విశ్వసనీయతకు అర్థం వైయ‌స్ జగనే

అమ‌రావ‌తి: విశ్వసనీయతకు అర్థం తానే అని  ముఖ్య‌మంత్రి వైయ‌స్ జ‌గ‌న్ మోహ‌న్ రెడ్డి ఉద్ఘాటించారు. వైయస్‌ఆర్‌ కాంగ్రెస్‌ పార్టీ చేయగలిగిందే చెబుతుంది..చెప్పింది ఏదైనా కూడా వంద‌శాతం కచ్చితంగా మాట మీద నిలబడుతుందని పేర్కొన్నారు. తమ ప్రభుత్వ హయాంలో తీసుకొచ్చిన పథకాలు, ప్రజలకు చేకూరిన లబ్ధిని  అసెంబ్లీ వేదిక‌గా సీఎం వైయ‌స్ జ‌గ‌న్‌ వివరించారు. కేంద్రం కంటే రెట్టింపు స్థాయిలో చంద్రబాబు అప్పులు తెచ్చాడు అని ఫైర్‌ అయ్యారు. కానీ, ఎక్కువ అప్పులు చేశామని మన మీద అబద్ధాల ప్రచారం చేస్తున్నారని.. మన హయాంలో కేంద్ర ప్రభుత్వం 6.5 శాతం అప్పులు చేస్తే.. రాష్ట్ర ప్రభుత్వం అప్పులు 5.2 శాతం మాత్రమే చేసింది.. ఏ రకంగా చూసినా గత ప్రభుత్వానికి, మనకూ ఎంత వ్యత్యాసముందో చెప్పేందుకు ఈ సమాచారం సరిపోతుందన్నారు. ఆంధ్రప్రదేశ్‌ రాష్ట్ర విభజన నాటికి రూ.లక్షా 53 వేల కోట్ల అప్పు ఉంటే.. చంద్రబాబు దిగిపోయే నాటికి రూ.4.12 లక్షల కోట్లకు చేరిందన్నారు. 2019 మే నెల నాటికి 4,12,288 కోట్ల రూపాయల అప్పులు ఏపీకి ఉన్నాయని.. రూ.4.12 లక్షల కోట్ల అప్పుతో ప్రయాణం ప్రారంభించాం. ఇప్పుడది ఏడు లక్షల కోట్ల పై చిలుకుగా ఉందన్నారు.. మన హయాంలో ఆర్థిక సంఘం సిఫారసుల కంటే రూ. 366 కోట్లు తక్కువగా అప్పులు తీసుకున్నామని గుర్తుచేశారు.. గ్యారెంటీలతో కలిపి వివిధ సంస్థలు చేసిన అప్పులు.. గ్యారెంటీల్లేని అప్పులను కూడా పరిగణలోకి తీసుకుంటే విభజన నాటికి.. రాష్ట్ర ప్రభుత్వం అప్పు 132000 కోట్లుగా ఉందన్నారు. గ్యారెంటీల్లేని ప్రభుత్వ అప్పులు కూడా కలుపుకుంటే మొత్తం అప్పు రూ. 1,53,000 కోట్లు అన్నారు.. మొత్తంగా చంద్రబాబు హయాంలో అప్పులు పెరగింది 21.87 ఏడాదికైతే… మన హయాంలో ఇది కోవిడ్‌ వల్ల ఆదాయాలు తగ్గినప్పటికీ.. ఖర్చులు పెరిగినప్పటికీ.. బటన్‌లు నొక్కినప్పటికీ కూడా.. చంద్రబాబు హయాయంలో ఉన్న 21. 87 శాతం అప్పుల పెరుగుదల రేటు ఉంటే మన హయాంలో మాత్రం అది 12.13 శాతం మాత్రమే ఉందని..అప్పుల పెరుగుదల 12 శాతానికి పరిమితం చేశామని సీఎం వెల్లడించారు.. కానీ, మనపై తప్పుడు ప్రచారం చేస్తున్నారంటూ అసెంబ్లీ వేదికగా వివ‌రించారు.

సీఎం వైయ‌స్ జ‌గ‌న్ ఏమ‌న్నారంటే..

• ఏప్రిల్, మే, జూన్‌ మాసాలకు సంబంధించిన బడ్జెట్‌కు ఆమోదం తెలుపుతూ సమావేశాలు నిర్వహిస్తున్నాం. ఇదే బడ్జెట్‌కు మెరుగులు దిద్ది మళ్లీ కొలువుదీరబోయే మనందరి ప్రభుత్వం 2024 జూన్‌లో ఇదే సభలో పూర్తిస్థాయి బడ్జెట్‌ను సమర్పిస్తుందని చెబుతూ..గవర్నర్‌ ప్రసంగానికి ధన్యవాదాలు తెలిపే తీర్మానంపై చర్చలో సీఎం వైయస్‌ జగ న్‌ మాట్లాడారు.
• ఈ చర్చలో ఐదు ప్రజా బడ్జెట్లు ప్రవేశపెట్టిన ప్రభుత్వంపై ప్రతిపక్షం వేస్తున్న నిందలు, ఆ నిందలకు సంబంధించి వాస్తవాలు ఏంటీ అన్నది జవాబు చెబుతూ నిందలను ఎండగడుతూ రాష్ట్ర ప్రజలకు సమాధానం చెబుతున్నాను. 
• రాష్ట్ర ఆర్థిక వ్యవస్థకు సంబంధించి ఐదేళ్లలో మనం ఎదుర్కున్న సవాళ్లను గమనిస్తే..మనం ఒక జఠిలమైన పరిస్థితిలో అధికారంలోకి వచ్చాం. రాష్ట్ర ఆదాయాలు తగ్గడం, అనుకోకుండా ఖర్చులు పెరగడం, కోవిడ్‌ కష్టాల కారణంగా దేశంలో ఇటువంటి పరిస్థితులు ఎప్పుడూ లేవు. రాష్ట్ర ఆదాయం ఏటేటా పెరుగుతుంది కానీ ఈ ఐదేళ్లలో విచిత్రమైన పరిస్థితులు చూశాం. కోవిడ్‌ మహమ్మారి కారణంగా అనుకోని ఖర్చులు వచ్చాయి.
