ఈ కొత్త సంవత్సరం వేళ మహారాష్ట్రలోని షిర్డీ సాయిబాబాను దర్శించుకోవాలనుకుంటున్నారా..? అయితే మీకోసం ఐఆర్‌సీటీసీ టూరిజం స్పెషల్ ప్యాకేజీని తీసుకొచ్చింది. బడ్దెట్ ధరతోనే ఈ ప్యాకేజీని హైదరాబాద్ సిటీ నుంచి ఆపరేట్ చేస్తున్నట్లు తెలిపింది.

టూరిస్టులకు ఎలాంటి ఇబ్బందులు లేకుండా షిర్డీని చూయించి తీసుకువస్తారు. ఈ ప్యాకేజీని బుకింగ్ చేసుకోవాలంటే IRCTC టూరిజం వెబ్ సైట్ లోకి వెళ్లి ‘సాయి శివమ్’ (SAI SHIVAM) ప్యాకేజీని చూడాలి. కేవలం షిర్డీ మాత్రమే కాదు.. నాసిక్ కూడా చూసి రావొచ్చు.

హైదరాబాద్ – షిర్డీ ట్రిప్ – ముఖ్య వివరాలు:

• హైదరాబాద్ నుంచి షిర్డీకి ట్రైన్ ట్రైన్ లో వెళ్లాల్సి ఉంటుంది. మూడు రాత్రులు, నాలుగు రోజులతో ఈ ప్యాకేజీ ఉంటుంది.
• ప్రస్తుతం ఈ టూర్ ప్యాకేజీ 10, జనవరి 2025 తేదీన అందుబాటులో ఉంది. ముందుగానే బుకింగ్ చేసుకోవాలి.
• https://www.irctctourism.com/ వెబ్ సైట్ లోకి వెళ్లి ఈ ప్యాకేజీ పూర్తి వివరాలు తెలుసుకోవటంతో పాటు బుకింగ్ చేసుకోవచ్చు. ఈ తేదీ మిస్ అయితే మరో తేదీలో కూడా వెళ్లొచ్చు. టూరిజం వెబ్ సైట్ లో వివరాలను అప్డేట్ చేస్తారు.
• తొలి రోజు కాచిగూడ రైల్వే స్టేషన్ నుండి 06:40 గంటలకు ట్రైన్(రైలు నెం. 17064 అజంతా ఎక్స్‌ప్రెస్) ఉంటుంది. రాత్రి అంతా జర్నీ చేస్తారు.
• రెండో రోజు మార్నింగ్ 7:10 గంటలకు నాగర్‌సోల్ రైల్వే స్టేషన్‌కు చేరుకుంటారు. పికప్ చేసుకుని షిర్డీకి తీసుకెళ్తారు. ఆ తర్వాత హోటల్‌లో చెక్ ఇన్ అవ్వాలి. అనంతరం షిర్డీ సాయిబాబా దర్శనం ఉంటుంది. సాయంత్రం షిర్డీలోని పలు ప్రాంతాలను చూడొచ్చు. రాత్రికి అక్కడే చేస్తారు.
• మూడో రోజు షిర్డీలోని హోటల్ నుంచి చెక్ అవుట్ చేయాలి. త్రయంబకేశ్వర్, పంచవతి దర్శనం ఉంటుంది. నాగర్‌సోల్ స్టేషన్‌లో రాత్రి 08:30 గంటలకు రైలు ఉంటుంది. 09:20 గంటలకు బయల్దేరుతుంది. ఓవర్ నైట్ జర్నీ ఉంటుంది.
• ఫోర్త్ డే ఉదయం 09.45 గంటలకు కాచిగూడ రైల్వే స్టేషన్ కు చేరుకుంటారు. దీంతో ఈ ట్రిప్ ముగుస్తుంది.
• టికెట్ ధరలు : సింగిల్ షేరింగ్ కు రూ. 8840గా ఉంది. డబుల్ షేరింగ్ కు రూ. 7470,ట్రిపుల్ షేరింగ్ కు రూ. 7450గా ఉంది. కంఫర్ట్ క్లాస్ లో ఈ ధరలు అందుబాటులో ఉన్నాయి. అయితే గతేడాది అక్టోబర్, నవంబర్, డిసెంబర్ నెలలతో పోల్చితే ధరలు తగ్గాయి. అక్టోబర్ నెలలో ఇదే ప్యాకేజీ రూ. 9840(సింగిల్ అక్యుపెన్సీ)గా ఉంది. డబుల్, ట్రిపుల్ అక్యుపెన్సీల ధరలు కూడా ఈ జనవరి నెలలో కొంతమేర తగ్గాయి.
• స్టాండర్డ్ క్లాస్ లో చూస్తే సింగిల్ షేరింగ్ కు రూ. 7170గా ఉండగా… డబుల్ షేరింగ్ కు రూ. 5790ధరగా నిర్ణయించారు. ట్రిపుల్ షేరింగ్ కు రూ. 5770ఉంది. 5 నుంచి 11 ఏళ్ల మధ్య ఉండే చిన్నారులకు వేర్వురు ధరలు అందుబాటులో ఉన్నాయి.
• ఈ టూర్ ప్యాకేజీలో టికెట్లు, హోటల్‌లో వసతి, బ్రేక్‌ఫాస్ట్, లంచ్, డిన్నర్ వంటివి కవర్ అవుతాయి. నిబంధనలు కూడా వర్తిస్తాయి. 9701360701 / 8287932229 / 9281495843 మొబైల్ నెంబర్లను కూడా సంప్రదించవచ్చు.
• హైదరాబాద్ – షిర్డీ టూర్ ప్యాకేజీ బుకింగ్ లింక్: https://www.irctctourism.com/pacakage_description?packageCode=SHR008
•