Best Web Hosting Provider In India 2024
Rukmini Vasanth Comments: ఉగ్రమ్ ఫేమ్ రోరింగ్ స్టార్ శ్రీమురళి యాక్షన్ ఎంటర్టైనర్ చిత్రం ‘బఘీర’. డైరెక్టర్ ప్రశాంత్ నీల్ కథ అందించిన ఈ సినిమాకు డాక్టర్ సూరి దర్శకత్వం వహించారు. ప్రముఖ నిర్మాణ సంస్థ హోంబలే ఫిలింస్ బ్యానర్పై విజయ్ కిరగందూర్ ఈ చిత్రాన్ని నిర్మించిన బఘీరలో రుక్మిణి వసంత్ హీరోయిన్గా నటించింది.
బ్లాక్బస్టర్లను విజయవంతంగా డిస్ట్రిబ్యూషన్ చేసిన టాలీవుడ్ టాప్ డిస్ట్రిబ్యూషన్ హౌజ్ ఏషియన్ సురేష్ ఎంటర్టైన్మెంట్ ఎల్ఎల్పి బఘీర చిత్రాన్ని తెలుగు ప్రేక్షకుల ముందుకు తీసుకువస్తోంది. దీపావళి కానుకగా అక్టోబర్ 31న అంటే ఇవాళ ప్రపంచవ్యాప్తంగా థియేటర్లలో బఘీర విడుదల కానుంది. ఈ సందర్భంగా హీరోయిన్ రుక్మిణి వసంత్ ఇటీవల సినినిమా విశేషాలను పంచుకుంది.
‘బఘీర’లో మీ క్యారెక్టర్ గురించి చెప్పండి ?
-ఇందులో నా క్యారెక్టర్ పేరు స్నేహ. తను ఓ డాక్టర్. ఇందులో చాలా ఇంపాక్ట్ ఫుల్ రోల్ ప్లే చేశాను. నా క్యారెక్టర్ని డైరెక్టర్ సూరి గారు చాలా పర్టిక్యులర్గా డిజైన్ చేశారు. ఎమోషనల్ సీన్స్లో నా పెర్ఫార్మన్స్ చాలా అద్భుతంగా వచ్చింది. లవ్ స్టోరీ, యాక్షన్ ఈ రెండు ట్రాక్స్లోనూ ఎమోషన్ చాలా అద్భుతంగా ఉంటుంది.
– జనరల్గా యాక్షన్ థ్రిల్లర్లో హీరోయిన్కి స్పేస్ ఉండదు అని చెప్తుంటారు. కానీ, ఇందులో అలా కాదు. నా క్యారెక్టర్కి చాలా ప్రిఫరెన్స్ ఉంది. ఫిమేల్ లీడ్ క్యారెక్టర్కి చాలా వెయిట్ ఉన్న కథ ఇది.
ప్రశాంత్ నీల్ కథ అందించారు కదా. ఎలా ఉండబోతుంది?
–ప్రశాంత్ నీల్ గారి పేరు చూడగానే ఆడియన్స్లో కచ్చితంగా అంచనాలు పెరుగుతాయి. అయితే మా డైరెక్టర్ గారు ఒక ఇంటర్వ్యూలో చెప్పినట్లు ఎలాంటి అంచనాలు లేకుండా ఈ సినిమాకు వస్తే తప్పకుండా ఎంజాయ్ చేస్తారు. సూపర్ హీరో యాక్షన్ థ్రిల్లర్లో ఉండే ఎలిమెంట్స్ ఇందులో అద్భుతంగా కుదిరాయి. ప్రశాంత్ నీల్ గారి కథతో మా డైరెక్టర్ సూరి గారు తనదైన ఒక విజన్ క్రియేట్ చేశారు.
శ్రీమురళి గారితో వర్క్ చేయడం గురించి ?
-శ్రీమురళి వండర్ఫుల్ కోస్టార్. బ్రిలియంట్ యాక్టర్. ఈ సినిమాలో ఆయన పెర్ఫార్మెన్స్ చాలా ఇంపాక్ట్ఫుల్గా ఉంటుంది. అజినీస్ లోక్ నాథ్ ఎక్స్ట్రార్డినరీ మ్యూజిక్ ఇచ్చారు. ఆర్ఆర్ అద్భుతంగా ఉంటుంది. ఆడియన్స్ చాలా థ్రిల్ అవుతారు. హోంబలే ఫిలింస్ చాలా గ్రాండ్గా ఈ సినిమాని నిర్మించారు. చాలా సపోర్ట్ చేశారు.
మీరు కథలో చాలా ఇంపార్టెన్స్ ఉన్న క్యారెక్టర్స్ చేస్తుంటారు కదా?
– నిజానికి అలాంటి అవకాశాలు రావడం నా అదృష్టం. ఇప్పటి వరకు నా దగ్గరికి చాలా మంచి కథలు వచ్చాయి. చాలా మంచి క్యారెక్టర్స్ ఇచ్చారు. సప్త సాగరాలు సినిమా తర్వాత నాకు చాలా ఇంపాక్ట్ఫుల్ క్యారెక్టర్స్ రావడం మొదలైంది. నేను అంత ఇంపాక్ట్ఫుల్ క్యారెక్టర్లు చేయగలని ఫిలిం మేకర్స్ నమ్మకం ఉంచడం అదృష్టంగా భావిస్తున్నాను.
మీకు దీపావళి క్రాకర్స్ లో ఏది ఇష్టం?
– ఈ సినిమాలో నా క్యారెక్టర్ను దీపంతో పోల్చవచ్చు. పర్సనల్గా అయితే నాకు రాకెట్ ఇష్టం (నవ్వుతూ). దీపావళి రోజున ఇంట్లో ఫ్యామిలీ అందరితో కలిసి గడపడం నాకు చాలా ఇష్టం.