• ఈ ఐదేళ్లలో అనుహ్యమైన పరిస్థితులు చూశాం. రాష్ట్రానికి హక్కుగా కేంద్రం వసూలు చేసిన ట్యాక్స్‌ల్లో మన రాష్ట్ర వాటాను గమనిస్తే బాగా తగ్గాయి. కేంద్రం నుంచి రావాల్సిన నిధులు తగ్గాయి.
• రాష్ట్రానికి అత్యంత కీలకమైన వ్యవసాయం, విద్య, మహిళా సాధికారత వంటి రంగాల్లో గత ప్రభుత్వ విధానాల కారణంగా తీవ్రస్థాయిలో పడింది. ఇటువంటి పరిస్థితుల్లో ప్రయాణం చేస్తూ రాష్ట్రాన్ని నడిపించాల్సి వచ్చింది. 
• రాష్ట్ర విభజన తరువాత ఇప్పటికీ కూడా మనం ఎదుర్కొంటున్న ఇబ్బందులు ఉన్నాయి. రెవెన్యూ రేటు ఇబ్బందులు ఉన్నాయి. వీటిని అధిగమిస్తూ గొప్ప పాలన చేశాం.
•  ఈ నాలుగు అంశాలను గమనిస్తే కోవిడ్‌కు సంబంధించి ప్రపంచంతో పాటు మనం కూడా ఆర్థిక సవాళ్లు ఎదుర్కోవాల్సి వచ్చింది. రాష్ట్ర ఆదాయాలు దాదాపుగా రూ.66 వేల కోట్లు మనం కోల్పోవాల్సి వచ్చింది. 
• 2015–2019లో రాష్ట్రంలో స్టేట్‌ ట్యాక్స్‌ రెవెన్యూ13.29 శాతం పెరిగింది. అదే శాతం గ్రో™Œ రేట్‌తో అడుగులు పడి ఉంటే మనకు రూ.2.24,603 కోట్లు రావాల్సి ఉండేది. కానీ రాష్ట్రానికి వచ్చింది కేవలం రూ.1,15,552 కోట్లు మాత్రమే వచ్చింది. కేంద్రంలో 
• కంపౌండ్‌ అన్యువల్‌ గ్రోత్‌ రేట్‌ 12.76 శాతం ఉండటంతో అనుకున్న మేర కేంద్రం మనకు ఇవ్వలేకపోయింది. ఈ రకంగా కూడా మనం నష్టపోవాల్సి వచ్చింది.ఈ రెండు అంశాలతో మన రాష్ట్రం నష్టపోయింది.
• కోల్పోయిన ఆదాయం సొంత పన్నుల రాబడి ద్వారా రావాల్సి ఉంది. కేంద్ర పన్నుల రాబడిలో వాటా కూడా ఉంది. ఆదాయం కోల్పోవడం, ఖర్చుల భారం పెరగడం అన్ని కూడా  ఒకదానితో ఒకటి లింక్‌ అయి ప్రపంచంలో ఆర్థిక వ్యవస్థలో కుదుపు వచ్చింది. దేశమే కాదు..ఇతర దేశాలు కూడా అప్పులు పెరగడంతో ఆర్థిక వ్యవస్థను కుదిపేసింది. 
• కేంద్ర ప్రభుత్వానికి సంబంధించిన గణాంకాలు గమనిస్తే..20213–2014లో వాళ్లకు సంబం«ధించిన జీడీపీ రేషియో 50 శాతం ఉంటే, వారు అనుసరించిన విధానాల వల్ల 2018 నాటికి డెట్‌ జీడీపీ రేషియోను తగ్గించగలిగారు. 48 శాతానికి తగ్గించారు. కోవిడ్‌ వచ్చినప్పటి నుంచి ఇది 61 శాతానికి పెరిగింది. ఇవాళ 57 శాతం ఉంది.
• కేంద్ర ప్రభుత్వం రాష్ట్రానికి ఇచ్చే పన్నుల వాటా గమనిస్తే..2015–2019 మధ్యలో గమనిస్తే..కేంద్ర ఆర్థిక సంఘం సిఫార్స్‌ రాష్ట్రాలకు 42 శాతం కేంద్ర పన్నుల వాటా కింద ఇవ్వాలని సిఫార్సు చేస్తే..కేంద్ర ప్రభుత్వం రాష్ట్రాలకు ఆ పిరియడ్‌లో 35 శాతం మాత్రమే ఇచ్చింది. చంద్రబాబుకు ఆ మాత్రమన్న లబ్ధి కలిగింది. కేంద్రం రాను రాను సెస్‌లు, సర్‌చార్జ్‌ల పేరుతో వాటాను తగ్గించారు.  మన పిరియడ్‌లు 15వ ఆర్థిక సంఘం సిఫార్సు ప్రకారం 31 శాతం మాత్రమే ఇచ్చారు. 
•  కేంద్ర ప్రభుత్వం నుంచి రాష్ట్రానికి ఆర్థిక సంఘం సిఫార్సుల ప్రకారం రావాల్సి పన్నుల వాటా గత ఐదేళ్లలో ఒక్కసారి గమనిస్తే జీఎస్‌డీపీ 2018–2019లో 32 వేలు కోట్లు వస్తే..2019–2020లో ప్రతి ఏటా ఆదాయం పెరుగుతుంది కానీ 28 వేల కోట్లుకు తగ్గింది. 2022– 2023లో అది రూ.24 వేల కోట్లుకు పడిపోయింది. ఇప్పుడిప్పుడే కాస్త కుదుటపడుతోంది. 
• జీఎస్‌డీపీ అప్పట్లో 3.7 శాతం మనకు వచ్చే పరిస్థితి నుంచి 2019–2023 మధ్యలో రాష్ట్ర స్థూల ఉత్పత్తి 2.92 శాతానికి పడిపోయింది. అంటే మనకు రావాల్సినది కూడా పడిపోయింది.
