Best Web Hosting Provider In India 2024
Thriller OTT: సంయుక్త మీనన్ స్వ‌త‌హాగా మ‌ల‌యాళ హీరోయిన్ అయినా తెలుగు సినిమాతోనే పాపుల‌ర్ అయ్యింది. గ‌త కొన్నేళ్లుగా బ్యాక్ టూ బ్యాక్ తెలుగు సినిమాలు చేస్తోంది.సంయుక్త మీనన్ హీరోయిన్‌గా న‌టించిన మ‌ల‌యాళం అంథాల‌జీ థ్రిల్ల‌ర్ మూవీ ఆనుమ్ పెన్నుమ్ థియేట‌ర్ల‌లో రిలీజైన మూడేళ్ల త‌ర్వాత ఓటీటీలోకి వ‌చ్చింది. సైనా ప్లే ఓటీటీలో ఈ మూవీ స్ట్రీమింగ్ అవుతోంది. సైనా ప్లేతో పాటు అమెజాన్ ప్రైమ్‌లో ఈ మూవీ అందుబాటులో ఉంది.
ద‌ర్శ‌నా రాజేంద్రన్…
మూడు క‌థ‌ల‌తో తెర‌కెక్కిన ఈ మూవీలో సంయుక్త మీన‌న్‌తో పాటు పార్వ‌తి తిరువోతు, ద‌ర్శ‌నా రాజేంద్రన్, ఆసిఫ్ అలీ, జోజు జార్జ్‌, ఇంద్ర‌జీత్ సుకుమార‌న్ కీల‌క పాత్ర‌ల్లో న‌టించారు. మూడు జంట‌ల క‌థ‌తో వేణు, ఆషిక్ అబు, జ‌య్ కే ఆనుమ్ పెన్నుమ్ మూవీని తెర‌కెక్కించారు. సావిత్రి, ర‌చియ‌మ్మ, రాణి అనే మూడు ఉప క‌థ‌ల స‌మాహారంగా సాగిన ఈమూవీ విమ‌ర్శ‌కుల ప్ర‌శంస‌ల్ని అందుకున్న‌ది.
మూడు కథ‌లు…
సావిత్రి క‌థ‌లో జోజు జార్జ్‌, సంయుక్త మీనన్, ఇంద్ర‌జీత్ సుకుమార‌న్ కీల‌క పాత్ర‌ల్లో క‌నిపించారు. ర‌చియ‌మ్మ స్టోరీలో పార్వ‌తి, ఆసీఫ్ అలీ క‌నిపించారు. రాణి క‌థ‌లో ద‌ర్శ‌న రాజేంద్రన్, రోష‌న్ మాథ్యూ, బాసిల్ జోసెఫ్‌తో పాటు న‌డిముడి వేణు ముఖ్య పాత్ర‌లు పోషించారు.
1950 బ్యాక్‌డ్రాప్‌లో…
సావిత్రి క‌థ 1950 టైమ్ పీరియ‌డ్‌లో సాగుతుంది. అప్ప‌టి ప్ర‌భుత్వాల్ని ఎదురించి సావిత్రి అనే సాధార‌ణ గృహిణి ఎలాంటి పోరాటం చేసింది? అజ్ఞాతంలో ఉన్న సావిత్రి ఎలా ప‌ట్టుప‌డింది అనే అంశాల‌తో ద‌ర్శ‌కుడు జ‌య్ కే ఈ ఎపిసోడ్‌ను రూపొందించారు. ప్లాంటేష‌న్ ఆఫీస‌ర్‌తో ప్రేమ‌లో ప‌డిన ప‌నిమ‌నిషి క‌థ‌తో ర‌చియ‌మ్మ స్టోరీని ద‌ర్శ‌కుడు వేణు రాసుకున్నాడు. త‌మ ప్రేమ బంధాన్ని గెలుపించుకునే క్ర‌మంలో ఆ యువ జంట ఎదుర్కొన్న సంఘ‌ర్ష‌ణ‌తో రాణి క‌థ సాగింది.
తెలుగులో నాలుగు సినిమాలు…
సంయుక్త మీనన్ ప్ర‌స్తుతం తెలుగులో మోస్ట్ బిజీయెస్ట్ హీరోయిన్‌గా కొన‌సాగుతోంది. నాలుగు సినిమాలు చేస్తోంది. నిఖిల్ స్వ‌యంభూ షూటింగ్ ద‌శ‌లో ఉంది. అలాగే శ‌ర్వానంద్, బెల్లంకొండ సాయిశ్రీనివాస్‌ల‌తో సినిమాల్లో క‌థానాయిక‌గా క‌నిపించ‌బోతున్న‌ది. సంయుక్త మీనన్ హీరోయిన్‌గా ఇటీవ‌లే ఓ లేడీ ఓరియెంటెడ్ మూవీ మొద‌లైంది. కాజ‌ల్‌, ప్ర‌భుదేవా ప్ర‌ధాన పాత్ర‌ల్లో న‌టిస్తోన్న హిందీ మూవీలో సంయుక్త ఓ కీల‌క చేస్తోంది.
ప‌ర‌దా మూవీతో…
మ‌రోవైపు ద‌ర్శ‌నా రాజేంద్రన్ కూడా ప‌ర‌దా మూవీతో టాలీవుడ్‌లోకి ఎంట్రీ ఇస్తోంది. ఈ సినిమాలో అనుప‌మ ప‌ర‌మేశ్వ‌ర‌న్ మ‌రో హీరోయిన్‌గా న‌టిస్తోంది.
