AP 108 104 Strike Notice : ఏపీలో మరో సమ్మె సైరన్- 108, 104 సిబ్బంది స్ట్రైక్ నోటీసులు

AP 108 104 Strike Notice : ఏపీలో ఎన్నికల ముందు సమ్మెల పర్వం కొనసాగుతోంది. ఇప్పటికే అంగన్వాడీలు, పారిశుద్ధ్య కార్మికులు వేతనాల పెంపు కోసం సమ్మె చేస్తున్నారు. తాజాగా 108, 104, తల్లీబిడ్డ ఎక్స్ ప్రెస్ లో పనిచేస్తున్న 7 వేల మంది సిబ్బంది ప్రభుత్వానికి సమ్మె నోటీసులు ఇచ్చారు. ఈనెల 22లోపు తమ సమస్యలు పరిష్కరించాలని డిమాండ్‌ చేశారు. ప్రభుత్వం నుంచి స్పందన రాకపోతే ఈ నెల 23 నుంచి సమ్మె చేస్తామని నోటీసుల్లో పేర్కొన్నారు. సమ్మె నోటీసులను ఆరోగ్యశ్రీ సీఈవో, వైద్యశాఖ ప్రత్యేక కార్యదర్శికి అందించారు. అయితే ఈ నెల 22వ తేదీ వరకు వివిధ మార్గాల్లో తమ నిరసన తెలియజేస్తామన్నారు.