• రాష్ట్రానికి అత్యంత కీలకమైన విద్య, వ్యవసాయం, మహిళా సాధికారత వంటి కీలక రంగాలు గత ప్రభుత్వ విధానాల వల్ల కుదేలయ్యాయి. విద్యరంగంలో కేంద్ర ప్రభుత్వం విడుదల చేసిన గణంకాల ప్రకారం 2018 మార్చిన విడుదల చేసిన నివేదికను గమనిస్తే జీఈఆర్‌ రేషియో జాతీయ స్థాయిలో  96.91 శాతం ఉంటే మన రాష్ట్రంలో 83.29 శాతం ఉంది. ఈ డేటా చూస్తే అమ్మ ఒడి ఎంత అవసరమో అందరికీ అర్థమవుతుంది. ప్రైమరీ స్కూళ్లలో విద్యార్థుల ఎన్‌రోల్‌లో గతంలో చివరి మూడో స్థానంలో ఉండేది. దాన్ని ఏ స్థాయిలో తీసుకొచ్చామో ఈ గణంకాలు చూస్తే అర్థమవుతుంది.
• రైతులను చంద్రబాబు గతంలో మోసం చేసి అధికారంలోకి వచ్చాడు. రూ.87 వేల కోట్ల రుణాలు మాఫీ చేస్తామని దగా చేశారు. చంద్రబాబు రుణమాఫీపై మొదటి సంతకం అన్నారు. ఐదేళ్లలో కేవలం రూ.15 వేల కోట్లు కూడా ఇవ్వలేకపోయారు. రైతుల జీవితాలు అగమ్యగోచరంగా తయారయ్యాయి. మనం వచ్చాక రైతు భరోసా అందించి రైతులను తోడుగా నిలిచాం.
• పొదుపు సంఘాల పరిస్థితి కూడా ఇలాగే ఉంది. డ్వాక్రా రుణాలు మాఫీ చేస్తామని చంద్రబాబు మోసం చేశాడు. సున్నా వడ్డీ పథకాన్ని రద్దు చేస్తానని దగా చేశాడు. దీంతో ఏ,బీ గ్రేడ్‌ సంఘాలు దిగజారిపోయాయి. ఈ పరిస్థితుల్లో మనం అధికారంలోకి వచ్చి పొదుపు సంఘాలకు జీవం పోశాం. 
• రాష్ట్ర విభజన తరువాత ఇప్పటికీ కూడా మనల్ని రెవెన్యూ లోటు వెంటాడుతోంది. దీని మూలాలను గమనిస్తే ..60 ఏళ్లుగా మనం కలిసికట్టుగా ఉమ్మడిగా హైదరాబాద్‌ను నిర్మించుకున్నాం. ఇది ఎకనామిక్‌ పవర్‌ పాయింట్‌. ప్రతి రాష్ట్రానికి ఒక ఎకనామిక్‌ పవర్‌ హౌస్‌ ఉండాలి. ఇలాంటి పవర్‌ హౌసులు లేకుంటే రాష్ట్రానికి రావాల్సిన ఆదాయాలు ఎప్పటికీ పెరగవు.
• విభజన కారణంగా స్థూల ఉత్పత్తి పరంగా ఉమ్మడి రాష్ట్రంలో జీఎస్‌డీపీ రూ.17,31,148 కోట్లు 2018–2019లో ఉంటే 50 శాతం మనకు తెలంగాణకు కనిపిస్తుంది. ఈ 50 శాతం జీఎస్‌డీపీ 58 శాతం జనాభాకు, మరో 50 శాతం 42 శాతం జనాభాకు వచ్చింది. రాష్ట్రం ప్రతి ఏటా రూ.13 వేల కోట్లు నష్టపోతోంది.
• ఏపీ జనాభా 5.14 కోట్లు, తెలంగాణలో 3.60 కోట్లు ఉంది. రాష్ట్ర విభజన కారణంగా తలసరి ఆదాయం తగ్గిపోయింది. తెలంగాణలో 2.36 లక్షలు ఉంటే..మన ఆదాయం 1.69 లక్షలు మాత్రమే కనిపిస్తుంది.
• రాష్ట్రానికి పన్నుల రూపంలో వచ్చే ఆదాయం గమనిస్తే..2018–2019లో ఏపీలో 58 శాతం జనాభాకు రూ.58 వేల కోట్లు, తెలంగాణకు 42 శాతం జనాభాకు 65 వేల కోట్లు. తక్కువ జనాభాకు ఎక్కువ ఆదాయం..ఎక్కువ జనాభాకు తక్కువ ఆదాయం. 
• ట్యాక్స్‌ బాయోన్సీ అన్నది వెరీ వెరీ ఇంపార్టెంట్‌. పెద్ద పెద్ద సిటీల్లో ట్యాక్స్‌ రెవెన్యూ ఎక్కువగా ఉంటుంది. అందుకే నేను విశాఖ అని గట్టిగా చెబుతాను.
• జాతీయ స్థాయిలో జీడీపీ గమనిస్తే వ్యవసాయ రంగం నుంచి 18 శాతం ఉంటే..తెలంగాణలో 17 శాతం ఉంది. మన రాష్ట్రంలో 34 శాతం వ్యవసాయ రంగం నుంచి జీడీపీ ఉంది. మనది రైతులతో కూడిన ఎకానమీ. దీని వల్ల ఎబులిటీ టూ జనరేట్‌ ట్యాక్స్‌ రెవెన్యూ తగ్గుతుంది. ఇటువంటి చోట హైదరాబాద్‌ వంటి నగరం లేకపోవడం ఇంకా దారుణం. రాష్ట్ర ప్రభుత్వం విభజన వల్ల ఏటా రూ.13 వేల కోట్లు ఆదాయాల పరంగా నష్టపోతున్నాం. ఈ పదేళ్లలో 1.35 లక్షల కోట్లు నష్టపోయాం. అన్యాయంగా మన వద్ద నుంచి ఈ వెసులుబాటు తీసేశారు. రాష్ట్రాన్ని విడగొట్టే సమయంలో చట్టంలోనైనా ప్రత్యేక హోదా ఇస్తామని రాసి ఉంటే మనం కోర్టుకు వెళ్లి తెచ్చుకునేవాళ్లం. రాష్ట్రాన్ని అడ్డగోలుగా విడగొట్టారు. చట్టంలో చేర్చకపోవడంతో మన ఖర్మ కొద్ది ప్రత్యేక హోదా ఎండమావిగా మారిపోయింది. కేంద్రంలో అధికారంలోకి వచ్చే పార్టీకి పూర్తి మెజారిటీ లేకపోతే కనీసం మన సపోర్టు కోరుకునే వారిని మనం డిమాండు చేసేవాళ్లం. 
