసిన‌ప్పుడు అన్న‌య్య ఇలా సినిమా తీశా. ఈవెంట్‌కి మీరు రావాలి అని అడిగాడు. అంత పెద్ద ఫ్యామిలీ బ్యాక్‌గ్రౌండ్ పెట్టుకుని వాళ్ల స‌హాయం తీసుకోకుండా కేవ‌లం వారి ఆశీస్సులు మాత్ర‌మే తీసుకుని ఇండిపెండెంట్‌గా ప్ర‌య‌త్నిస్తున్నావంటే ఇదే నీ స‌క్సెస్‌కి పెద్ద పిల్ల‌ర్ త‌మ్ముడు. ఎవ‌రైనా నిజంగా స‌పోర్ట్ లేకుండా ఇండ‌స్ట్రీకి వ‌స్తున్నారంటే నాకు నాలానే అనిపిస్త‌ది. ఏదో ఒక విధంగా మ‌నం ప‌డ్డ క‌ష్టం ప‌దిమందికి తెలియాలి అని అనుకుంటాను అందుకే పిల‌వగానే వ‌చ్చాను” అని బాబీ అన్నాడు.
“పోస్ట‌ర్ చూడ‌గానే అడిగాను కాప్ రోల్‌? అని అంత హానెస్ట్ గా హెయిర్ ట్రిమ్ చేసుకుని బాడీ ట్రాన్స్‌ఫార్మ్ చేసుకున్నాడు. ఈ సినిమాతో విరాన్ కి బంగారు భ‌విష్య‌త్ ఉండాల‌ని మ‌న‌స్పూర్తిగా కోరుకుంటున్నాను. ఇక్క‌డికి వ‌చ్చాక తెలిసింది ద‌ర్శ‌కుడు వేణు.. రాజ‌మౌళి గారి ఎన్నో సినిమాల‌కి చీఫ్ అసోసియేట్ డీఓపిగా ప‌నిచేశార‌ని. మీ విజ‌న్ ఖ‌చ్చితంగా ఆ స్థాయిలో ఉంటుంద‌ని ఆశిస్తున్నాను. సాంగ్ చూశాను. చాలా బాగుంది. టీమ్ అంద‌రికీ ఆల్ ది బెస్ట్” అని బాబీ చెప్పాడు.
టాపిక్
