Best Web Hosting Provider In India 2024
విశాఖ: పారిశ్రామిక సదస్సు విజయవంతం కాకూడదని, రాష్ట్రానికి పరిశ్రమలు రాకూడదు అనే కుట్రతో ఈనాడు రామోజీరావు పిచ్చి వార్తలు, చెత్త వార్తలు ప్రచురిస్తున్నారని, దిగజారుడు రాతలతో ఏపీ బ్రాండ్‌ ఇమేజ్‌ని దెబ్బతీయాలని చూస్తున్నారని రాష్ట్ర పరిశ్రమలు, ఐటీ శాఖ మంత్రి గుడివాడ అమర్‌నాథ్‌ ధ్వజమెత్తారు. ఈనాడు పత్రికలో ‘ఈ పత్రిక సమాజమానికి హానికరం, మేము రాసే వార్తలు సమాజానికి, రాష్ట్రానికి హానికరం’ అని ఓ పక్క రాసుకోండి అని చురకలంటించారు. తప్పుడు కథనాలతో ప్రజల్లో గందరగోళం సృష్టిస్తున్న ఈనాడు పత్రికను మీడియా సమావేశంలోనే మంత్రి గుడివాడ అమర్‌ చించివేశారు. ఈనాడును టిష్యూ పేపర్‌ కింద వాడుకోవాల్సిన పరిస్థితి ఏర్పడిందన్నారు. ఈనాడు రామోజీరావు వ్యాపారాలన్నీ విశాఖలో స్టార్ట్‌ చేసి.. ఈరోజు విశాఖపైనే విషం కక్కుతున్నాడని మండిపడ్డారు.
