Best Web Hosting Provider In India 2024
Bigg Boss Vishnu Priya: బిగ్బాస్ హౌజ్ కొత్త మెగా చీఫ్‌గా ప్రేర‌ణ ఎంపికైన‌ట్లు తెలుస్తోంది. చీఫ్ కావాల‌నే ప్రేర‌ణ క‌ల ఎట్ట‌కేల‌కు నెర‌వేరిన‌ట్లుగా ప్రోమోలో చూపించారు. మ‌రోవైపు విష్ణుప్రియ, పృథ్వీ మ‌ధ్య ఉన్న రిలేష‌న్‌ను గంగ‌వ్వ బుధ‌వారం నాటి ఎపిసోడ్‌లో బ‌య‌ట‌పెట్టేసింది. వీరిద్ద‌రిది అన్నాచెల్లిలి బంధం అని తేల్చేసింది.
పృథ్వీకి టాస్క్…
కంటెండర్షిప్ కాపాడుకోవ‌డం కోసం పృథ్వీకి కీని ప‌ట్టు కంటెండర్షిప్ ప‌ట్టు అనే టాస్క్ ఇచ్చాడు బిగ్బాస్. ఈ టాస్క్‌లో త‌న‌తో పోటీప‌డే కంటెస్టెంట్‌ను ఎంచుకునే అవ‌కాశం పృథ్వీకే ఇచ్చాడు బిగ్బాస్. పృథ్వీ తెలివిగా విష్ణుప్రియ‌ను పోటీదారుగా సెలెక్ట్ చేసుకున్నాడు. ఈ టాస్క్‌కు య‌ష్మీ సంచాల‌క్‌గా వ్య‌వ‌హ‌రించింది.
పృథ్వీ దొంగాట…
టాస్క్ మొద‌ల‌వ్వ‌గానే ఫ‌స్ట్ కీని విష్ణు ద‌క్కించుకొని పృథ్వీకి షాకిచ్చింది. రెండో కీ కోసం వెతుకుతున్న టైమ్‌లో విష్ణుప్రియ‌ను మోసం చేసి ఆమెకు కీ దొర‌క‌కుండా చేశాడు పృథ్వీ. ఫ‌స్ట్ కీ యాక్టివిటీ ఏరియాలో ప‌డేశాడు. అది సెకండ్ కీ అనుకొని పొర‌ప‌డిన విష్ణుప్రియ టైమ్ వేస్ట్ చేసుకున్న‌ది. ఈ గ్యాప్‌లో అస‌లు కీని సొంతం చేసుకొని సెకండ్ గేమ్‌లో గెలిచాడు. త‌న కంటెండర్షిప్ బ్యాడ్జ్‌ను కాపాడుకున్నాడు.
ఈ టాస్క్‌లో గెలిచిన పృథ్వీకి 99 వేల ప్రైజ్‌మ‌నీ ద‌క్కింది. ఈ టాస్క్‌లో విన్ అయిన పృథ్వీకి ఒక‌రిని చీఫ్ కంటెండ‌ర్ చేసే ఛాన్స్ ఇచ్చాడు బిగ్బాస్. అత‌డు విష్ణుప్రియ పేరు చెప్పాడు. విష్ణుప్రియ‌పై పొగ‌డ్త‌లు కురిపించాడు. పృథ్వీ రాంగ్ గేమ్ ఆడాడంటూ రోహిణి, టేస్టీ తేజ చెప్పిన కూడా విష్ణుప్రియ అత‌డికే స‌పోర్ట్ చేసింది. పృథ్వీనే కాదు ఎవ‌రూ అలా ఆడిన కూడా గొడ‌వ చేసేదానిని కాద‌ని అన్న‌ది. స్ట్రాట‌జిక్‌గా ఆడ‌టంలో త‌ప్పేం లేదంటూ అన్న‌ది.
నిఖిల్ అనుకొని…
చీఫ్ కంటెండ‌ర్‌గా నిఖిల్‌ను సెలెక్ట్ చేయాల‌ని అనుకున్నాడు పృథ్వీ. న‌బీల్ వ‌చ్చి అత‌డిని డైవ‌ర్ట్ చేశాడు. య‌ష్మీ, విష్ణుప్రియ, ప్రేర‌ణల‌కు బ‌రువైన సంచి పేరుతో ఓ టాస్క్‌లో ఇచ్చాడు బిగ్బాస్. ఈ గేమ్‌లో య‌ష్మి పూర్తిగా తెలిపోయింది. ప్రేర‌ణ, విష్ణుప్రియ మ‌ధ్య పోటీ సాగింది. విష్ణుప్రియ గెలిచేలా క‌నిపించింది. చివ‌ర‌లో విష్ణుప్రియ బ్యాగ్ కొట్టేసి ప్రేర‌ణ విన్న‌ర్‌గా నిలిచాడు. ఈ టాస్క్‌లో గెలిచిన ప్రేర‌ణ‌కు జాక్‌పాట్ త‌గింది. మ్యాజిక్ బ్రీఫ్‌కేస్ ద్వారా రెండు ల‌క్ష‌ల ప‌న్నెండు ద‌క్కాయి.
