Best Web Hosting Provider In India 2024
Guppedantha Manasu Serial Episode 966: గుప్పెడంత మనసు సీరియల్‌లో రిషిని తీసుకొచ్చినట్లు వసుధార తండ్రి చక్రపాణికి తెలుస్తుంది. ఎలా బతికేవారు ఇలా అయ్యారు. అంతా ఆస్తి ఉండి.. కనీసం సరిగ్గా తినలేని పరిస్థితి. అల్లుడు గారు ఏమైనా మందులు వేసుకున్నారా అని చక్రపాణి అంటాడు. వాళ్లు పసరు తాగించారు. ఎలాంటి మందులు వాడలేదు అని వసుధార అంటుంది. అల్లుడు గారు చాలా బాధలో ఉన్నారు. అలా ఊరికే వదిలేయలేం. హాస్పిటల్‌కు తీసుకెళ్లాలి అని చక్రపాణి అంటాడు.
ట్రెండింగ్ వార్తలు
అప్పుడే రిషి సార్‌కు ఇలా
అవును అని వసుధార అంటుంది. జగతి మేడమ్ కాలం చేశారు. ఇంతకీ మేడమ్ కేసే సంగతి ఏమైంది. ఎవరు చేశారో ఏమైనా తెలిసిందా అని చక్రపాణి అడిగితే.. అదంతా చేసింది శైలేంద్రనే అని వసుధార చెబుతుంది. దాంతో చక్రపాణి షాక్ అవుతాడు. శైలేంద్రపై నాకు ఎప్పటి నుంచో అనుమానంగా ఉండేది. ఇప్పుడు ఆధారాలు దొరికేతే చాలు. అలా ఆధారాలు వెతికే క్రమంలోనే రిషి సార్‌కు ఇలా అయింది. సార్‌కు నిజం తెలియదు గానీ, శైలేంద్ర మీద డౌట్ వచ్చింది. నిజం తెలిసాకా ఆయనే శిక్షిస్తారు అని వసుధార అంటుంది.
రిషి సార్‌కు అమ్మంటే చాలా ప్రాణం. ఆమెను అలా చేసినవాళ్లను కచ్చితంగా వదిలిపెట్టరు అని చక్రపాణి అంటుంది. మరోవైపు జగతి కలవడం, చనిపోవడం, రిషి, వసుధారల గురించి ఆలోచిస్తూ బాధపడుతుంటాడు మహేంద్ర. ఇంతలో మహేంద్రకు వసుధార నుంచి కాల్ రావడం చూసి చాలా సంతోషిస్తాడు. ఎక్కడికి వెళ్లావ్ అమ్మా. నీకోసం ఎంతగా వెతికించానో తెలుసా అని మహేంద్ర అంటుంటే.. డాడ్ అని రిషి అంటాడు. దాంతో సంతోషంతో ఆశ్చర్యపోతాడు మహేంద్ర.
మావయ్య ఇంట్లో ఉన్నాం
నాన్న రిషి.. ఎలా ఉన్నావ్. ఇది వసుధార ఫోన్ కదా అని అడుగుతాడు మహేంద్ర. బాగున్నాను డాడ్. నేను వసుధార కలిసే ఉన్నాం అని రిషి చెబుతాడు. నీకోసం ఎంతో గాలించాం. ముకుల్ సహాయం కూడా తీసుకున్నాను అని మహేంద్ర అంటాడు. అనుపమ కూడా పలకరిస్తుంది. ఇంతకీ ఎక్కడున్నావ్ అని మహేంద్ర అడిగితే.. చక్రపాణి మావయ్య ఇంట్లో ఉన్నాం అంటాడు. దాంతో వస్తున్నామని చెబితే.. ఎవరికీ చెప్పకుండా రండి అని రిషి అంటాడు.
రిషి దగ్గరికి వస్తారు మహేంద్ర, అనుపమ. ఏంటీ నాన్న ఈ దెబ్బలు. ఎలా జరిగింది అని మహేంద్ర అడుగుతాడు. రిషి సార్ సరిగా నిలబడలేకపోతున్నారు. కూర్చోలేకపోతున్నారు అని వసుధార చెబుతుంది. బ్యాక్ బోన్ కు దెబ్బ తగిలినట్లు ఉందని రిషి అంటాడు. రిషి సార్‌పై అటాక్ జరిగినప్పుడు లోయలో పడిపోయారట. అప్పుడే దెబ్బ తగిలినట్లు ఉందని వసుధార అంటుంది. స్పైనల్ సర్జన్‌ దగ్గరికి వెళ్దాం ఇలా టైమ్ వేస్ట్ చేయడం ఎందుకు అని అనుపమ అంటుంది.
