Best Web Hosting Provider In India 2024
తాడేప‌ల్లి: అమరావతిలో అంతిమ విజయం పేద‌ల‌దేన‌ని వైయ‌స్ఆర్ కాంగ్రెస్ పార్టీ బాప‌ట్ల ఎంపీ నందిగం సురేష్ పేర్కొన్నారు. అమరావతి సీఆర్డీఏ పరిధిలో 50 వేల మంది ఎస్సీ, ఎస్టీ, బీసీ, మైనార్టీ పేదలకు ఇళ్ళ పట్టాలు ఇస్తుంటే.. కోర్టులకు వెళ్ళి అడ్డుకుని చంద్రబాబు అండ్ కో.. శునకానందం పొందుతుంద‌ని ఆగ్ర‌హం వ్య‌క్తం చేశారు. ఇక్కడ పెత్తందార్లు.. పేదోళ్ళకు జరుగుతున్న యుద్ధంలో మీది ఒక అడుగు ముందుకు పడినంత మాత్రాన విర్రవీగవద్దు.. ముఖ్యమంత్రి వైయ‌స్ జగన్ గారు ఇచ్చిన మాట ప్రకారం, అమరావతి ప్రాంతంలో కచ్చితంగా పేదలకు ఇళ్ళు కట్టి ఇస్తారని చెప్పారు. పాండవులు, కౌరవులకు మధ్య ఆస్తి విషయంలో జరిగిన వ్యవహారంలో.. తమ ఐదుగురికి 5 ఎకరాల భూమి ఇవ్వాలని పాండవులు కోరితే.. సూది మొన మోపినంత కూడా ఇవ్వమని కౌరవులు అహంకారంతో యుద్ధం చేసి చివరికి ఓడిపోతారు. అలానే అమరావతిలో అంతిమ విజయం మా పేదలదే అన్నారు.
