Education in US : అమెరికాలో చదువుకు రెడీ అవుతున్నారా? ఈ 5 విషయాల్లో ఒక్కటి మిస్​ అయినా కష్టమే..

అమెరికాలో చదువు కోసం రెడీ అవుతున్నారా? అయితే ఇది మీకోసమే! అమెరికాలో చదువుకు, వీసా అప్లికేషన్​కి ముందు కొన్ని విషయాలను అంతర్జాతీయ స్టూడెంట్స్​ కచ్చితంగా తెలుసుకోవాలి. లేకపోతే ఇబ్బందులు ఎదురవుతాయి. ఈ నేపథ్యంలో అమెరికా స్టూడెంట్​ వీసా కోసం మిస్​ అవ్వకూడని విషయాలను ఇక్కడ తెలుసుకోండి..

యూఎస్​ స్టూడెంట్​ వీసా ప్రాసెస్​..

మీరు ఈ సంవత్సరం లేదా తరువాత స్టూడెంట్ వీసాపై యూఎస్ఎకు వెళ్లాలనుకుంటే, మీరు ముందుగా విశ్వవిద్యాలయం / కళాశాలలో ప్రవేశం పొందాలి. అడ్మిషన్ పొందిన తర్వాత అమెరికాలో ప్రవేశించాలంటే స్టూడెంట్ వీసాకు అప్లై చేయాలి. అమెరికాలో చదువుకోవడానికి ఇచ్చే స్టూడెంట్ వీసాను ‘ఎఫ్ 1 వీసా’గా పిలుస్తారు. ఇది విశ్వవిద్యాలయం, కళాశాల- హైస్కూల్, ప్రైవేట్ ఎలిమెంటరీ స్కూల్, భాషా కార్యక్రమంతో సంబంధం ఉన్న విద్యా సంస్థల్లో చదవుకోవడానికి చాలా అవసరం.

లాంగ్వేజ్ ట్రైనింగ్ ప్రోగ్రామ్ కాకుండా ఒకేషనల్ లేదా ఇతర గుర్తింపు పొందిన నాన్ అకాడమిక్ ఇన్​స్టిట్యూషన్​లో చేరితే ఎం వీసాపై కూడా అమెరికా వెళ్లవచ్చని గుర్తుపెట్టుకోవాలి.

ట్యూషన్ ఫీజు సహా ఏడాది పాటు జీవన ఖర్చులకు సమానమైన నిధుల రుజువును చూపించడం తప్పనిసరి. ఇవి కాలేజీకి కాలేజీకి, నగరానికి-నగరానికి మారుతుంటాయి.

అమెరికాలో చదువుకోవడానికి స్టూడెంట్ వీసా గురించి మరిన్ని విషాయనలు ఇక్కడ తెలుసుకోండి..

ఈ విషయాలను మిస్​ అవ్వకూడదు..

1. 30 రోజుల కంటే ఎక్కువ: ఎఫ్1 వీసాపై ఉన్న విద్యార్థులు కోర్సు ప్రారంభానికి 365 రోజుల ముందు వరకు వీసా పొందవచ్చు. అయితే వారు తమ ప్రోగ్రామ్ ప్రారంభ తేదీకి 30 రోజుల ముందు మాత్రమే అమెరికాలో ప్రవేశించడానికి అనుమతి ఉంటుంది.

మీ ప్రారంభ తేదీకి 30 రోజుల ముందు ప్రవేశించాలనుకుంటే, విజిటర్ వీసా కోసం విడిగా దరఖాస్తు చేసి అర్హత పొందాలి.

2. అప్లికేషన్ ఫీజు: 185 డాలర్ల అప్లికేషన్ ఫీజు ఉంటుంది. ఇది రీఫండ్ కాదు. వీసా ఇంటర్వ్యూకు ముందు చెల్లించాల్సి ఉంటుంది.

3. వీసా ఇంటర్వ్యూ : ఇంటర్వ్యూ సమయంలో, మీరు ఈ పత్రాలను తీసుకెళ్లాలి: పాస్​పోర్ట్, నాన్-ఇమ్మిగ్రెంట్ వీసా దరఖాస్తు (ఫారం డిఎస్ -160), అప్లికేషన్ ఫీజు చెల్లింపు రసీదు, నాన్-ఇమ్మిగ్రెంట్ (ఎఫ్ -1) స్టూడెంట్ స్టేటస్ -అకడమిక్, లాంగ్వేజ్ విద్యార్థులకు ఫారం 1-20.

4. నిధుల రుజువు: ట్యూషన్ ఫీజుతో పాటు ఏడాది పాటు జీవన ఖర్చులకు సమానమైన నిధుల రుజువును చూపించాలి. బ్యాంక్ స్టేట్మెంట్, బ్యాంకు నుంచి రుణ అంగీకారం, స్పాన్సర్ నుంచి స్పాన్సర్షిప్ లెటర్, స్కాలర్షిప్ లెటర్ లేదా ఒకటి కంటే ఎక్కువ కలయిక ద్వారా దీన్ని చూపించవచ్చు.

5. అదనపు డాక్యుమెంట్లు: మీ యూఎస్ పాఠశాలకు అవసరమైన ట్రాన్స్క్రిప్ట్స్, డిగ్రీలు, ప్రామాణిక పరీక్ష స్కోర్లు వంటి మీ అకడమిక్ ప్రిపరేషన్ వంటివి వీసా ఇంటర్వ్యూ సమయంలో అవసరమైన అదనపు డాక్యుమెంట్లు అని గుర్తుపెట్టుకోవాలి.

యూఎస్​ స్టూడెంట్​ వీసాకు దరఖాస్తు చేసుకునే ముందే వీటిని జాగ్రత్త పెట్టుకోవడం ఉత్తమం. చివరి నిమిషంలో హడావుడి పడి, ఒత్తిడికి గురవ్వకుండా ఉంటుంది.