Best Web Hosting Provider In India 2024
కోల్కతా వైద్యురాలి రేప్, హత్య నేపథ్యంలో ఐఎంఏ (ఇండియన్ మెడికల్అసోసియేషన్) నిర్వహించిన అధ్యయనం, సర్వేలో పలు కీలక విషయాలు బయటకు వచ్చాయి. నేట్ షిఫ్ట్స్లో భద్రత కరువైందని ప్రతి మూడింట ఒక డాక్టర్ అభిప్రాయపడ్డారు. వీరిలో మహిళలే అధికంగా ఉన్నారు. పరిస్థితి ఎంత దారుణంగా ఉందంటే, సొంత భద్రత కోసం ఆయుధాలు తీసుకెళ్లాల్సి వస్తుందేమో అని సర్వేలో పాల్గొన్న చాలా మంది వెల్లడించారు.
ఐఎంఏ సర్వేలో కీలక విషయాలు..
దేశవ్యాప్తంగా 22 రాష్ట్రాల్లోని 3,885 మందిపై ఈ సర్వే జరిగింది. ఇందులో పాల్గొన్న వారిలో చాలా మంది మహిళలే ఉన్నారు. సర్వేలో పాల్గొన్న వారిలో 85శాతం మంది 35ఏళ్ల వయస్సులోపు ఉన్నారు. 61శాతం మంది ఇంటర్న్స్ లేదా పీజీ ట్రైనీలు. మొత్తం మీద 63శాతం మంది మహిళలు ఈ సర్వేలో పాల్గొన్నారు. ఐఎంఏ కేరళ ఛైర్మన్ డా. రంజీవ్ జయదేవన్, ఆయన టీమ్ ఈ సర్వేని కంపైల్ చేసింది. ఐఎంఏ కేరళ మెడికల్ జర్నల్ అక్టోబర్ 2024 అడిషన్లో ఇది పబ్లీష్ కానుంది.
“24.1శాతం మంది సేఫ్టీ లేదని అభిప్రాయపడ్డారు. 11.4శాతం మంది సేఫ్టీ విషయంపై అత్యంత ఆందోళన వ్యక్తం చేశారు. అంటే మూడింట ఒక వంతు మంది ఇలా అన్నారు. సేఫ్గా లేమని ఫీల్ అవుతున్న వారిలో మహిళలే అధికం,” అని సర్వే పేర్కొంది.
సేఫ్గా లేమని ఇంటర్న్లు, పోస్ట్గ్రాడ్జ్యుయేట్ చేస్తున్న 20-30 ఏళ్ల మధ్య డాక్టర్లే అధికంగా భయపడుతున్నారు. నైట్ షిఫ్ట్స్లో డ్యూటీ రూమ్ అందుబాటులో లేదని 45శాతం మంది తెలిపారు. డ్యూటీ రూమ్కి యాక్సెస్ లభిస్తున్న వారు మాత్రం, తమ భద్రతపై సానుకూలంగానే ఉన్నారు.
హాస్పిటల్స్లో రద్దీ కారణంగా డ్యూటీ రూమ్స్ దొరకడం లేదని, ఫలితంగా వైద్యులు ప్రత్యామ్నాయాలు వెత్తుకోవాల్సి వస్తోందని సర్వేలో తేలింది. మూండిట ఒక వంతు డ్యూటీ రూమ్స్కి అటాచ్డ్ బాత్రూమ్లు లేవని స్పష్టమైంది. అంటే, వారు అర్థరాత్రిళ్లు బయటకు రావాల్సిన పరిస్థితి ఉంది. వార్డులకు డ్యూటీ రూమ్లు చాలా దూరంగా ఉంటున్నాయని 53శాతం మంది తెలిపారు.
భద్రత కోసం చాలా మంది సొంతంగా ఆయుధాలు తీసుకువెళ్లాలని భావిస్తున్నట్టు తెలిపారు. తాను ఫోల్డెబుల్ కత్తిని, పెప్పర్ స్ప్రేని తనతో పాటు తీసుకెళతానని ఓ డాక్టర్ తెలిపారు.
మద్యం సేవించిన, డ్రగ్స్ మత్తులో ఉన్న వారి నుంచి భౌతిక దాడులు ఎదుర్కొంటున్నట్టు డాక్టర్లు చెబుతున్నారు. రద్దీ కారణంగా ఎమర్జెన్సీ రూమ్లో తనని అసభ్యకరంగా ముట్టుకున్నట్టు మరో డాక్టర్ తెలిపారు.
సిబ్బంది తక్కువగా ఉండి, సరైన సెక్యూరిటీ లేని చిన్న ఆసుపత్రుల్లో పరిస్థితులు ఇంకా దారుణంగా ఉన్నాయి.
దేశవ్యాప్తంగా వైద్యులు, ముఖ్యంగా మహిళా డాక్టర్లు నైట్షిఫ్ట్స్లో తమ భద్రతపై ఆందోళన వ్యక్తం చేస్తున్నట్టు సర్వే తేల్చిచెప్పింది. శిక్షణతో కూడిన సిబ్బంది సంఖ్యను పెంచడం, సీసీటీవీ కెమెరాలను ఇన్స్టాల్ చేయడం, లైటింగ్ సరిగ్గా ఉంచడం, సీపీఏ (కేంద్ర రక్షణ చట్టం) అమలు, అలర్ట్ సిస్టెమ్స్ ఏర్పాట్లు, డ్యూటీ రూమ్లు కనీస అవసరాలు- లాకర్ వంటివి ఏర్పాటు చేసి వైద్యుల భద్రతను పెంపొందించాలని ఐఎంఏ అధ్యయనం పేర్కొంది.
సంబంధిత కథనం
Best Web Hosting Provider In India 2024
Source link
