ప్రపంచంలోనే అతిపెద్ద ఆధ్యాత్మిక సమావేశాల్లో ఒకటైన మహా కుంభమేళా 2025 జనవరి 13 నుంచి ఫిబ్రవరి 25 వరకు జరగనుంది. ఉత్తరప్రదేశ్‌లోని ప్రయాగ్‌రాజ్‌లో జరిగే ఈ మహత్తర ఉత్సవానికి ప్రపంచవ్యాప్తంగా చాలా ప్రదేశాల నుంచి లక్షలాది మంది భక్తులు హాజరవుతారు. గంగా, యమున, సరస్వతీ వంటి నదుల పవిత్ర సంగమం వద్ద పుణ్యస్నానాలు ఆచరిస్తారు. మీరు మహా కుంభమేళా 2025 కు హాజరు కావాలనుకుంటే, సురక్షితమైన, సంతృప్తికరమైన అనుభవం పొందాలంటే ముందస్తు ప్రిపరేషన్ చాలా ముఖ్యం. యాత్రికులు ఈ దివ్య ఘట్టాన్ని ఎలాంటి ఇబ్బంది లేకుండా ఆధ్మాత్మిక తృప్తితో ఆస్వాదించడానికి ఈ ముఖ్యమైన చిట్కాలు తప్పకుండా ఉపయోగపడతాయి.

1. ముందుగానే బుక్ చేసుకోండి

కుంభమేళా లక్షలాది మందిని తరలి వెళ్తుంటారు కనుక చివరి నిమిషంతో ఇబ్బంది పడకుండా ఉండాలంటే బస, ప్రయాణాలను ముందుగానే బుక్ చేసుకోవడం చాలా అవసరం. హోటళ్లైనా, ధర్మశాలలైనా, గుడారాలు అయినా ముందుగానే స్థలాన్ని భద్రపరచుకోవడం తప్పనిసరి. చివరి నిమిషంలో ధరల పెరుగుదల, పరిమిత లభ్యతను నివారించడానికి మీ రైలు లేదా విమాన టిక్కెట్లను ముందుగానే బుక్ చేసుకోండి.

2. లైట్, స్మార్ట్ ప్యాకింగ్

ఇలాంటి రద్దీ ప్రదేశాలకు వెళుతున్నప్పుడు వస్తువులతో మీ బ్యాగ్ ను ఓవర్ లోడ్ చేయవద్దు. వెచ్చని దుస్తులు, సౌకర్యవంతమైన బూట్లు, పునర్వినియోగ నీటి బాటిల్ వంటి నిత్యావరసరాలు, ప్రాథమిక వైద్య సామాగ్రి పెట్టుకుని వెళితే చాలు. అక్కడి వాతావరణం, మీ అవసరాలను గుర్తుంచుకుని అందుకు తగిన వస్తువులను మాత్రమే తీసుకెళ్లండి. అవసరం లేనివన్నీ మోసుకెళ్లి ఇబ్బంది పడకండి. నగలు, పెద్ద మొత్తంలో డబ్బు వంటి విలువైన వస్తువులను తీసుకెళ్లకండి.

3. భద్రతకు ప్రాధాన్యత ఇవ్వండి

జనసమూహంలో సంచరించేటప్పుడు మీ వస్తువులను వెంటేసుకునే తిరగడం కన్నా సురక్షిత ప్రాంతంలో ఉంచడం మీకు సౌకర్యవంతంగా ఉంటుంది. రద్దీ ప్రాంతాల్లో ఊరికే సంచరించడం, నిర్దేశిత జోన్లలో ఉండటం మీ భద్రతకు ఆటంకాలు కలిగిస్తాయి. అలాగే మీరూ మీ కుటుంబ సభ్యులు విడిపోతే తిరిగి కలుసుకునేందుకు ఒక ఎల్లప్పుడూ బ్యాకప్ ప్లాన్ కలిగి ఉండండి.(అంటే ఒక చోటును ఎంచుకుని చెప్పుకోండి).

4. కీలక తేదీల్లో అప్రమత్తంగా ఉండండి

కుంభమేళాలో ముఖ్యమైన స్నానాల (షాహీ స్నానాలు) తేదీలను నిర్ణయించారు. క్యాలెండర్ తో ఈ తేదీలను ట్రాక్ చేయండి. ఈ పవిత్ర క్షణాల వైభవాన్ని చూడటానికి మీ సందర్శనను ప్లాన్ చేసుకోండి. ఈ తేదీల్లో ఆచారాల గురించి పూర్తి అవగాహనతో వెళ్లండి, అప్రమత్తంగా ఉండండి.

