Best Web Hosting Provider In India 2024
కాకినాడ: ఈనాడు దినపత్రిక కాదు.. చంద్రబాబు కరపత్రిక అని పట్టాభి ఉదంతంతో పూర్తిగా తేటతెల్లం అయ్యిందని వైయస్‌ఆర్‌ కాంగ్రెస్‌ పార్టీ ఎమ్మెల్యే, మాజీ మంత్రి కురసాల కన్నబాబు అన్నారు. పట్టాభి అనే వ్యక్తి జాతీయ నేతలా ఎల్లో మీడియా జాకీలు వేసి లేపుతోందని, ఇవి ఎల్లో మీడియా రోజులు కాదు.. సోషల్‌ మీడియా రోజులు అన్నారు. పట్టాభిని కొట్టారంటూ ఈనాడు పత్రిక పేజీలకు పేజీలు అబద్ధపు కథనాలు, ఫొటోలతో వండివార్చిందని, ఆ ఫొటోలు 2021 నాటివి అని వైయస్‌ఆర్‌ సీపీ సోషల్‌ మీడియా ప్రశ్నించడంతో సవరణ మాత్రం ఎవరికీ కనిపించని రీతిలో సింగిల్‌ కాలమ్‌లో వేసిందన్నారు. ఎల్లో మీడియా అని ముద్దుగా పిలుచుకునే ఈనాడు, ఆంధ్రజ్యోతి, టీవీ5, అనుబంధ సంస్థలు వేస్తున్న వార్తలు, చేస్తున్న ప్రచారం, ప్రసారం చూస్తుంటే ఇంకా దిగజారిపోవడానికి వారికి మెట్లు ఏమీ లేవు అని నిరూపించుకుందన్నారు. కాకినాడలోని క్యాంపు కార్యాలయంలో కురసాల కన్నబాబు విలేకరుల సమావేశం నిర్వహించారు.
