Hi Nanna OTT Release Date: హాయ్ నాన్న ఓటీటీ రిలీజ్ డేట్.. ముందుగానే వచ్చేస్తోంది!

Hi Nanna OTT Release Date: ఈ ఏడాది నాని వయోలెంట్ గా వచ్చిన దసరా మూవీ తర్వాత సైలెంట్ గా హాయ్ నాన్నతో వచ్చి సూపర్ హిట్ అందుకున్నాడు. థియేటర్లలో సక్సెస్‌ఫుల్ రన్ తర్వాత ఇక ఇప్పుడీ మూవీ ఓటీటీ రిలీజ్ కోసం ఫ్యాన్స్ ఆసక్తిగా ఎదురు చూస్తున్నారు. అయితే ఊహించిన దాని కంటే ముందే ఈ సినిమా డిజిటల్ ప్రీమియర్ ఉండనున్నట్లు తెలుస్తోంది.

నాని హాయ్ నాన్న మూవీ జనవరి 5 నుంచే నెట్‌ఫ్లిక్స్ లో స్ట్రీమింగ్ కానున్నట్లు తాజా సమాచారం. అంటే థియేటర్లలో డిసెంబర్ 7న రిలీజైన ఈ సినిమా నెల రోజుల్లోపే ఓటీటీలోకి రాబోతోంది. నిజానికి మొదట జనవరి 19 లేదా 26న డిజిటల్ ప్రీమియర్ అయ్యే అవకాశాలు ఉన్నట్లు వార్తలు వచ్చాయి. కానీ రెండు వారాల ముందే ఆ సర్‌ప్రైజ్ ఉండనుంది.

శౌర్యువ్ డైరెక్ట్ చేసిన హాయ్ నాన్న మూవీ పాన్ ఇండియా లెవల్లో రిలీజై పాజిటివ్ టాక్ సంపాదించింది. మృణాల్ ఠాకూర్ ఈ సినిమాలో నటించింది. అబ్దుల్ వహాబ్ అందించిన మ్యూజిక్ కూడా ప్రేక్షకులను ఆకట్టుకుంది. ప్రపంచవ్యాప్తంగా రూ.73 కోట్లు, ఇండియాలో రూ.54 కోట్ల వసూళ్లు సాధించి సూపర్ హిట్ గా నిలిచింది.

హాయ్ నాన్న సమయంలోనే యానిమల్ కూడా రిలీజ్ అయింది. అయినా కూడా నాని సినిమా ఆ పోటీని తట్టుకుంటూ ఘన విజయం సాధించడం విశేషం. ఫ్యామిలీ ప్రేక్షకులు ఈ మూవీని బాగా ఆదరించారు.

విరాజ్ పాత్ర‌లో నాని అద‌ర‌గొట్టాడు. కూతురి కోసం ఆరాట‌ప‌డే తండ్రిగా…ప్రేమికుడిగా, డిఫ‌రెంట్ వేరియేష‌న్స్‌తో కూడిన పాత్ర‌లో చ‌క్క‌టి వేరియేష‌న్స్ చూపించాడు. వ‌ర్ష‌, య‌శ్న‌గా రెండు షేడ్స్‌తో సాగే పాత్ర‌లో మృణాల్ యాక్టింగ్ ఈ సినిమాకు హైలైట్‌గా నిలిచింది. సీతారామం త‌ర్వాత మ‌రోసారి త‌న యాక్టింగ్‌తో మెప్పించింది. శృతిహాస‌న్ ఓ పాట‌లో మాత్ర‌మే క‌నిపిస్తుంది. బేబీ కియారా న‌ట‌న ఆక‌ట్టుకుంటుంది. అంగ‌ద్ బేడీ, జ‌య‌రామ్ చిన్న పాత్ర‌లే అయినా త‌మ అనుభ‌వంతో మెప్పించారు.