రౌడీలు వెంటపడ్డారు
నేను ఎక్కడికి రాలేను. ఓపిక లేదు అని రిషి అంటాడు. అదేంటీ నాన్నా అంతలా ఇబ్బందిపడుతున్నావ్ అని మహేంద్ర అంటే.. మేము ఇందాకే వచ్చాం మావయ్య అని వసుధార అంటుంది. అసలు ఏమైంది, రిషి గురించి నీకు ఎలా తెలిసింది అని మహేంద్ర అడుగుతాడు. నేను కాలేజీలో ఉన్నప్పుడు రిషి సార్ నుంచి కాల్ వచ్చింది. తర్వాత వెళ్లి కలిస్తే రౌడీలు వెంటపడ్డారు. వాళ్లను కొట్టి సార్‌ను కలిశాను. అప్పుడు మళ్లీ ఆ రౌడీలు వచ్చారు. అప్పుడు రిషి సార్ ముకుల్‌కు కాల్ చేస్తే వచ్చి కాపాడారు అని జరిగిదంతా చెబుతుంది వసుధార.
ఇంత జరుగుతుంటే మాకు చెప్పాలనిపించలేదా అని మహేంద్ర అంటాడు. నా కంటే నేను రిషి సార్ గురించే ఆలోచిస్తాను అని వసుధార అంటుంది. సరే మన ఇంటికి వెళ్దాం అని మహేంద్ర అంటే.. మావయ్య ఇప్పుడున్న పరిస్థితుల్లో ఇక్కడే ఉండటం మంచిది. చెప్పాను కదా చాలా అటాక్స్ జరిగాయని అని వసుధార అంటుంది. వాడు అటాక్స్ చేస్తుంటే చూస్తూ కూర్చుంటామా. ఈసారి రానీ ఒక్కొక్కరిని షూట్ చేసి పడేస్తాను అని మహేంద్ర కోపంతో రగిలిపోతాడు.
తినలేదు కదా
మహేంద్ర.. ఇప్పుడు ఆవేషపడే సమయం కాదు. రిషి గురించి ఆలోచించాల్సిన సమయం. రిషికి కూడా బాలేదు. వసుధార చెప్పింది నిజమే. ఇక్కడ ఉండటమే సేఫ్ అని అనుపమ కన్విన్స్ చేస్తుంది. దాంతో సరేనని మహేంద్ర అంటాడు. కాసేపటికి రాత్రి రిషికి బ్రెడ్ తీసుకొస్తుంది వసుధార. నువ్ కూడా సరిగా తినలేదు కదా అని రిషి అంటాడు. సరే 50 50 అని రిషికి ముందు బ్రెడ్ తినిపిస్తుంది వసుధార. ఇంతలో మహేంద్ర కూడా యాపిల్స్ కట్ చేసి తీసుకొస్తాడు.
ఏంటీ డాడ్ మీరు కూడా లేచారా అని రిషి అడుగుతాడు. అసలు నిద్రపడితే కదా. ఇన్నాళ్లు నువ్ ఏమైపోయావో అని బాధపడ్డాను. ఇప్పుడు నువ్ వచ్చావన్న ఆనందంతో, ఎగ్జయిట్ మెంటో నిద్ర పట్టట్లేదు. మొత్తానికి సాధించావమ్మ వసుధార. నువ్ ఒక్కదానివే వెళ్లడం కరెక్ట్ అని ఇప్పుడు అనిపిస్తుంది. నేను వస్తే ఆ ఎమోషన్‌లో ఏం చేసేవాన్నో. ఏం అనర్థాలు జరిగేవో అని మహేంద్ర అంటాడు. సారీ మావయ్య మిమ్మల్ని బాధపెట్టాను అని వసుధార అంటుంది.
నీ ఊపిరి నువ్వే పోసుకున్నావ్
అలాంటిది ఏం లేదు. మొత్తానికి నీ ఊపిరి నువ్వే పోసుకున్నావ్. రిషిని కాపాడుకున్నావ్. సరే యాపిల్స్ తినేసి పడుకోండి అని చెప్పి మహేంద్ర వెళ్లిపోతాడు. రిషికి వసుధార బ్రెడ్, యాపిల్స్ తినిపిస్తుంటుంది. ఇంతటితో గుప్పెడంత మనసు నేటి ఎపిసోడ్ ముగుస్తుంది.
