Best Web Hosting Provider In India 2024
Anil Ravipudi Released Dhoom Dhaam Trailer: చేతన్ కృష్ణ, హెబ్బా పటేల్ హీరో హీరోయిన్లుగా నటించిన సినిమా “ధూం ధాం”. సాయి కుమార్, వెన్నెల కిషోర్, పృథ్వీరాజ్, గోపరాజు రమణ ఇతర కీలక పాత్రలు పోషిస్తున్నారు. ధూం ధాం చిత్రాన్ని ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు.
డైరెక్టర్ చేతులమీదుగా
“ధూం ధాం” సినిమాను లవ్, ఫ్యామిలీ ఎంటర్‌టైనర్‌గా దర్శకుడు సాయి కిషోర్ మచ్చా రూపొందిస్తున్నారు. గోపీ మోహన్ స్టోరీ స్క్రీన్ ప్లే అందిస్తున్నారు. ఈ నెల అంటే నవంబర్ 8వ తేదీన ధూం ధాం సినిమా గ్రాండ్‌గా థియేట్రికల్ రిలీజ్‌కు రానుంది. ఈ నేపథ్యంలో నవంబర్ 2న స్టార్ డైరెక్టర్ అనిల్ రావిపూడి చేతుల మీదుగా “ధూం ధాం” మూవీ ట్రైలర్‌ను విడుదల చేశారు.
80 శాతం ఆర్టిస్ట్‌లు
ఈ సందర్భంగా డైరెక్టర్ అనిల్ రావిపూడి మాట్లాడుతూ.. “ధూం ధాం సినిమా ట్రైలర్ నా చేతుల మీదుగా రిలీజ్ చేయడం సంతోషంగా ఉంది. ఫుల్ ఔట్ అండ్ ఔట్ ఎంటర్‌టైనర్ ట్రైలర్ ఆకట్టుకుంది. ఇండస్ట్రీలోని 80 పర్సెంట్ ఆర్టిస్టులు ఈ సినిమాలో నటించారు. ట్రైలర్ ఆద్యంతం ఫన్ అందించింది. టీమ్ అందరికీ ఆల్ ది బెస్ట్ చెబుతున్నాను” అని తెలిపారు.
మంచి రెవెన్యూ రావాలి
“ప్రొడ్యూసర్ రామ్ కుమార్ గారు నాకు బాగా తెలిసిన వ్యక్తి. డైరెక్టర్ సాయి కిషోర్ గారు నేను శ్రీను వైట్ల గారి దగ్గర వర్క్ చేసినప్పటి నుంచి పరిచయం. ఆయనలో మంచి ఫన్ టైమింగ్ ఉంటుంది. వీరు చేసిన ప్రయత్నం సక్సెస్ కావాలి. ఈ నెల 8న సినిమా రిలీజ్ అవుతోంది. మీ అందరి సపోర్ట్ దక్కుతుందని కోరుకుంటున్నా. ధూం ధాం సినిమాకు మంచి రెవెన్యూ రావాలి. చేతన్‌కు నా బెస్ట్ విషెస్ అందిస్తున్నా” అని డైరెక్టర్ అనిల్ రావిపూడి చెప్పారు.
ఫారెన్‌లో లవ్ స్టోరీ
ఇక “ధూం ధాం” సినిమా ట్రైలర్ చూస్తే.. భూపతి ఫ్యామిలీలో కాబోయో అల్లుడిగా ఎన్ఆర్ఐ వెన్నెల కిషోర్ అడుగుపెట్టడంతో ట్రైలర్ బిగిన్ అయింది. ఆయన కజిన్‌గా హీరో చేతన్ అరంగేట్రం చేస్తాడు. పెళ్లి ఇంట హీరోతో పాటు వెన్నెల కిషోర్ చేసిన హంగామా కావాల్సినంత ఫన్ క్రియేట్ చేసింది. ఫారెన్‌లో ఉన్నప్పుడే అతనికి హీరోయిన్‌తో లవ్ స్టోరీ ఉంటుంది.
ప్రేమించే కొడుకుగా
హీరో ప్రేమకథకు అతను ఈ ఊరికి రావడానికి సంబంధం ఏంటి ?, తండ్రిని ప్రాణంగా ప్రేమించే కొడుకుగా హీరో ఆయన కోసం ఏం చేశాడు? అనేది ట్రైలర్‌లో ఆసక్తికరంగా చూపించారు. గోపీసుందర్ కంపోజ్ చేసిన మూడు చాట్ బస్టర్ సాంగ్స్ ట్రైలర్‌కు ఆకర్షణగా నిలిచాయి. ఇలా ఎంటర్‌టైన్‌మెంట్, లవ్, రొమాంటిక్, ఫ్యామిలీ ఎమోషన్స్, సూపర్ హిట్ మ్యూజిక్‌తో సాగిన “ధూం ధాం” ట్రైలర్ ఆకట్టుకుంది.
ధూం ధాం నటీనటులు
అలాగే, థియేటర్‌లో ధూం ధాం సినిమా చూసేందుకు కావాల్సినంత ఇంట్రెస్ట్ క్రియేట్ చేస్తోంది. ఇదిలా ఉంటే, ధూం ధాం సినిమాలో చేతన్ కృష్ణ, హెబ్బా పటేల్, సాయి కుమార్, వెన్నెల కిషోర్, గోపరాజు రమణతోపాటు పృథ్వీరాజ్, శివన్నారాయణ, బెనర్జీ, సాయి శ్రీనివాస్, ప్రవీణ్, నవీన్ నేని, గిరిధర్, భద్రమ్ తదితరులు నటించారు.