• ఇన్ని ఇబ్బందులు, సవాళ్ల మధ్య మన ఆర్థిక వ్యవస్థను 56 నెలలుగా మనం నడుపుతూ ముందడుగులు వేస్తున్నాం. ఏరకమైన సవాళ్లు మనం ఎదుర్కున్నాం..ఏరకంగా అడుగులు వేశామని గమనిస్తే..ఇన్ని సమస్యలు మనకు ఉన్నా..మన ఈ 56 నెలల ప్రయాణంలో నేను గర్వంగా చెబుతున్నాను. ఎక్కడా కూడా అవినీతి లేకుండా వ్యవస్థను ప్రక్షాళన చేశాం. మన ప్రభుత్వం రాకముందు ప్రభుత్వం నుంచి వచ్చే ప్రతి రూపాయి ఎలాంటి కరప్షన్‌ లేకుండా ప్రజలకు చేరగలిగేది కాదు. ఈ రోజు బటన్‌ నొక్కడం నేరుగా నా అక్కచెల్లెమ్మల ఖాతాల్లోకి డబ్బులు పంపించడం..ఎక్కడ లంచాలు, వివక్ష లేదు. ఏకంగా రూ.2.55 లక్షలు డీబీటీ ద్వారా అందించాం. నాన్‌ డిబీటీ స్కీమ్స్‌ గమనిస్తే..రూ.1.07 లక్షల కోట్లు ఇచ్చాం. 
• మన ప్రభుత్వానికి శత్రువులు ఎక్కువగా ఉన్నారు. ఒకే అబద్దాన్ని ఎల్లోమీడియా చెప్పిందే చెబుతూ గోల చేస్తోంది. ఇలాంటి పరిస్థితిలో మరో ఆరోపణ చేశారు. మన ప్రభుత్వంలో సంక్షేమ పథకాలే ఎక్కువ..క్యాపిటల్‌ ఇన్వెస్ట్‌మెంట్‌ తక్కువ అని ఆరోపణలు చేస్తున్నారు. జగన్‌ బటన్‌ నొక్కుతున్నారని ఆరోపిస్తున్నారు. ఇదంతా శుద్ధ అబద్ధమే. క్యాపిటల్‌ ఇన్వెస్ట్‌మెంట్‌ చంద్రబాబు హయాంలో యావరేజ్‌ కింద రూ.15,227 కోట్లు ఖర్చు చేస్తే..మన ప్రభుత్వం 57 నెలల కాలంలో ఏటా సగటున రూ.17,757 కోట్లు ఖర్చు చేశాం. నాడు–నేడు, స్కూళ్లు, ఆసుపత్రులు ఇలాంటి వాటితో పాటు అదనంగా మూడు పోర్టులు నిర్మిస్తున్నాం. ఇందుకు మరో రూ.12 వేల కోట్ల పెరుగుదల కనిపిస్తుంది.
• అబద్ధాల బ్యాచ్‌ చేసే మరో ఆరోపణ..రాష్ట్ర ప్రభుత్వం విపరీతంగా అప్పులు చేసిందని ఆరోపిస్తుంటారు. నోటికి హద్దుపద్దు లేకుండా ఇష్టానుసారంగా అబద్ధాలు చెబుతున్నారు. రాష్ట్ర ప్రభుత్వం నేరుగా చేసిన అప్పులు, గ్యారంటీతో వివిధ సంస్థలు చేసిన అప్పులు, గ్యారంటీలు లేకుండా చేసిన అప్పులు గమనిస్తే..విభజన నాటికి రూ.1.18,054 కోట్లు, మొత్తంగా రూ.1.32 లక్షల కోట్లు ఉంటే..రాష్ట్ర విభజన నాటికి రూ.1.53 లక్షల కోట్లు అప్పు ఉంటే..చంద్రబాబు దిగిపోయే నాటికి మొత్తంగా గమనిస్తే రూ.4,12,288 కోట్లు అప్పులు చేసి దిగిపోయాడు. మనం రూ. 4,12,288 కోట్లు నుంచి ప్రయాణం మొదలుపెడితే ఇప్పుడు రూ.7.03 లక్షల కోట్లకు అప్పు చే రింది. టోటల్‌ గ్రోత్‌రేట్‌ చంద్రబాబు 21.78 శాతం ఉంటే ..మన హయాంలో కేవలం 12.13 శాతమే పెరుగుదల కనిపిస్తుంది. చంద్రబాబు సమయంలో బటన్లు లేవు, స్కీమ్‌లు లేవు. అప్పుడు ఉన్నది దోచుకో..పంచుకో..తినుకో ఉండేది. మన హయాంలో కోవిడ్‌ మహమ్మారి వల్ల ఆదాయం తగ్గినా కూడా అదనపు ఖర్చు పెరిగినా కూడా ఎవరూ ఊహించని వి«ధంగా బటన్‌ నొక్కే కార్యక్రమం మనం తీసుకువచ్చినప్పటీకీ, ఇన్ని లక్షల కోట్లు పారదర్శకంగా డీబీటీ ద్వారా అందించినా, ఎక్కడ అవినీతి లేకుండా ప్రతి ఖాతాలో జమ చేసినా కూడా మన హయాంలో 12.13 శాతం మాత్రమే అప్పుగ్రోత్‌ రేట్‌ ఉంది. 
• మరో విషయం ఏంటంటే రాష్ట్ర ప్రభుత్వం గత ఐదేళ్లలో కేంద్ర ఆర్థిక సంఘం సూచించిన పరిమితి మించి అప్పులు చేస్తున్నారని కౌరవ సైన్యం మాట్లాడుతోంది. చంద్రబాబు హయాంలో 2014–2019 మధ్యలో పరిమితికి మించి రూ.28,457 కోట్లు అప్పులు చేశారు. చంద్రబాబు ప్రతి సంవత్సరం మించి అప్పులు చేశారు. మన హయాంలో ఐదేళ్లలో రూ.366 కోట్లు సిపార్సుల కన్నా తక్కువగా అప్పులు చేశాం. ఇది వాస్తవం అయితే ఇష్టం వచ్చినట్లు అబద్ధాలు చెబుతున్నారు.
