Keeda Cola in OTT: ఓటీటీలోకి వచ్చేసిన కీడా కోలా.. వీళ్లు ఇప్పుడే చూసేయొచ్చు

Keeda Cola in OTT: ప్రముఖ దర్శకుడు తరుణ్ భాస్కర్ డైరెక్ట్ చేసిన కీడా కోలా మూవీ ఓటీటీలోకి వచ్చింది. నవంబర్ 3న రిలీజైన ఈ సినిమా ఆహాలో స్ట్రీమ్ అవుతోంది. నిజానికి ఆహా సబ్‌స్క్రైబర్లందరికీ శుక్రవారం (డిసెంబర్ 29) నుంచి అందుబాటులోకి రానుంది. అయితే ఆహా గోల్డ్ సబ్‌స్క్రిప్షన్ ఉన్న వాళ్లు మాత్రం ఒక రోజు ముందే అంటే గురువారం (డిసెంబర్ 28) నుంచే ఈ మూవీ చూడొచ్చు.

తరుణ్ భాస్కర్ డైరెక్షన్ కావడంతో కీడా కోలా మూవీ రిలీజ్ కు ముందే ఎంతో ఆసక్తి రేపింది. అందుకు తగినట్లే హైదరాబాద్ నగరంతోపాటు పలు ఇతర నగరాల్లో మంచి ఓపెనింగ్స్ వచ్చాయి. అయితే మూవీకి మిశ్రమ స్పందన రావడంతో బాక్సాఫీస్ దగ్గర పెద్దగా ప్రభావం చూపలేకపోయింది. ఓటీటీలో మాత్రం ఈ సినిమాకు మంచి ఆదరణ లభించే అవకాశాలు ఉన్నాయి.

కీడా కోలా ఓటీటీ హక్కులను ఆహా వీడియో దక్కించుకుంది. తరుణ్ భాస్కర్ డైరెక్ట్ చేయడంతోపాటు ఇందులో నటించాడు. అతనితోపాటు బ్రహ్మానందం, చైతన్య రామ్, రఘు, రవీంద్ర విజయ్ ముఖ్యమైన పాత్రలు పోషించారు. వివేక్ సాగర్ మ్యూజిక్ అందించాడు.

కీడా కోలా ఎలా ఉందంటే?

పెళ్లిచూపులు, ఈ న‌గ‌రానికి ఏమైంది సినిమాల్లో యువ‌త మ‌న‌స్త‌త్వాల్ని, వారి అల్ల‌రిత‌నాన్ని చూపించారు ద‌ర్శ‌కుడు త‌రుణ్ భాస్క‌ర్‌. ఆ రెండు సినిమాల‌కు భిన్నంగా క్రైమ్ క‌థాంశంతో కీడా కోలా సినిమాను తెర‌కెక్కించారు. జోన‌ర్ మార్చిన త‌న‌కు మంచి ప‌ట్టున్న కామెడీని మాత్రం వీడ‌లేదు. పేరుకు క్రైమ్ సినిమానే అయినా న‌వ్వించ‌డ‌మే మెయిన్ టార్గెట్‌గా పెట్టుకొని కీడా కోలా సినిమాను రూపొందించాడు.

కీడాకోలాకు ద‌ర్శ‌క‌త్వం వ‌హిస్తూనే నాయుడు అనే పాత్ర‌లో త‌రుణ్ భాస్క‌ర్ క‌నిపించాడు. త‌న కామెడీ టైమింగ్‌తో మెప్పించాడు. వ‌ర‌ద‌రాజుగా బ్ర‌హ్మానందం పాత్ర ఈ సినిమాకు ప్ల‌స్‌పాయింట్‌గా నిలిచింది.

వీల్ చెయిర్‌కు ప‌రిమిత‌మైన పాత్ర‌లో క‌నిపించి కామెడీని పండించాడు. చైత‌న్య‌రావు ను కొత్త‌గా చూపించాడు త‌రుణ్ భాస్క‌ర్‌. అత‌డిలోని కామెడీ కోణాన్ని ద‌ర్శ‌కుడు వాడుకున్న తీరు బాగుంది. లాయ‌ర్‌గా రాగ్‌మ‌యూర్, షాట్స్ అనే పాత్ర‌లో విష్ణు క్యారెక్ట‌ర్స్ అల‌రిస్తాయి. గెట‌ప్ శీను, జీవ‌న్ మెప్పించారు.

కీడాకోలా క‌థ‌, లాజిక్స్ గురించి ఆలోచించ‌కుండా చూస్తే రెండు గంట‌ల పాటు వినోదాన్ని పంచుతుంది.