5. పరిశుభ్రత పాటించండి

జనసమూహం ఎక్కువగా ఉన్నందున మీ ఆరోగ్యాన్ని కాపాడుకోవడం కోసం మరింత శ్రద్ధ తీసుకోవాల్సి ఉంటుంది. సురక్షితంగా ఉండటానికి, ఎల్లప్పుడూ బాటిల్ లేదా ఫిల్టర్ చేసిన నీటిని త్రాగాలి. అదనపు రక్షణ కోసం మాస్క్, శానిటైజర్ తీసుకెళ్లండి. అపరిశుభ్రమైన స్టాల్స్ నుండి ఆహారాన్ని తీసుకోవడం మానుకోండి . బదులుగా మీరు ఇంట్లో చేసుకున్న ఆహార పదార్థాలను, పిండి వంటలను మీతో తీసుకెళ్లండి.

6. సంప్రదాయాలను గౌరవించండి

మహా కుంభమేళా ఒక ఆధ్యాత్మిక, సాంస్కృతిక వేడుక. సంప్రదాయాలు, ఆచారాలు పాటించడం చాలా ముఖ్యం. తోటి యాత్రికుల పట్ల మర్యాదగా వ్యవహరించండి. వినయంగా దుస్తులు ధరించండి, మార్గదర్శకాలను పాటించండి. కార్యక్రమం పవిత్రతను గౌరవించడానికి గౌరవప్రదమైన ప్రవర్తనతో మెలగండి.

7. పరిచయాలను అందుబాటులో ఉంచుకోండి

పెద్ద జనసమూహం, పొడవైన క్యూలైన్లు, ఎవరి పనుల్లో వారు, ఎవరి ఆరాటం వారిది. కనుక అక్కడ మీకు ఏమీ అర్థం కాకపోవచ్చు. బిజీబిజీగా ఉండే ప్రదేశం కనుక మీ కన్ఫ్యూజ్ అవుతుండచ్చు. కాబట్టి ఎంక్వైరీ బూత్, దగ్గరలో ఉన్నవారు ఇళ్లు, తెలిసిన వ్యక్తుల ఫొన్ నంబక్లు వంటివన్నీ మీతో పాటే ఉంచుకోండి. మీ వైద్యుడి నంబర్ వంటి ముఖ్యమైన కాంటాక్ట్లను సేవ్ చేసుకోండి. అన్నిటికన్నా ముఖ్యమైనది ఏంటంటే.. మీ ఐడి కాపీని మీతో తీసుకెళ్లడం మర్చిపోవద్దు.

8. కనెక్టివిటీ ముఖ్యం

ఇలాంటి ప్రాంతాలకు వెళ్లినప్పుడు చుట్టుపక్కల చాలా మందితో కనెక్ట్ అవ్వడం చాలా ముఖ్యం. అలాగే మీ ఫోన్ లో ఛార్జింగ్ ఫుల్ గా ఉందా లేదా మీ దగ్గర డబ్బు, నగదు రూపంలో ఉందా లేదా నిర్దారించుకోవడం అవసరం. కనెక్టివిటీ సమస్యలను నివారించడానికి పోర్టబుల్ ఛార్జర్ను తీసుకెళ్లడానాకి ప్రయత్నించండి.

9. నావిగేషన్ టూల్స్ ఉపయోగించండి

కుంభమేళా చాలా విశాలమైన ప్రాంతంతో కనుక దారులు మీకు అర్థం కాకపోవచ్చు. మీరు ఎలా వెళ్లాలో, ఎక్కడికి వెళ్లాలో తెలియక ఇబ్బంది పడచ్చు. కనుక ఘాట్లు, వైద్య సౌకర్యాలు, ప్రవేశ మార్గాలు వంటి కీలక ప్రదేశాలకు మార్గనిర్దేశం చేయడానికి మహాకుంభ మేళా 2025 యాప్‌లు, రూట్ మ్యాప్ వంటి అధికారిక మొబైల్ అనువర్తనాలను ఉపయోగించండి.

10. సౌకర్యవంతమైన దుస్తులను ఎంచుకోండి

పొడవైన క్యూలు, కొన్ని ప్రాంతాల్లో వాహన ప్రవేశం లేకపోవడంతో, మీరు గంటల తరబడి నిలబడాల్సి వస్తుంది. కాలినడక చేయాల్సి వస్తుంది. అలాంటి సందర్భాల్లో కూడా ఇబ్బంది కలిగించకుండా ఉండేందుకు రిలాక్స్‌డ్‌గా, సౌకర్యవంతంగా ఉండే దుస్తులు, దృఢమైన చెప్పులు లేదా బూట్లు ధరించండి.