• టీడీపీ హయాంలో ఐదేళ్లలో జీఎస్‌డీపీ గమనిస్తే..7.5 శాతం అప్పుల పర్సెంటేజ్‌. కేంద్రం అదే ఐదేళ్లలో 3.6 శాతం ఉండేది. మనహయాంలో కేంద్రం అప్పుల పరిస్థితి 6.5 శాతం ఉంటే మనం అప్పు చేసింది 5.6 శాతం మాత్రమే. ఏ రకంగా చూసినా కూడా అప్పుల పరంగానీ, ప్రభుత్వ పరంగా గానీ, ఏపరంగా చూసినా గత ప్రభుత్వానికి, మన ప్రభుత్వానికి చాలా తేడా ఉంది గర్వంగా చెబుతున్నాను. ఎవరూ ఊహించని విధంగా పరిపాలన చేశాను. చంద్రబాబుకు అంత ఎక్స్‌పీరియన్స్‌ ఎందుకు ఉందని చెబుతున్నాడో అర్థం కావడం లేదు. మాకు ఎలాంటి ఎక్స్‌పీరియన్స్‌ లేకపోయినా ఉన్నతంగా పరిపాలన అందించాం.
• మన ప్రభుత్వం రూ.2.90 లక్షల కోట్లు అప్పు చేస్తే..ఒకడు రూ.13 లక్షల కోట్లు అంటాడు, మరొకడు రూ.10 లక్షల కోట్లు అంటారు. 14 ఏళ్ల సీఎం తాను చేసింది ఏంటటే..ఏ ఒక్క కుటుంబానికి కూడా మంచి చేయలేదు. నేను ఈ మధ్య కాలంలోనే రెండు బహిరంగ సభల్లో ప్రతి ఇంటికి వెళ్లి బ్యాంకు ఖాతాల వివరాలు గమనించాలని కోరమని చెబుతున్నాను. చంద్రబాబు ఐదేళ్ల పాలనలో ఒక్క రూపాయి అయినా బ్యాంకు ఖాతాలో ఎంత వేశారో చూడమని చెబుతున్నాను.
• అదే రాష్ట్రం, అదే బడ్జెట్‌..మారిందల్లా ఒక్క ముఖ్యమంత్రి మాత్రమే మార్పు. అప్పుల గ్రోత్‌ రేట్‌ కూడా అప్పటికంటే ఇప్పుడు తక్కువగా ఉంటే..ఎందుకు చంద్రబాబు హయాంలో మనకన్నా ఎక్కువ అప్పులు చేసి కూడా బ్యాంకు ఖాతాల్లో డబ్బులు వేయలేకపోయాడో ప్రతి ఒక్కరూ ఆలోచన చేయాలి. ఆ డబ్బులు కూడా ఎవరి జేబుల్లోకి వెళ్లాయో ఆలోచన చేయాలి. మా హయాంలో ప్రతి రూపాయికి లెక్క ఉంది. బ్యాంకు ఖాఖాల వివరాలు ఇస్తాం. ఎవరికి ఎంత  ఇచ్చామో మేం చెప్పగలం..చంద్రబాబు తన దత్తపుత్రుడికి, ఎల్లోమీడియాకు ఎంత ఇచ్చాడో కూడా చెప్పాలి.
• మనం చేయని అప్పులు చేసినట్లుగా, చంద్రబాబు తాను చేయని అభివృద్ధిని చేసినట్లు మాట్లాడటం నిజంగా ఎంత మటుకు ధర్మమని అడుగుతున్నాను. అంతటి ప్రతికూల పరిస్థితిలో కూడా ఎంతో చిత్తశుద్ధి, పట్టుదలతో ఎంతో నిబద్ధతతో రాష్ట్రంలోని రైతన్నలకు, విద్యార్థులకు, మహిళలకు, సామాజిక వర్గాల సంక్షేమం కోసం ఏరకంగా అడుగులు వేశామో ఈ ఐదేళ్ల మన పరిపాలన ఓ రికార్డుగా గర్వంగా చెబుతున్నాను. ఇవన్నీ కూడా నిజాలు అయ్యాయి. కేంద్రం నుంచి ఆశించినంత నిధులు రాకపోవడం, బాబు చేసిన  వల్లమాలిన అప్పులకు సంబంధించిన వడ్డీ, అసలు చెల్లిస్తూ..కోవిడ్‌ కారణంగా ఆదాయం  తగ్గినా కూడా సంక్షేమాన్ని ఎగురగొట్టేందుకు ఏ కారణం చూపించలేదు. ఎన్ని ఇబ్బందులు ఉన్నా కూడా ప్రతి పేదవాడి ముఖంలో చిరునవ్వులు చూడాలన్నదే ఈ ప్రభుత్వం అడుగులు ముందుకు వేసిందని చెప్పడానికి గర్వంగా చెబుతున్నాను. ఇచ్చిన హామీలను ఏకంగా 99 శాతం అమలు చేసి మేనిఫెస్టోను ప్రతి ఇంటికి తీసుకెళ్లి ప్రజల ఆశీస్సులు  అందుకుంటున్న ప్రభుత్వం మనది మాత్రమే అని గర్వంగా చెబుతున్నాను. 
• ఇంటింటీ ఆర్థిక వ్యవస్థను మనం మార్చగలిగాం. పేద కుటుంబాలకు వీలైనంత అండగా నిలబడగలిగాం. పేదలకు అందించే ప్రతి రూపాయను వారి తలరాతను మార్చేవిధంగా, వారి పిల్లలు పేదరికం నుంచి బయటకు వచ్చే విధంగా ప్రతి రూపాయి కూడా బాధ్యతతో వారికి ఇస్తు వ్యూమన్‌ క్యాపిటల్‌ను పెట్టుబడిగా పెడుతూ అడుగులు వేస్తున్నాం. 
