Chennai rains : చెన్నై వాసులకు అలర్ట్​- ముంచుకొస్తున్న భారీ వర్షాలు.. ఈ ప్రాంతాలకు ముప్పు!

గత కొన్ని రోజులుగా కురుస్తున్న భారీ వర్షాలకు తమిళనాడు తడిసి ముద్దవుతోంది. ఇక ఇప్పుడు రాజధాని చెన్నైలో నివాసముంటున్న ప్రజలను భారీ వర్షాలు ఇబ్బంది పెట్టే అవకాశం ఉంది. చెన్నైలో భారీ వర్షాలు కురిసే అవకాశం ఉందని భారత వాతావరణ శాఖ (ఐఎండీ) హెచ్చరించింది. చెన్నైతో పాటు తమిళనాడులోని తిరువళ్లూరు, చెన్నై, చెంగల్పట్టు, కాంచీపురం, విల్లుపురం, కల్లకురిచ్చి, తిరువణ్ణామలై, రాణిపేటై, వేలూరు, తిరుప్పత్తూరు, కృష్ణగిరి, ధర్మపురి, కడలూరు, నాగపట్నం, తిరువారూర్, తంజావూరు, పుదుకోట్టై, శివగంగై, రామనాథపురం, మదురై, కన్యాకుమారి జిల్లాల్లో ఐఎండీ శనివారం ఆరెంజ్ అలర్ట్ ప్రకటించింది.

ఐఎండీ తన తాజా వాతావరణ బులెటిన్​లో తమిళనాడు, పుదుచ్చేరి, కరైకల్, కేరళ – మాహే, లక్షద్వీప్, కర్ణాటకలో విస్తారంగా తేలికపాటి నుంచి ఒక మోస్తరు వర్షాలు కురుస్తాయని తెలిపింది. అక్టోబర్ 25 వరకు మిగిలిన ప్రాంతాల్లో తేలికపాటి నుంచి ఓ మోస్తరు వర్షాలు కురిసే అవకాశం ఉందని పేర్కొంది.

అక్టోబర్ 20, 21, 24 తేదీల్లో తమిళనాడు, పుదుచ్చేరి, కరైకల్, అక్టోబర్ 20, 21 తేదీల్లో కర్ణాటకలో, అక్టోబర్ 24న కోస్తాంధ్ర, యానాంలో భారీ వర్షాలు కురుస్తాయని వాతావరణ శాఖ అక్టోబర్ 18న విడుదల చేసిన పత్రికా ప్రకటనలో పేర్కొంది. చెంగల్పట్టు, తిరువణ్ణామలై తదితర జిల్లాల్లో ఐఎండీ ఆరెంజ్ అలర్ట్ ప్రకటించింది.

తమిళనాడులోని వండలూరు, తిరుపోరూర్, చెయ్యూరు జిల్లాల్లో మరికొన్ని గంటల పాటు భారీ వర్షాలు కురిసే అవకాశం ఉంది. మధురాంతకం, చెంగల్పట్టు, తిరుకాజుకుండ్రం, తాంబరం, నెమిలి, అరక్కోణం జిల్లాలకు ఐఎండీ యెల్లో అలర్ట్ జారీ చేసింది.

తమిళనాడులోని తిరువణ్ణామలై జిల్లాలో అక్టోబర్ 17 ఉదయం 8:30 గంటల నుంచి మరుసటి రోజు అదే సమయానికి 24 గంటల వ్యవధిలో భారీ వర్షపాతం నమోదైందని ఐఎండీ తెలిపింది.

భారీ వర్షాలు- సహాయక చర్యలు..

గత కొన్ని రోజులుగా కురుస్తున్న భారీ వర్షాలకు రాష్ట్రంలో వరద పరిస్థితి నెలకొంది. ఈశాన్య రుతుపవనాలు సృష్టించిన విపత్తు నుంచి సకాలంలో స్పందించి, నివాసితులను సురక్షితంగా ఖాళీ చేయించడంలో సహాయపడిన వాలంటీర్లందరికీ తమిళనాడు ముఖ్యమంత్రి శ్రీ ఎంకే స్టాలిన్ ఎక్స్ (గతంలో ట్విట్టర్) లో ఒక పోస్ట్​లో కృతజ్ఞతలు తెలిపారు. “ఈశాన్య రుతుపవనాల తాకిడి నుంచి రాజధాని నగరంలోని లక్షలాది మంది ప్రజలను రక్షించడానికి తిరుగుతున్న పారిశుద్ధ్య కార్మికుల అద్భుతమైన సేవలకు మా కృతజ్ఞతకు ఒక చిన్న చిహ్నం,” అని ఆ పోస్ట్ పేర్కొంది.

తెలుగు రాష్ట్రాల్లో ఇలా..

వాతావరణశాఖ మరో కీలక అప్డేట్ ఇచ్చింది. మధ్య బంగాళాఖాతంలో అక్టోబర్24 నాటికి వాయుగుండం ఏర్పడే అవకాశం ఉందని అంచనా వేసింది. ఈ ప్రభావంతో వచ్చే వారం ఏపీలో భారీ వర్షాలు కురిసే అవకాశం ఉంది. మరోవైపు తెలంగాణలోని పలు జిల్లాలకు ఎల్లో హెచ్చరికలు జారీ అయ్యాయి. పూర్తి వివరాల కోసం ఇక్కడ క్లిక్​ చేయండి.