Best Web Hosting Provider In India 2024
OTT Telugu Movies: ఓటీటీల్లో ఈ వీకెండ్ తెలుగు సినిమాల జాతరే ఉంది. అందులో ఎన్నో బ్లాక్ బస్టర్ సినిమాలతోపాటు కొన్ని చిన్న సినిమాలు కూడా ఉన్నాయి. అలా ఈటీవీ విన్ ఓటీటీలోకే గురువారం (నవంబర్ 7) రెండు సినిమాలు అడుగుపెట్టాయి. అందులో ఒకటి థ్రిల్లర్ మూవీ తెలిసిన వాళ్లు కాగా.. మరొకటి ఆంథాలజీ మూవీ లైఫ్ స్టోరీస్.
ఈటీవీ విన్‌లోకి రెండు సినిమాలు
ఈటీవీ విన్ ఓటీటీ నవంబర్ నెలలో తమ ఓటీటీలోకి వచ్చే సినిమాల జాబితాను గతంలోనే అనౌన్స్ చేసిన విషయం తెలుసు కదా. అందులో భాగంగా ఈ వీకెండ్ రెండు సినిమలను తీసుకొచ్చింది. ఈ రెండు సినిమాలూ గురువారం నుంచే అందుబాటులోకి వచ్చాయి. ఈ ఏడాది రిలీజైన తెలుగు సినిమాలు #లైఫ్ స్టోరీస్, తెలిసినవాళ్లు ఉన్నాయి.
#లైఫ్ స్టోరీస్ మూవీ ఏంటంటే?
#లైఫ్ స్టోరీస్ సెప్టెంబర్ 15న థియేటర్లలో రిలీజైంది. ఇప్పుడు సుమారు రెండు నెలల తర్వాత ఈటీవీ విన్ ద్వారా ఓటీటీ ప్రేక్షకుల ముందుకు వచ్చింది. చాలా రోజుల తర్వాత తెలుగులో వచ్చిన అంథాల‌జీ మూవీ లైఫ్ స్టోరీస్. ఇదివ‌ర‌కు తెలుగులో వచ్చిన అంథాల‌జీ మూవీస్‌కు భిన్నంగా లైఫ్ స్టోరీస్ సాగుతుంది. న్యూ ఇయ‌ర్ బ్యాక్‌డ్రాప్‌లో ద‌ర్శ‌కుడు ఆరు క‌థ‌ల్ని అల్లుకున్నారు. డిఫ‌రెంట్ బ్యాక్‌డ్రాప్స్‌తో జ‌రిగే ఆరు క‌థ‌ల్ని ముడిపెట్టిన విధానం బాగుంది.
ఉరుకులు ప‌రుగుల జీవితాల్లో పిల్ల‌ల కోసం టైమ్ కేటాయించ‌లేక త‌ల్లిదండ్రులు ప‌డే ఆవేద‌న‌ను, చిన్న చిన్న సంతోషాల‌కు దూర‌మై ప‌డే బాధ‌ను హృద్యంగా చూపించారు. క‌ల‌ల విష‌యంలో కొంద‌రు రాజీప‌డి ఎలా బ‌తుకుతారు? ఇలా ఒక్కో క‌థ‌తో ఒక్కో ఎమోష‌న్‌ను చూపించారు. న‌వ్విస్తూనే ప్ర‌తి క‌థ ఆలోచింప‌జేస్తుంది. క్లైమాక్స్‌ను చిన్న స‌ర్‌ప్రైజ్‌తో ఎండ్ చేయ‌డం బాగుంది.
తెలిసినవాళ్లు మూవీ గురించి..
ప్రముఖ నటి హెబ్బా పటేల్ నటించిన ఈ తెలిసినవాళ్లు మూవీ రెండేళ్ల తర్వాత ఓటీటీలోకి రావడం విశేషం. ఢిల్లీలో కొన్నేళ్ల కిందట ఓ కుటుంబం మొత్తం ఆత్మహత్య చేసుకున్న ఘటన ఆధారంగా తెరకెక్కిన సినిమా ఇది. చనిపోయిన ఇంటిపెద్ద తమ ఆత్మహత్యలతో తిరిగి వస్తారని నమ్మే కుటుంబం ఆత్మత్యాగాలకు సిద్ధమవుతుంది.
అదే సమయంలో ఆ ఇంట్లోని అమ్మాయి ప్రేమలో పడుతుంది. ప్రేమించిన యువకుడికి తాము ఆత్మహత్య చేసుకుంటున్నామని చెబుతుంది. మరి ఆ తర్వాత ఏం జరగుతుంది? అతడు వాళ్ల ఆత్మహత్యలను ఆపగలడా లేదా అన్న విషయాలు ఈ థ్రిల్లర్ మూవీ తెలిసినవాళ్లులో చూడొచ్చు.