• ప్రతి ఒక్కరూ ఆలోచన చేయమని కోరుతున్నాను. ఏ ప్రభుత్వమైనా కూడా ఐదేళ్లలో ప్రజలకు చెడు చేసిందని గానీ, మంచి చేయలేదని గానీ, మేనిఫెస్టోలో ఇచ్చిన వాగ్ధానాలు అమలు చేయలేదని ప్రతిపక్షం నమ్మితే అలాంటి పరిస్థితిలో అధికార పార్టీని ఎదుర్కోనేందుకు ప్రతిపక్ష పార్టీలన్నీ ఏకం కావాల్సిన అవసరం ఏముంది?. జాతీయ పార్టీతో కూడా ప్రత్యక్షంగా ఒకరితోనూ, పరోక్షంగా మరొక్కరితోను అవగాహన కుదుర్చుకొని కుట్రలతో పరువు దక్కించుకోవాల్సిన పరిస్థితి ఈ రోజు మన ప్రతిపక్షం ఉందంటే దాని అర్థం ఏంటో ప్రతి ఒక్కరూ ఆలోచన చేయాలి. ఇటువైపు నేను ఒక్కడినే ఉన్నాను. ప్రతిపక్షం రాష్ట్రంలో బలపడలేదు. అభివృద్ధి చేసిన పార్టీకి తిరుగు లేదు. దీని అర్థం ఇదే. అందుకనే రాష్ట్రంలో ఇవన్నీ జరుగుతున్నాయి. 
• ప్రజల్లో వారు లేరు కాబట్టి ప్రతిపక్షం పొత్తులు, కుట్రలను ఆశ్రయించింది. వీటితో పాటు అబద్ధాలను, మోసాలను కూడా ప్రతిపక్షం ఆశ్రయించడం అన్నికంటే దారుణం. 
• చంద్రబాబు వయసు 75 ఏళ్లు..ఆయన రాజకీయాల్లోకి వచ్చి 40 ఏళ్లు అవుతుంది. చంద్రబాబు మొదటిసారి సీఎం అయి దాదాపు 30 ఏళ్లు అవుతుంది. మూడు సార్లు సీఎం అయ్యారు. ఇన్నేళ్ల తరువాత కూడా ఇంకా ఫలానిది చేశాను కాబట్టి నాకు ఓటు వేయమని అడిగే దమ్ము లేదు. నాకు మరోసారి అవకాశం ఇస్తే ఇది చేస్తా..అది చేస్తా అంటున్నాడు. ఈ విషయాన్ని ప్రతి ఒక్కరూ ఆలోచన చేయాలి. ఇన్నేళ్ల తరువాత కూడా చంద్రబాబు పేరు చెబితే గుర్తుకు వచ్చే ఒక్క పథకమైనా ఉందా? ఆయన పేరు చెబితే ఈ రోజుకు గుర్తుకు వచ్చేది వెన్నుపోటు. ఎన్టీఆర్, ప్రజలను వెన్నుపోటు పొడిచింది ఎవరు అంటే గుర్తుకు వచ్చేది చంద్రబాబు పేరు. ప్రతి కుటుంబంలోనూ ఈ చర్చ జరగాలి. చంద్రబాబు ప్రతి సామాజిక వర్గాన్ని మోసం చేశారు. మేనిఫెస్టోలో వందల హామీలు ఇస్తారు..ఎన్నికల తరువాత ఆ మేనిఫెస్టోను చెత్తబుట్టలో వేస్తాడు.ఏ గ్రామంలోనైనా చంద్రబాబు హయాంలో ఫలానిది చేశానని చెప్పేందుకు ఒక్క బిల్డింగ్‌ కనిపించదు. స్కూళ్లన్నీ నిర్వీర్యం చేశాడు. మరోసారి అలాంటి అబద్ధాలు,మోసాలతో మేనిఫెస్టోతో ముందుకు వస్తున్నారు. కొత్త ఎరలతో ఈ పెద్ద మనిషి బయలుదేరాడు. ఈ మనిషిని నమ్మితే పులి కథ గుర్తుకు వస్తుంది. భావ దారిద్య్రం ఎందుకన్నది చంద్రబాబు సిద్ధాంతం. నమ్మినవాడు మునుగుతాడు..నమ్మించిన వాడు దోచుకోగలుగుతాడు ..ఇది చంద్రబాబు సిద్ధాంతం. ఈ సిద్ధాంతం ప్రకారమే చంద్రబాబు ఏం చేస్తున్నాడంటే..ఇటీవల ఎన్నికలు జరిగిన రాష్ట్రాలను తీసుకున్నాడు. ఆ పార్టీలు ఏ వాగ్ధానాలు చేశారు అన్నది చంద్రబాబు తీసుకున్నారు. వేరే రాష్ట్రాల్లో ఆ పార్టీలు చెప్పినవి బాగున్నాయని చంద్రబాబు మెంటల్‌గా ఫ్రిఫెర్‌ అయి అలాంటి వాగ్ధానాలతో మన రాష్ట్ర ప్రజలను మోసం చేసేందుకు చంద్రబాబు ఈ మధ్య కొత్త కొత్త వాగ్ధానాలు చేస్తున్నారు. అరడజన్‌ వాగ్ధానాలు తీసుకువచ్చారు. హైదరాబాద్‌లో కూర్చొని అరడజన్‌ వాగ్ధానాలను కిచిడి చేసి మేనిఫెస్టో రూపంలో తీసుకువచ్చాడు. ఈ కిచిడి వండి నిజంగా అమలు చేస్తామా? లేదా అన్న ఆలోచన లేదు. ఏది చెబితే ప్రజలను ఈజీగా నమ్మించగలమని అనే దిక్కుమాలిన ఆలోచనతో అడుగులు వేస్తున్నారు. 
• అంతకు ముందు పేదలకు సంక్షేమ పథకాలు జగన్‌ ఎక్కువగా ఇచ్చేస్తున్నాడని, ఇలా ఇవ్వడం సరికాదని, సంక్షేమ పథకాల వల్ల అభివృద్ధి ఆగిపోతుందని, రాష్ట్రం శ్రీలంక అవుతుందని ఇదే చంద్రబాబు, ఇదే ఈనాడు, ఆదే ఆంధ్రజ్యోతి రాతలు రాసింది. ఎన్నికలు వచ్చేసరికి జగన్‌ ఇంతేనా ఇచ్చేది..నేను ఇంకా ఎక్కువ ఇస్తానని చెబుతున్నాడు. వీళ్లకు నిజంగా చిత్తశుద్ధి, నిబద్ధత ఉంది..ప్రతి ఒక్కరూ ఆలోచన చేయాలి.
