Best Web Hosting Provider In India 2024
Malayalam OTT: మిల్కీ బ్యూటీ త‌మ‌న్నా మ‌ల‌యాళం డెబ్యూ మూవీ బాంద్రా థియేట‌ర్ల‌లో రిలీజైన ఏడాది త‌ర్వాత ఓటీటీలోకి వ‌స్తోంది. ఈ నెల‌లోనే అమెజాన్ ప్రైమ్‌లో ఈ యాక్ష‌న్ థ్రిల్ల‌ర్‌ మూవీ స్ట్రీమింగ్ కాబోతోంది. బాంద్రా మూవీలో మ‌ల‌యాళ అగ్ర న‌టుడు దిలీప్ హీరోగా న‌టించాడు. ఈ యాక్ష‌న్ మూవీతో త‌మ‌న్నా హీరోయిన్‌గా మ‌ల‌యాళంలోకి తొలి అడుగువేసింది. అరుణ్ గోపీ ద‌ర్శ‌క‌త్వం వ‌హించాడు.
35 కోట్ల బడ్జెట్…
గ‌త ఏడాది న‌వంబ‌ర్‌లో థియేట‌ర్ల‌లో రిలీజైన బాంద్రా మూవీ బిగ్గెస్ట్ డిజాస్ట‌ర్‌గా నిలిచింది. 35 కోట్ల బ‌డ్జెట్‌తో రూపొందిన ఈ మూవీ థియేట‌ర్ల‌లో కేవ‌లం రెండు కోట్ల క‌లెక్ష‌న్స్ మాత్ర‌మే ద‌క్కించుకున్న‌ది. థియేట‌ర్ రిజ‌ల్ట్ కార‌ణంగా బాంద్రా మూవీ డిజిట‌ల్ రైట్స్‌ను కొన‌డానికి ఏ ఓటీటీ ప్లాట్‌ఫామ్ ముందుకు రాలేదు.
అమెజాన్ ప్రైమ్‌లో…
ఎట్ట‌కేల‌కు బాంద్రా మూవీ ఓటీటీ రైట్స్ అమ్ముడుపోయిన‌ట్లు స‌మాచారం. ఈ గ్యాంగ్‌స్ట‌ర్ యాక్ష‌న్ మూవీ స్ట్రీమింగ్ హ‌క్కుల‌ను అమెజాన్ ప్రైమ్ సొంతం చేసుకున్న‌ట్లు చెబుతోన్నారు. న‌వంబ‌ర్ 15 లేదా 22 న బాంద్రా మూవీ అమెజాన్ ప్రైమ్‌లో రిలీజ్ కానున్న‌ట్లు చెబుతోన్నారు. మ‌ల‌యాళంతో పాటు తెలుగు, త‌మిళం, క‌న్న‌డ హిందీ భాష‌ల్లో ఈ సినిమా రిలీజ్ అవుతోన్న‌ట్లు స‌మాచారం.
గ్యాంగ్‌స్ట‌ర్‌తో సినిమా హీరోయిన్ ప్రేమాయ‌ణం…
రాఘ‌వేంద్ర దేశాయ్ (డినో మారియో) అనే మాఫియాడాన్ క‌మ్‌ ప్రొడ్యూస‌ర్ బారి నుంచి త‌ప్పించుకోవ‌డానికి ఆల (దిలీప్) అనే కేర‌ళ‌కు చెందిన గ్యాంగ్‌స్ట‌ర్ స‌హాయం కోరుతుంది హీరోయిన్ తార జాన‌కి (త‌మ‌న్నా). ఓ సినిమా షూటింగ్ నుంచి పారిపోయి ఆల ఇంటికి వ‌స్తుంది. త‌న ఇంట్లోనే తార జాన‌కికి ఆశ్ర‌యం ఇస్తాడు ఆల.
కొన్నాళ్ల‌లోనే తార జాన‌కితో ప్రేమ‌లో ప‌డ‌తాడు ఆల. రాఘ‌వేంద్ర‌దేశాయ్‌ని ఎదురించి తార జాన‌కి కోసం ఆల భారీ బడ్జెట్ సినిమాను నిర్మించ‌డానికి సిద్ధ‌ప‌డ‌తాడు. కానీ రాఘ‌వేంద్ర‌దేశాయ్‌కి ఉన్న ప‌లుకుబ‌డి కార‌ణంగా అత‌డి సినిమా నిర్మాణానికి అడుగ‌డుగునా అడ్డంకులే ఎదురువుతాయి.
ఇంత‌లోనే తార జాన‌కి చ‌నిపోతుంది. తార జాన‌కి ఆత్య‌హ‌త్య చేసుకుందా? లేదంటే హ‌త్య‌కు గురైందా? తార జాన‌కితో పాటు ఆల కూడా చ‌నిపోయాడ‌ని వ‌చ్చిన వార్త‌లు నిజ‌మేనా? త‌న ప్రేమ‌ను తార జాన‌కితో ఆల చెప్పాడా? ఆల, తార హిందీ సినిమా ఇండ‌స్ట్రీపై మాఫియా ప్ర‌భావం ఎలా ఉంటుంద‌నే అంశాల నుంచి స్ఫూర్తి పొందుతూ ద‌ర్శ‌కుడు ఈ సినిమాను తెర‌కెక్కించాడు. కానీ కాన్సెప్ట్‌లో ఆస‌క్తి లోపించ‌డం, టేకింగ్ కూడా ఓల్డ్ స్ట‌యిల్‌లో ఉండ‌టంతో సినిమా ప్రేక్ష‌కుల‌ను మెప్పించ‌లేక‌పోయింది.
అరాణ్మ‌ణై 4 వంద కోట్లు…
కొత్త హీరోయిన్ల పోటీని త‌ట్టుకుంటూ ద‌క్షిణాదితో పాటు బాలీవుడ్‌లో వరుసగా అవ‌కాశాల‌ను అందుకుంటోంది త‌మ‌న్నా. 2024లో త‌మ‌న్నా హీరోయిన్‌గా న‌టించిన త‌మిళ మూవీ అరాణ్మ‌ణై 4 వంద కోట్ల క‌లెక్ష‌న్స్ రాబ‌ట్టింది. ప్ర‌స్తుతం తెలుగులో ఓదెల 2 మూవీ చేస్తోంది. సంప‌త్ నంది క‌థ‌ను అందిస్తోన్న ఈ సినిమాలో నాగ‌సాధువుగా త‌మ‌న్నా క‌నిపించ‌బోతున్నాడు.
Best Web Hosting Provider In India 2024
Source / Credits
