Best Web Hosting Provider In India 2024
Indian 2 Box Office Collection: డైరెక్టర్ ఎస్ శంకర్ క్రేజియోస్ట్ మూవీ అయిన భారతీయుడు 2కి రెండో రోజు వసూళ్లు దారుణంగా పడిపోయాయి. ట్రేడ్ గణాంకాల ప్రకారం ఈ చిత్రం ఇప్పటివరకు రూ. 42 కోట్లకు పైగా వసూలు చేసింది. అయితే, కమల్ హాసన్ కథానాయకుడిగా నటించిన భారతీయుడు 2కి 2వ రోజున రూ. 18.2 కోట్ల కలెక్షన్స్ వచ్చాయి.
తక్కువగా రెండో రోజు కలెక్షన్స్
ఆ 18.2 కోట్లల్లో తమిళనాడు నుంచి 13.7 కోట్లు, హిందీ నుంచి 1.3 కోట్లు, తెలుగు నుంచి రూ. 3.2 కోట్ల కలెక్షన్స్ ఉన్నాయి. అయితే, దీనికంటే ఎక్కువగా ఇండియన్ 2 ఫస్ట్ డే కలెక్షన్స్ ఎక్కువగా ఉన్నాయి. భారతీయుడు 2కి ఓపెనింగ్ డే రోజున రూ. 25.6 కోట్ల నెట్ ఇండియా కలెక్షన్స్ వచ్చాయి. అంటే తొలి రోజు కంటే రెండో రోజు ఇండియన్ 2కు వసూళ్లు పడిపోయాయి.
భాషల వారీగా వసూళ్లు
తొలి రోజున భారతీయుడు 2 సినిమాకు తమిళం నుంచి రూ.16.5 కోట్లు వసూలు చేయగా.. హిందీ నుంచి రూ.1.2 కోట్లు, తెలుగు నుంచి రూ.7.9 కోట్లు వచ్చాయి. ఇక భారతదేశంలో ఇండియిన్ 2 సినిమాకు 2 రోజుల్లో వచ్చిన కలెక్షన్స్ రూ. 43.8 కోట్లు. వీటిలో తమిళం నుంచి రూ. 30.2 కోట్లు, హిందీ నుంచి రూ. 2.5 కోట్లు, తెలుగు నుంచి రూ. 11.1 కోట్లుగా ఉన్నాయి.
వరల్డ్ వైడ్‌గా కలెక్షన్స్
ఇక ఇండియన్ 2 సినిమాకు ప్రపంచవ్యాప్తంగా రెండు రోజుల్లో రూ. 56.25 కోట్ల షేర్, రూ. 80 కోట్ల గ్రాస్ కలెక్షన్స్ వచ్చినట్లు ట్రేడ్ వర్గాలు చెబుతున్నాయి. కాగా భారతీయుడు 2 సినిమాకు తెలుగు రాష్ట్రాల్లో రూ. 24 కోట్ల బిజినెస్ కాగా రూ. 25 కోట్ల బ్రేక్ ఈవెన్ టార్గెట్ ఫిక్స్ అయింది. తెలుగులో హీట్ కావాలంటే 25 కోట్లు దాటాల్సిందే. అయితే ప్రస్తుతం సినిమాకు ఉన్న నెగెటివ్ టాక్ పరంగా అన్ని కోట్లు రావడం అంటే కష్టమే అని తెలుస్తోంది.
హిట్ కొట్టాలంటే
అలాగే వరల్డ్ వైడ్‌గా ఇండియన్ 2 సినిమాకు రూ. 170 కోట్ల ప్రీ రిలీజ్ బిజినెస్ కాగా రూ. 172 కోట్లుగా బ్రేక్ ఈవెన్ టార్గెట్ ఫిక్స్ అయింది. ఇంకా ఈ సినిమాకు 120 కోట్ల వరకు కలెక్షన్స్ వస్తేనే హిట్ టాక్ తెచ్చుకునే అవకాశం ఉంది.
భారతీయుడుకు సీక్వెల్‌గా
ఇదిలా ఉంటే, ఇండియన్ 2 సినిమాలో సముద్రఖని, బాబీ సింహా, కాజల్ అగర్వాల్, సిద్ధార్థ్, రకుల్ ప్రీత్ సింగ్, ప్రియా భవానీ శంకర్ నటించారు. 1996లో విడుదలైన భారతీయుడు చిత్రానికి సీక్వెల్‌గా ఇండియన్ 2ను తెరకెక్కించాడు డైరెక్టర్ శంకర్. ఇందులో కమల్ హసన్ వీరశేఖర సేనాపతిగా నటించారు.
