Best Web Hosting Provider In India 2024
Game On Movie Release Date: హీరో కార్తికేయ నటించిన 90ML మూవీతో పాపులర్ అయిన బ్యూటిఫుల్ హీరోయిన్ నేహా సోలంకి. తాజాగా ఈ ముద్దుగుమ్మ నేహ సోలంకి నటించిన సినిమా గేమ్ ఆన్. ఇందులో హీరోగా గీతానంద్ చేస్తున్నాడు. కస్తూరి క్రియేష‌న్స్ అండ్ గోల్డెన్ వింగ్ ప్రొడ‌క్ష‌న్స్‌ బ్యాన‌ర్స్‌పై గేమ్ ఆన్ చిత్రాన్ని నిర్మిస్తున్నారు. గేమ్ ఆన్ చిత్రానికి దయానంద్ ద‌ర్శ‌క‌త్వం వహించగా.. రవి కస్తూరి ఈ సినిమాను నిర్మించారు.
ట్రెండింగ్ వార్తలు
గేమ్ ఆన్ సినిమా నుంచి ఇప్పటికే విడుదలైన పాటలు ఆకట్టుకున్నాయి. టీజర్‌కు మంచి రెస్పాన్స్ వచ్చింది. త్వరలో గేమ్ ఆన్ ట్రైలర్ రిలీజ్ చేయనున్నారు. ప్రస్తుతం అన్ని రకాల కార్య‌క్ర‌మాలు పూర్తి చేసుకున్న గేమ్ ఆన్ చిత్రాన్ని ఫిబ్ర‌వ‌రి 2న గ్రాండ్ గా విడుద‌ల చేస్తున్నట్లు మేకర్స్ ప్రకటించారు. దీనికి సంబంధించిన కార్యక్రమంలో హీరో హీరోయిన్లతో పాటు నిర్మాత రవి కస్తూరి, డైరెక్టర్ దయానంద్ పాల్గొన్నారు.
“గేమ్ ఆన్ చిత్రానికి ఇటీవ‌లే సెన్సార్ కార్య‌క్ర‌మాలు పూర్త‌య్యాయి. ఇప్పటికే విడుద‌ల చేసిన రెండు పాట‌ల‌కు, టీజ‌ర్ కు మంచి రెస్పాన్స్ వచ్చింది. త్వరలో మిగ‌తా పాటలు, ట్రైలర్ రిలీజ్ చేసి సినిమాను ఫిబ్ర‌వ‌రి 2న గ్రాండ్ గా విడుద‌ల చేయ‌డానికి స‌న్నాహాలు చేస్తున్నాం. ర‌థం చిత్రంతో హీరోగా మంచి పేరు తెచ్చుకున్న గీతానంద్ ఈ మూవీతో హీరోగా నెక్ట్స్ లెవ‌ల్ కు వెళ్తాడ‌న్న న‌మ్మ‌కం ఉంది. అలాగే నేహ సోలంకి తన అందంతో పాటు అభిన‌యంతో ఆక‌ట్టుకుంటుంది” అని నిర్మాత రవి కస్తూరి తెలిపారు.
“ద‌ర్శ‌కుడు దయానంద్ క‌థ చెప్పిన దానిక‌న్నా కూడా చిత్రాన్ని అద్భ‌ుతంగా తెర‌కెక్కించాడు. సినిమా అవుట్‌పుట్‌ బాగా వచ్చింది. ఈ చిత్రం కోసంమంచి స్టార్‌క్యాస్ట్‌ తీసుకున్నాం. కీలక పాత్ర పోషించిన మధుబాల గతంలో ఎన్నడూ చేయని పాత్ర ఇందులో చేశారు. న్యూఏజ్‌ కథతో రూపొందిన ఈ చిత్రం అందరికీ కనెక్ట్‌ అవుతుంది. ‘కార్తికేయ 2’తో ప్రత్యేక గుర్తింపు తెచ్చుకున్న ఆదిత్య మీనన్ ఈ సినిమాలో కూడా ఓ ఇంటెన్స్‌ క్యారెక్టర్‌లో నటించాడు” అని రవి కస్తూరి పేర్కొన్నారు.
“ప్ర‌జంట్ విభిన్నమైన క‌థ‌ల‌తో వ‌చ్చే చిత్రాల‌ను ప్రేక్ష‌కులు ఆద‌రిస్తున్నారు. ఆ కోవ‌లో వ‌స్తోన్న మా చిత్రాన్ని కూడా ఆద‌రిస్తార‌న్న న‌మ్మకంతో ఉన్నాం” అని గేమ్ ఆన్ చిత్ర నిర్మాత రవి కస్తూరి ఆశాభావం వ్యక్తం చేశారు. అనంతరం “ఈ చిత్రంలో పాత్రలన్నీ గ్రే షేడ్‌లో ఉంటాయి. ప్రతి పాత్రకు ప్రాధాన్యం ఉంటుంది” గేమ్ ఆన్ డైరెక్టర్ దయానంద్ తెలిపారు.
“తన జీవితాన్ని చాలించాలనుకునే ఓ వ్యక్తి , రియల్‌ టైమ్ సైకలాజికల్ గేమ్‌లోకి ఎలా ప్రవేశించాడు? గేమ్‌లోని టాస్క్‌ను ఎలా స్వీకరించాడు? అసలు ఆ గేమ్ ఎంచుకోబడడానికి కారణం ఏమిటి? ఈ గేమ్ ఎవరు ఆడిస్తున్నారు? అనే అంశాలతో ‘గేమ్ ఆన్’ సినిమా తెరకెక్కింది. యాక్షన్, రొమాన్స్, ఎమోష‌న్స్ ఆక‌ట్టుకుంటాయి. క‌చ్చితంగా మా సినిమా ప్రేక్ష‌కుల‌కు న్యూ ఎక్స్ పీరియ‌న్స్ ఇస్తుంద‌ని” డైరెక్టర్ దయానంద్ చెప్పుకొచ్చారు.
ఇదిలా ఉంటే గేమ్ ఆన్ సినిమాలో హీరో హీరోయిన్లు గీతానంద్, నేహా సోలంకితోపాటు సీనియర్ హీరోయిన్ మధుబాల, పాపులర్ నటుడు ఆదిత్య మీనన్, వాసంతి, కిరిటీ, శుభలేఖ సుధాకర్ తదితరులు కీలక పాత్రలు పోషించారు. సినిమాకు అభిషేక్ ఏ ఆర్ సంగీతం అందించారు.