• వీళ్లు ప్రజలకు మంచి చేసేందుకు అధికారంలోకి రావడం లేదు. ప్రజలను మోసం చేసేందుకు, వీళ్లు దోచుకొని పంచుకునేందుకు అధికారం కావాలి.  చంద్రబాబు ఇచ్చిన ఏ మేనిఫెస్టోను చూసినా ఇవే మోసాలు కనిపిస్తాయి. 2014 మేనిఫెస్టో అందరికీ గుర్తుంటుంది. 650 వాగ్ధానాలతో మేనిఫెస్టో ఇచ్చి అందులో 10 శాతం కూడా అమలు చేయకుండా వెబ్‌సైట్‌ నుంచి మేనిఫెస్టోను తీసేశారు. ఇలాంటి వ్యక్తిని 2024లో నమ్మడం కరెక్టేనా? అన్నది ప్రతి ఒక్కరూ ఆలోచన చేయాలి.
• ఎలాగు ప్రజలు అధికారం ఇవ్వరన్న నమ్మకంతో బాబు మార్కు గ్యాబ్లింగ్‌ మొదలుపెట్టారు. 6 వాగ్ధానాలను తాను ఈ మధ్య కాలంలో చెప్పాడు. వీటికి అదనంగా చాలా వస్తాయని చెబుతున్నాడు. ప్రతి ఒక్కరూ ఆలోచన చేయమని కోరుతున్నాను.
• మన పార్టీ ఈ ఐదేళ్లలో డీబీటీ ద్వారా నేరుగాఅక్కచెల్లెమ్మల ఖాతాల్లో డబ్బులు జమ చేశాను. డీబీటీ, నాన్‌డీబీటీ ద్వారా రాష్ట్ర ప్రభుత్వం రూ.3,62,716 కోట్లు ఖర్చు చేసింది. ఏటా రూ.72 వేల కోట్లు ఖర్చు చేశాం. ఏ ప్రభుత్వమైనా రాని కొన్ని పథకాలు రద్దు చేయలేరు. ఇవాళ 66.34 లక్షల మందికి పింఛన్లు ఇస్తున్నాం. దీనికి ఏడాదికి రూ.36 వేల కోట్లు అవుతుంది. ఉచిత విద్యుత్‌కు రూ.11 వేల కోట్లు ఖర్చు అవుతుంది. సబ్సిడీ కింద బియ్యం రూ.4600 కోట్లు ఖర్చు చేస్తున్నాం. ఆరోగ్యశ్రీ, ఆరోగ్య ఆసరా, 104, 108కు రూ.4400 కోట్లు ఖర్చు చేస్తున్నాం. ఫీజు రీయింబర్స్‌మెంట్‌ రూ.2800 కోట్లు ఖర్చు చేస్తున్నాం. సంపూర్ణ పోషణ, గోరుముద్దా ఇలా 8 పథకాలకు రూ.53 వేల కోట్లు ప్రతి ఏటా ఖర్చు అవుతుంది. ఎవరూ కూడా వీటిని రద్దు చేయలేరు. చంద్రబాబు చెప్పిన ఈ 6 హామీలు అదనంగా చేరిస్తే..మహాశక్తి పథకానికి రూ.36 వేల కోట్లు, తల్లికి వందనం పథకానికి రూ.12,400 కోట్లు, యువగళం పథకానికి 7,200 కోట్లు,  దీపం పథకానికి రూ.4,634 కోట్లు, అన్నదాత పథకానికి రూ,10,706 కోట్లు ఖర్చు చేస్తామని చంద్రబాబు ఓ కరపత్రాన్ని పంచుతున్నాడు. అంతా కలిపి రూ.73 వేల కోట్లు, కచ్చితంగా అమలు చేయాల్సిన 8 పథకాలకు రూ.53 వేల కోట్లు కలిపితే రూ.1.24 లక్షల కోట్లు ఏటా ఖర్చు చేయాల్సి వస్తుంది. మన ప్రభుత్వం ఏటా రూ.70 వేల కోట్లు ఖర్చు చేసేందుకు ఎన్నో ఇబ్బందులు పడుతుంటే..చంద్రబాబు రూ.1.24 లక్షల కోట్లు ఖర్చు చేస్తానని చెబుతున్నారు. ఇంకా ఎన్నో పథకాలు ఉన్నాయని చంద్రబాబు అంటున్నాడు. మోసం చేసేందుకు దుర్భుద్ధితో ప్రజలను దగా చేయడం చంద్రబాబుకు ధర్మమేనా? ఈ మాదిరిగా రంగురంగుల మేనిఫెస్టో తీసుకువస్తున్నారు. ప్రతి ఇంట్లో చర్చ జరగాలి.
• రూ.70 వేలకే శ్రీలంక అవుతుందని అంటున్నారే..రూ.1.24 లక్షల కోట్లు ఎలా ఖర్చు చేస్తారని ప్రశ్నిస్తే..చంద్రబాబు సంపద సృష్టిస్తారని ఎల్లోమీడియాలో డప్పు కొడుతున్నారు. ఆయన సంపద సృష్టించే వ్యక్తి అయితే ఇప్పటికే 3సార్లు ముఖ్యమంత్రిగా పని చేసిన చంద్రబాబు ఏ మేరకు సంపద సృష్టించాడో  గమనించాలి.
• చంద్రబాబు ట్రాక్‌ రికార్డు గమనిస్తే..చంద్రబాబు సీఎం కాకమునుపు రెవెన్యూ సర్‌ఫ్లస్‌గా ఉండేది. చంద్రబాబు సీఎం అయ్యాక ఏ సంవత్సరం చూసినా కూడా రాష్ట్రంలో రెవెన్యూ డిప్‌సిట్‌ కనిపిస్తోంది. వైయస్‌ రాజశేఖరరెడ్డి హయాంలో రెవెన్యూ సర్‌ఫ్లస్‌గా ఉంది. చంద్రబాబు ప్రజలకు ఏ స్కీమ్‌ కూడా అమలు చేయలేదు. ఎక్కడ ఆయన సంపద సృష్టించాడో ప్రజలు ఆలోచన చేయాలి.
