ఇంట్లో ఏసీ టెంపరేచర్ తగ్గించడం, ఫ్యాన్ స్విచాఫ్ చేయమనడం దగ్గరే చాలా మంది భార్యాభర్తలు, తోబుట్టువుల మధ్య తరచూ గొడవలు జరుగుతుంటాయి. దానికి కారణం పురుషుల కంటే మహిళల్లోనే చలిగా అనిపించే భావన ఎక్కువగా ఉంటుందట. అసలు మహిళలకే చలి ఎందుకు ఎక్కువగా ఉంటుంది.? శరీరానికి సంబంధించిన శాస్త్రం ఏం చెబుతుంది?

చలిగా అనిపించడానికి కారణాలు:

• పురుషుల కంటే మహిళల శరీరంలో తక్కువ కండరాలు ఉంటాయి. రక్త నాళాల నుండి చర్మం మధ్య దూరం కారణంగా మహిళలు కూడా చల్లగా భావిస్తారు. మహిళల శరీరంలో మాంసకణాల శాతం తక్కువగా ఉంటాయి. ఒకవేళ స్త్రీ, పురుషులిద్దరూ ఒకే బరువు కలిగి ఉన్నప్పటికీ, చాలా మంది మహిళల్లో, చర్మం, కండరాల మధ్య కొవ్వు పరిమాణం ఎక్కువగా ఉంటుంది. కొవ్వు శరీరంలో వేడి నిలుపుకోవడంలో సహాయపడకపోవడం వల్ల చలిని ఎక్కువగా అనుభవిస్తారు.
• చాలా మంది మహిళలకు జీవక్రియ రేటు చాలా తక్కువగా ఉంటుంది. దీని వల్ల శరీరంలో తక్కువ వేడి ఉత్పత్తి అవుతుంది. శరీర ఉష్ణోగ్రత తక్కువగా ఉన్నప్పుడు, జలుబు కూడా ఎక్కువగా అనిపిస్తుంది.
• మహిళల్లో సాధారణంగా రక్తపోటు కాస్త తక్కువగా ఉంటుంది. దీనివల్ల వారి శరీరంలోని వేడి క్రమంగా తగ్గిపోవచ్చు. ఇది చలి అనుభవాన్ని పెంచుతుంది.
• మహిళలలో రక్తప్రసరణ వేగం పురుషుల కంటే తక్కువగా ఉంటుంది. ఫలితంగా శరీరంలోని అనేక భాగాలకు వేడిని సరఫరా చేయడం కష్టతరం అవుతుంది. ఇందులో ముఖ్యంగా శరీర భాగాల్లో చివరివైన (fingers, toes) చలిగా అనిపిస్తాయి.

మహిళల్లో హార్మోన్ల అసమతుల్యత కారణం.

మహిళల్లో పీరియడ్స్ కారణంగా నెలంతా హార్మోన్ల సమతుల్యత మారుతుంది. ఈస్ట్రోజన్, ప్రొజెస్టిరాన్ హార్మోన్లలో కలిగే మార్పులు శరీర ఉష్ణోగ్రతను తగ్గిస్తాయి. ఈస్ట్రోజన్ రక్త నాళాలను విడదీయడానికి కారణమవుతుంది. ప్రొజెస్టిరాన్ రక్త నాళాలను గట్టిగా ఉంచుతుంది. అలా ఉండటం వల్ల మహిళల్లో ప్రొజెస్టిరాన్, ఈస్ట్రోజెన్ వ్యాప్తి ఎలా ఉంటుందంటే, శరీరంలోని కొన్ని భాగాలను వెచ్చగా ఉంచేందుకు మాత్రమే కారణమవుతుంది. చివరికి రక్త ప్రసరణ తక్కువగా ఉంటుంది. దీనివల్ల మహిళలు మరింత చలిగా ఫీలవుతుంటారు.

మహిళల్లో సహజంగా ఉండే చలి ప్రభావాన్ని తగ్గించవచ్చు. ఇది ఆరోగ్యాన్ని ప్రభావితం చేయకుండా, శరీరాన్ని చల్లని పరిస్థితుల నుండి రక్షించడానికి సహాయపడుతుంది.

దుస్తులు: ఉష్ణోగ్రతను బయటకు పోనివ్వని చలికోట్లు, గ్లౌజులు, సాక్సులు, దుప్పట్లు ధరించడం వల్ల వెచ్చగా ఉంచేందుకు సహాయపడుతుంది.

శరీరవృద్ధిపై దృష్టి పెట్టడం: ఆహారంలో పోషకాలు (Proteins), పొటాషియం, విటమిన్ బి వంటి పోషకాలతో శరీరాన్ని ఉష్ణోగ్రతను నియంత్రించడానికి సహాయపడే ఆహారం తీసుకోవాలి.

కొవ్వు శాతం తగ్గించడం: శరీరంలో కొవ్వు ఎక్కువగా ఉండటం వల్ల వేడి ఉత్పత్తి కష్టతరం అవుతుంది. కనుక, సాధ్యమైనంత వరకు శరీరాకృతిని మెరుగుపర్చే వ్యాయామాలు చేయడం మంచిది.

వ్యాయామం: సున్నితమైన వ్యాయామాలు, నడక లేదా చక్కటి యోగాలు చేయడం వల్ల ఆందోళనని తగ్గించి శరీరంలో వేడి ఉత్పత్తిని పెంచుతుంది. వ్యాయామం వల్ల రక్తప్రసరణ మెరుగుపడుతుంది. ఇది చలిని తగ్గించేందుకు సహాయపడుతుంది.

కొవ్వు, హైడ్రేషన్: వేడి ఉత్పత్తి కోసం కొవ్వు అవసరం. కొవ్వు యాంటీ ఆక్సిడెంట్స్, శరీరానికి అవసరమైన పోషకాలను సరఫరా చేయడానికి సహాయపడతాయి.