Best Web Hosting Provider In India 2024
జూనియర్ ఎన్టీఆర్ సినిమా దేవర పార్ట్-1పై నెటిజన్లు ఫన్నీగా ట్రోల్ చేస్తున్నారు. సెప్టెంబరు 27న ప్రపంచవ్యాప్తంగా థియేటర్లలో విడుదలైన దేవర-1.. మిక్సెడ్ టాక్ సొంతం చేసుకుంది. అయినప్పటికీ రూ.509 కోట్లని వసూలు చేసినట్లు చిత్ర యూనిట్ చెప్తోంది. ఇటీవల ఓటీటీలోకి వచ్చిన దేవర-1ని చూసిన ప్రేక్షకులు సోషల్ మీడియాలో ట్రోల్ చేస్తూ ఫన్నీ పోస్ట్‌లు పెడుతున్నారు.
నెటిజన్స్ రియాక్షన్స్ ఇవే
దేవర: పార్ట్- 1 నవంబర్ 8 నుంచి ఓటీటీ ప్లాట్‌ఫామ్‌ నెట్‌ఫ్లిక్స్‌‌లో స్ట్రీమింగ్ అవుతోంది. ఈ సినిమా చూసిన కొంత మంది.. మూవీలోని లోపాల్ని ఎత్తిచూపుతూ సరదాగా రియాక్ట్ అవుతున్నారు. ఈ క్రమంలో కొరటాల శివని టార్గెట్‌గా చేసుకుని ఎక్కువగా మీమ్స్ కనిపిస్తున్నాయి.
దేవర పార్ట్-1లో జూనియర్ ఎన్టీఆర్ సరసన జాన్వీకపూర్‌ నటించగా.. సైఫ్‌ అలీఖాన్‌, ప్రకాశ్‌రాజ్‌, శ్రీకాంత్‌, షైన్‌ టామ్‌ చాకో కీలక పాత్రలు పోషించారు. ఈ సినిమాలోని పాటలన్నీ హిట్ అవగా.. అనిరుధ్ రవిచందర్ మ్యూజిక్ అందించాడు. దాంతో అనిరుధ్, ఎన్టీఆర్‌ని మినహా మిగిలిన నటీనటుల్ని నెటిజన్లు ట్రోల్ చేస్తున్నారు. మరీ ముఖ్యంగా.. జాన్వీ కపూర్ డైలాగ్ డెలివరీ, ఆమె పాత్ర పరిధిపై ఫన్నీ మీమ్స్ కనిపిస్తున్నాయి.
ప్రకాశ్ రాజ్ డైలాగ్‌తో రిప్లై
దేవర‌కి సీక్వెల్ దేవర పార్ట్-2 ఉంటుందని ఇప్పటికే దర్శకుడు కొరటాల శివ ప్రకటించారు. కానీ.. ఈ సీక్వెల్‌కి దూరంగా ఉండాలని జూనియర్ ఎన్టీఆర్‌ని అభిమానులు కోరుతున్నారు. దానికి కౌంటర్‌గా కొంత మంది ఈ సినిమాలో ప్రకాశ్ రాజ్ చెప్పిన డైలాగ్‌‌ను వాడేస్తున్నారు. సీక్వెల్‌కి ఎందుకు వద్దు అంటున్నామనేది నీకు తెలియాలంటే.. ముంధు నువ్వు దేవర సినిమా చూడాలి అంటూ సెటైర్స్ వేస్తున్నారు.
కొందరు అభిమానులు జూనియర్ ఎన్టీఆర్‌ను వెనకేస్తున్నారు. ఒకవేళ దేవర పార్ట్-1లో ఎన్టీఆర్ చేయకుండా ఉండి ఉంటే.. ఈ సినిమా డిజాస్టర్ అయ్యేదని జోస్యం చెప్తున్నారు. జూనియర్ ఎన్టీఆర్‌కి ఉన్న ఫ్యాన్ ఫాలోయింగ్, నటనతో సినిమాని నిలబెట్టాడని కామెంట్స్ చేస్తున్నారు.
సినిమాలో అనిరుధ్ ఈ చిత్రానికి గ్లాడియేటర్ రేంజ్ మ్యూజిక్ ఇచ్చాడని.. కానీ సినిమా పూర్తిగా నిరాశపరిచిందని ఒక నెటిజన్ రాసుకొచ్చాడు. జూనియర్ ఎన్టీఆర్.. ఇక ఆ దేవర-2 ఆలోచన మానుకుని.. వేరే ప్రాజెక్ట్‌పై దృష్టి పెడితే మంచిదని కూడా నెటిజన్లు సూచిస్తున్నారు. ఈ సినిమాలో అనిరుధ్ మ్యూజిక్‌కి 5 స్టార్స్, జూనియర్ ఎన్టీఆర్ నటనకు 4 స్టార్స్, కొరటాల డైరెక్షన్‌కి 2 స్టార్స్ రేటింగ్‌ను ఓ అభిమాని ఇచ్చాడు.
దేవర పార్ట్-1 తర్వాత జూనియర్ ఎన్టీఆర్ కాస్త విరామం తీసుకున్నారు. త్వరలోనే హృతిక్ రోషన్, కియారా అద్వానీ జంటగా అయాన్ ముఖర్జీ తెరకెక్కిస్తున్న వార్- 2లో జూనియర్ ఎన్టీఆర్ నటించనున్నారు. ఆ తర్వాత ప్రశాంత్ నీల్ దర్శకత్వంలో ఓ సినిమాను చేయబోతున్నట్లు తెలుస్తోంది.
