Best Web Hosting Provider In India 2024
తాడేపల్లి: ముందే రచించుకున్న ప్లాన్‌లో భాగంగా వివిధ జిల్లాల నుంచి తెలుగుదేశం పార్టీ గూండాలని రప్పించి పుంగనూరులో చంద్రబాబు విధ్వంసం సృష్టించాడని పౌరసరఫరాల శాఖ మంత్రి కారుమూరి నాగేశ్వరరావు అన్నారు. పాత సినిమాల్లో బందిపోటు ముఠా ఒక ఊరుమీద దాడిచేసినట్టుగా పుంగనూరులో చంద్రబాబు దౌర్జన్యకాండకు తెగబడ్డాడని మండిపడ్డారు. పోలీసులను తరమండి అని చంద్రబాబు ప్రోత్సహించడం, పోలీసులపై రాళ్లు రువ్వడం, వ్యాన్లను తగలబెట్టడం ఇలా దగ్గరుండి మరీ పుంగనూరులో విధ్వంసకాండను సృష్టించాడని ధ్వజమెత్తారు. తాడేపల్లిలోని వైయస్‌ఆర్‌ సీపీ కేంద్ర కార్యాలయంలో మంత్రి కారుమూరి నాగేశ్వరరావు విలేకరుల సమావేశం నిర్వహించారు.