• చంద్రబాబు విజనరీ అయితే..చంద్రబాబు పాలనలో రాష్ట్రం మెరుగుపడి ఉంటే దేశం జీడీపీలో మన జీఎస్‌డీపీ వాటా ఎంత? అని గమనిస్తే..2014–2019లో రాష్ట్రం దేశానికి పన్నుల రూపంలో 4.47 శాతం ఇస్తే..మన హయాంలో ఈ ఐదేళ్లలో 4.82 శాతం కేంద్రానికి ఇచ్చాం. దీని బట్టి ఎవరు సంపద సృష్టించారంటే..మనమే అని క్లియర్‌గా కనిపిస్తుంది. అది కూడా కోవిడ్‌ రెండేళ్లు ఉన్నా..ఆదాయం తగ్గినా, ఖర్చులు పెరిగినా కూడా, ఇన్ని పథకాలు అమలు చేసినా ఈ స్థాయిలో జీఎస్‌డీపీ కేంద్రానికి ఇచ్చాం.
• మనసు లేని నాయకుడు, మోసం చేసే నాయకుడు కేవలం వాగ్ధానాలు మాత్రమే చేస్తాడు. మనసున్న ప్రభుత్వం, మాట ఇస్తే అమలు చేసే ప్రభుత్వం నిజాలు చెబుతుంది. ఇది ఆయనకు, మనకు ఉన్నా తేడా..
• చంద్రబాబుకు వాగ్ధానాలు అమలు చేసే ఉద్దేశం లేదు. అమలు చేసిన చరిత్ర అంత కన్నా లేదు. చంద్రబాబు మేనిఫెస్టో ఏ ఒక్కరైనా నమ్మడం అంటే బంగారు కడియం ఇస్తానన్న పులిని నమ్మినట్లే.
• రాష్ట్ర ప్రజలకు కూడా వినమ్రంగా తెలియజేస్తున్నాను. 2014లో చంద్రబాబు కూటమికి, వైయస్‌ఆర్‌సీపీకి వచ్చిన ఓటు శాతం గమనిస్తే మనకు 45 శాతం ఓట్లు వస్తే..మనకంటే దాదాపుగా 1 శాతం ఓట్లు అధికంగా పొంది చంద్రబాబు అధికారంలోకి వచ్చారు.  మనకు చంద్రబాబుకు తేడా ఒక్క శాతమే. 
• ఎన్నికలకు ముందు మనం కూడా రూ.87 వేల కోట్లు రైతుల రుణాలు మాఫీ చేద్దామని చాలా మంది అన్నారు. అందరూ నా శ్రేయోభిలాషులే అన్నారు. అయితే నేను అన్నాను..చేయలేనిది చెప్పకూడదు..మాట ఇస్తే తప్పకూడదని ఆ రోజు చెప్పాను. ఆ ఒక్క రోజు నేను అధర్మం చేయని కారణంగా ఒక్క శాతం ఓటు తేడాతో ఐదేళ్లు ప్రతిపక్షంలో కూర్చున్నాను. ఒక్క అబద్ధం చెప్పి ఉంటే ఆ రోజు జగన్‌ ముఖ్యమంత్రి స్థానంలో కూర్చునేవాడిని. ఐదేళ్లు ప్రతిపక్షంలో కూర్చున్నాను. ఈ రోజు కూడా నాకు రిగ్రేట్‌ లేదు. నేను వెనక్కి వెళ్లి మళ్లీ అబద్ధం చెప్పను. నా నోట్లో నుంచి అబద్ధాలు రావు. నేను ఆ రోజు చేసిన పని వల్ల అధికారంలోకి రాకపోవచ్చు కానీ ప్రజల్లో విశ్వసనీయత అన్న పదానికి అర్థం జగనే అని ప్రజలు నమ్మారు. ఈ రోజు గర్వంగా చెబుతున్నాను. ఈ ఐదేళ్లలో చెప్పిన మేనిఫెస్టోలో 99 శాతం హామీలు అమలు చేశాను. ప్రతి ఇంటికి మేనిఫెస్టోను తీసుకెళ్లి ప్రజల ఆశీస్సులు కోరుతున్నాం. ఇదీ మనకు చంద్రబాబుకు ఉన్న తేడా..రకరకాలుగా చంద్రబాబు మోసాలు చేశారు కాబట్టే కేవలం 23 స్థానాల్లో ప్రతిపక్షంలో కూర్చోబెట్టారు. మాట మీద నిలబడ్డాం కాబట్టే..డే వన్‌ నుంచి నిబద్ధత చూపించాం కాబట్టే 151 స్థానాలు ఇవ్వడమే కాక, ఆ తరువాత జరిగిన ప్రతి ఎన్నికల్లో ప్రజలు తమ గుండెల్లో పెట్టుకుని వైయస్‌ఆర్‌సీపీని గెలిపించారు. విశ్వసనీయత అన్నది ఎప్పటికైనా గెలుస్తుంది. ఫలాని వ్యక్తి నమ్మకస్తుడు అని సంపాదించుకోవాలంటే కొంత మందికి సంవత్సరాలు పడుతుంది. అవకాశం రాకపోవచ్చు. దేవుడి దయ వల్ల ఆ పేరు వైయస్‌ఆర్‌ కాంగ్రెస్‌పార్టీ సంపాదించుకోగలిగిందని నేను గర్వంగా చెబుతున్నాను. ఈ రోజు కూడా చెబుతున్నాను..వైయస్‌ఆర్‌ కాంగ్రెస్‌ పార్టీ చేయగలిగిందే చెబుతుంది..చెప్పింది ఏదైనా కూడా కచ్చితంగా మాట మీద నిలబడుతుందని వంద శాతం చెబుతున్నాను. ప్రతి ఇంట్లో కూడా ఈ చర్చ జరగాలని కోరుకుంటూ..దేవుడి దయతో, ప్రజలందరి చల్లని దీవెనలతో మళ్లీ మూడు నెలలకు ఇదే చట్టసభలో పూర్తిస్థాయి బడ్జెట్‌ ప్రవేశపెట్టి అఖండ మెజారిటీతో ప్రజల మన్ననలు పొందుతానని సీఎం వైయస్‌ జగన్‌ మోహన్‌ రెడ్డి తన ప్రసంగాన్ని ముగించారు.
•