Single Screen Theatres: సినీ ల‌వ‌ర్స్‌కు షాక్‌ – తెలంగాణ‌లో ప‌ది రోజుల పాటు సింగిల్ స్క్రీన్ థియేట‌ర్లు మూత – కార‌ణం ఇదే

Single Screen Theatres: సినీ ల‌వ‌ర్స్‌కు సింగిల్ స్క్రీన్ థియేట‌ర్ల యాజ‌మ‌న్యాలు ఊహించ‌ని షాక్ ఇచ్చాయి. ప‌ది రోజుల పాటు తెలంగాణ వ్యాప్తంగా సింగిల్ స్క్రీన్ థియేట‌ర్లు మూత ప‌డ‌నున్నాయి. గ‌త కొన్నాళ్లుగా తెలుగులో భారీ బ‌డ్జెట్ సినిమాలు ఏవి రిలీజ్ కావ‌డం లేదు. మ‌రోవైపు ఐపీఎల్‌, ఎలెక్ష‌న్స్ ఎఫెక్ట్ కార‌ణంగా థియేట‌ర్ల‌కు వ‌చ్చే ప్రేక్ష‌కుల సంఖ్య భారీగా త‌గ్గింది. సింగిల్ స్క్రీన్ థియేట‌ర్ల రెవెన్యూ భారీగా త‌గ్గిన‌ట్లు స‌మాచారం.

నిర్వ‌హ‌ణ వ్య‌యాలు కూడా రావ‌డం లేద‌ని స‌మాచారం. ఐపీఎల్‌ పూర్త‌య్యి…ప‌రిస్థితులు మొత్తం సాధార‌ణ స్థితి చేరుకునే వ‌ర‌కు ప‌ది రోజుల పాటు సింగిల్ స్క్రీన్ థియేట‌ర్ల‌ను మూసివేయాల‌ని తెలంగాణ థియేట‌ర్స్ ఓన‌ర్స్ అసోసియేష‌న్ నిర్ణ‌యించిన‌ట్లు స‌మాచారం.బుధ‌వారం ఇందుకు సంబంధించిన అధికారిక ప్ర‌క‌ట‌న‌ను వెల్ల‌డించ‌బోతున్న‌ట్లు తెలిసింది.