గాసిప్…
ఆ త‌ర్వాత ప్రేర‌ణ, టేస్టీ తేజ‌ను క‌న్ఫేష‌న్ రూమ్‌కు పిలిచాడు. ముందుగా ప్రేర‌ణ వ‌చ్చింది. హౌజ్‌లోని ఓ గాసిప్ చెప్ప‌మ‌ని అంటే య‌ష్మి విష‌యంలో నిఖిల్ స‌న్‌ఫ్ల‌వ‌ర్ అవుతున్నాడ‌ని అన్న‌ది. హౌజ్‌లోనే జెన్యూన్ ఎవ‌రంటే గంగ‌వ్వ పేరు చెప్పింది. టేస్టీ తేజ‌ను కూడా గాసిప్ గురించి అడిగితే య‌ష్మి, నిఖిల్ ల‌వ్ స్టోరీ గురించే చెప్పాడు.
పృథ్వీ అంటే ఇష్టం…
ఈ హౌజ్‌లో నీకు ఎవ‌రంటే ఎక్కువ ఇష్ట‌మ‌ని గంగ‌వ్వ‌ను అడిగింది విష్ణుప్రియ. గంగ‌వ్వ పృథ్వీ పేరు చెప్పింది. నేనంటే ఇష్టం లేదా అని గంగ‌వ్వ‌తో అన్న‌ది విష్ణు. నువ్వు కూడా ఇష్ట‌మేన‌ని గంగ‌వ్వ స‌మాధాన‌మిచ్చింది. ఆ త‌ర్వాత త‌ల్లిలేనిపిల్ల అంటూ విష్ణుప్రియ‌పై గంగ‌వ్వ సింప‌థీ కురిపించింది. అందుకే త‌న‌కు ద‌క్కిన ఆరెంజ్ బ్రీఫ్‌కేస్‌ను విష్ణుకు ఇచ్చాన‌ని పృథ్వీ అన్నాడు.
నీకు అన్నం తినిపించ‌డంతో అన్ని సేవ‌లు చేస్తుంది. చెల్లెలిగా నిన్ను జాగ్ర‌త్త‌గా చూసుకుంటున్నందుకైనా ఇవ్వాల్సిందేన‌ని గంగ‌వ్వ అన‌డంతో విష్ణు, పృథ్వీ షాక‌య్యారు. విష్ణుప్రియ, పృథ్వీ మ‌ధ్య ప్రేమ ఉందంటూ హ‌రితేజ క‌వ‌ర్ చేయ‌బోయింది.
అవ‌న్నీ ఈ హౌజ్‌లో ఉన్నంత వ‌ర‌కే…బ‌య‌ట‌కు వెళితే ప్రేమ, గీమా ఏం ఉండ‌వ‌ని గంగ‌వ్వ తేల్చేసింది. నిఖిల్‌ను హౌజ్‌లోని కంటెస్టెంట్స్ అంద‌రూ కావాల‌నే సైడ్ చేస్తూన్న‌ట్లుగా క‌నిపిస్తోంది. టాస్క్‌ల‌లో అత‌డికి ఎవ‌రూ అవ‌కాశాలు ఇవ్వ‌డం లేదు. కానీ ఓటింగ్‌లో మాత్రం నిఖిల్ టాప్‌లో ఉన్న‌ట్లుగా తెలుస్తోంది.
ప్రేర‌ణ మెగా చీఫ్…
బిగ్బాస్ కొత్త మెగా చీఫ్‌గా ప్రేర‌ణ గెల‌వ‌నున్న‌ట్లు ప్రోమోలో క‌నిపిస్తోంది. మెగా చీఫ్ టాస్క్ విష‌యంలో న‌బీల్‌తో ప్రేర‌ణ గొడ‌వ‌ప‌డిన‌ట్లు తెలుస్తోంది. ప్రేర‌ణ మెగా చీఫ్‌గా గెల‌వ‌డంలో ఆమెకు టేస్టీ తేజ, రోహిణి సాయం చేయ‌నున్న‌ట్లు తెలుస్తోంది.
